Umfjöllun: Töpuð FIFA-stig í jafntefli við Eista í Tallinn Tómas Þór Þórðarson skrifar 31. mars 2015 18:00 Viðar Örn Kjartansson í baráttunni við hinn firnasterka Ragnar Klavan, miðvörð Eista. Vísir/epa Íslenska landsliðið í fótbolta gerði jafntefli við Eistland, 1-1, í vináttulandsleik í Tallinn í kvöld. Frammistaða okkar manna var ekki nógu góð og úrslitin eftir því. Rúrik Gíslason skoraði mark Íslands. Lars og Heimir gerðu ellefu breytingar á byrjunarliðinu frá sigrinum á Kasakstan. Emil Hallfreðsson bar fyrirliðabandið að þessu sinni, en bekkurinn hjá Íslandi var svakalega sterkur í dag.Ísland í dag (4-4-2); Ögmundur Kristinsson - Haukur Heiðar Hauksson, Hallgrímur Jónasson, Jón Guðni Fjóluson (Ragnar Sigurðsson 46.), Hörður Björgvin Magnússon (Ari Freyr Skúlason 46.) - Rúrik Gíslason, Guðlaugur Victor Pálsson (Ólafur Ingi Skúlason 46.), Emil Hallfreðsson (Rúnar Már S. Sigurjónsson 60.), Jón Daði Böðvarsson (Jóhann Berg Guðmundsson 46.) - Alfreð Finnbogason, Viðar Örn Kjartansson. Fyrir leik var mikil athöfn þar sem Raio Piiroja, leikmaður Eista var kvaddur. Hann fékk fjöldan allan af gjöfum, þar á meðal íslenska landsliðstreyju frá Geir Þorsteinssyni með nafni sínu á. Hann fékk einnig gúmmíbát.Haukur Heiðar Hauksson skallar frá marki.vísir/epaPiiroja spilaði svo bara fyrstu tólf mínútur leiksins og hefur væntanlega drifið sig heim á gúmmíbátnum með allan þann fjölda af gjöfum sem hann fékk. Piiroja tókst þó að vera nógu lengi inn á til að sjá Ísland skora fyrsta markið, en það gerði Rúrik Gíslason á níundu mínútu. Guðlaugur Victor átti þá flotta skiptingu frá vinstri til hægri og vinstri bakvörður Eista missti boltann yfir sig. Haukur Heiðar renndi boltanum inn á teiginn þar sem Viðar Örn gerði sig líklega til að skora en hann hitti ekki boltann. Þess í stað endaði boltinn hjá Jóni Daða Böðvarssyni. Hann var yfirvegaður og sendi á Rúrik Gíslason á fjærstönginni vinstra megin. Rúrik lét ekki bjóða sér það tvisvar og skoraði með góðu skoti. Eistar pressuðu stíft eftir markið og fengu skotfæri rétt fyrir utan teig sem þeir nýttu ekki. Skömmu síðar tók Ísland aftur völdin á vellinum og þurfti Aksalu markvörður Eista að taka á honum stóra sínum þegar Viðar Örn Kjartansson slapp einn í gegn eftir glæsilega sendingu Alfreðs Finnbogasonar. Sjálfur komst Alfreð í dauðafæri á 33. mínútu en skaut framhjá. Hann átti þó klárlega að fá vítaspyrnu því Taijo Teniste, leikmaður Eista, hélt í treyju hans allan tímann.Alfreð Finbogason átti að fá vítaspyrnu.vísir/epaEistar voru mun betri síðustu tíu mínútur fyrri hálfleiks og voru hársbreidd frá því að jafna metin í uppbótartíma. Þá reyndi fyrst almennilega á Ögmund Kristinsson í markinu, en Ögmundur varði skalla Konstantin Vassiljev af stuttu færi. Eistar fóru mikið upp vinstra megin í fyrri hálfleik og fengu nokkrar góðar fyrirgjafir sem miðverðirnir Hallgrímur Jónasson og Jón Guðni Fjóluson skölluðu frá. Emil Hallfreðsson stýrði spilinu ágætlega í fyrri hálfleik og átti varla misheppnaða sendingu, en á síðasta þriðjungi vallarins var ekki mikið að frétta. Sterkir miðverðir Eista gerðu framherjum Íslands lífið leitt þegar langar sendingar komu fram völlinn. Lars og Heimir gerðu fjórar breytingar í hálfleik. Ólafur Ingi, Jóhann Berg, Ari Freyr og Ragnar Sigurðsson komu inn á, en það gerði ekkert til að hrista upp í liðinu þegar seinni hálfleikurinn var flautaður á. Doði var yfir íslenska liðinu sem endaði með því að Emil Hallfreðsson missti boltann í baráttu við Konstantin Vassiljev á miðjunni. Vassiljev rak boltann frá miðju, fíflaði Ragnar Sigurðsson með nokkrum skærum og skoraði með föstu skoti í vinstra hornið. Alls ekki nógu gott hjá Emil sem hafði annars verið góður, en hann fór af velli skömmu síðar. Ragnar leit heldur ekkert sérstaklega vel út í markinu.vísir/epaStrákarnir vöknuðu við þetta mark Eistanna og tóku aftur völdin í leiknum. Sendingarnar voru betri og Ísland náði að setja smá pressu á heimamenn. Ari Freyr átti hættulega fyrirgjöf frá vinstri sem Eistar björguðu frá marki á síðustu stundu. Íslenska pressan entist þó ekki lengi. Eistar, sem eru ekki þekktir fyrir frábæran sóknarleik og þvert á móti, áttu nokkrar hraðar og skemmtilegar sóknir á meðan okkar menn áttu erfitt með að byggja upp sóknir. Það hjálpaði Eistum hversu slitið var á milli varnar og miðju hjá íslenska liðinu í dag. Mikið pláss skapaðist þar á milli sem Eistar nýttu sér vel og settu íslensku vörnina undir mikla pressu á köflum. Íslenska liðið náði aldrei að setja það eistneska undir neina alvöru pressu undir lokin og ógnaði marki ekki mikið. Framherjarnir voru í vandræðum gegn sterkri vörn heimamanna og færin af skornum skammti. Alfreð Finnbogason fékk þó gott færi í uppbótartíma en Aksalu í markinu varði skot hans eftir sendingu Jóhanns Berg Guðmundssonar. Íslandi átti svo að fá annað víti í seinni hálfleik en ömurlegur dómari leiksins dæmdi ekki neitt. Auðvitað er hægt að benda á að það vantaði lykilmenn á borð við Gylfa Þór, Aron Einar, Eið Smára og Kolbein Sigþórsson, en þeir sem voru inn á vellinum í dag áttu klárlega að geta afgreitt lið Eistlands. Jóhann Berg kom inn á í hálfleik og átti nokkrar ágætar fyrirgjafir. Hann reyndi að "skera" inn frá hægri kantinum og koma sér í skotfæri en sá ekkert nema bláan varnarvegg heimamanna. Í heildina frekar svekkjandi niðurstaða. Þó um vináttuleik hafi verið að ræða vildu þjálfararnir og leikmennirnir innbyrða sigur til að ná í FIFA-stiga klífa upp heimslistann. Hann skiptir gríðarlega miklu máli þegar raðað er í styrkleikaflokka fyrir undankeppni HM 2018. Jafnteflið sanngjarnt. EM 2016 í Frakklandi Mest lesið Bein útsending: Bakgarðshlaupið í Heiðmörk Sport Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Sló 24 ára gamalt met Kára Steins, aftur Sport Bað börnin sín afsökunar á dánarbeðinum Fótbolti Í beinni: KA - Víkingur | Á sama tíma að ári Íslenski boltinn Pössuðu að leikmenn Fulham væru aldrei einar með Al Fayed Enski boltinn UEFA sé að missa þolinmæðina gagnvart Íslandi Íslenski boltinn Stöðvuðu bardaga Valgerðar Sport Díaz með tvö og Liverpool tyllti sér á toppinn Enski boltinn Fleiri fréttir Fulham fyrst til að vinna Newcastle og dramatík í Birmingham og Southampton Í beinni: Crystal Palace - Man. Utd | Er United komið á rétta braut? Spurs vann þrátt fyrir að lenda undir eftir hálfa mínútu Bayern búið að skora tuttugu mörk í síðustu þremur leikjum Í beinni: KA - Víkingur | Á sama tíma að ári Selfoss og KFA mætast í úrslitum Ásdís Karen skoraði í þriðja sigri Lillestrøm í röð Sjö KR-ingar heiðraðir á Anfield Orri í byrjunarliði Real Sociedad sem mistókst enn og aftur að skora Díaz með tvö og Liverpool tyllti sér á toppinn Jackson í stuði þegar Chelsea fór létt með West Ham Lið Ísaks og Valgeirs bjargaði stigi á dramatískan hátt Endurkoma hjá Dagnýju „Er ekki bara kominn tími til að breyta þessu?“ Pössuðu að leikmenn Fulham væru aldrei einar með Al Fayed „Okkar að stöðva drauma þeirra í fæðingu“ Segir að Rashford hafi tekið lífsstílinn í gegn Bað börnin sín afsökunar á dánarbeðinum UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Sjá meira
Íslenska landsliðið í fótbolta gerði jafntefli við Eistland, 1-1, í vináttulandsleik í Tallinn í kvöld. Frammistaða okkar manna var ekki nógu góð og úrslitin eftir því. Rúrik Gíslason skoraði mark Íslands. Lars og Heimir gerðu ellefu breytingar á byrjunarliðinu frá sigrinum á Kasakstan. Emil Hallfreðsson bar fyrirliðabandið að þessu sinni, en bekkurinn hjá Íslandi var svakalega sterkur í dag.Ísland í dag (4-4-2); Ögmundur Kristinsson - Haukur Heiðar Hauksson, Hallgrímur Jónasson, Jón Guðni Fjóluson (Ragnar Sigurðsson 46.), Hörður Björgvin Magnússon (Ari Freyr Skúlason 46.) - Rúrik Gíslason, Guðlaugur Victor Pálsson (Ólafur Ingi Skúlason 46.), Emil Hallfreðsson (Rúnar Már S. Sigurjónsson 60.), Jón Daði Böðvarsson (Jóhann Berg Guðmundsson 46.) - Alfreð Finnbogason, Viðar Örn Kjartansson. Fyrir leik var mikil athöfn þar sem Raio Piiroja, leikmaður Eista var kvaddur. Hann fékk fjöldan allan af gjöfum, þar á meðal íslenska landsliðstreyju frá Geir Þorsteinssyni með nafni sínu á. Hann fékk einnig gúmmíbát.Haukur Heiðar Hauksson skallar frá marki.vísir/epaPiiroja spilaði svo bara fyrstu tólf mínútur leiksins og hefur væntanlega drifið sig heim á gúmmíbátnum með allan þann fjölda af gjöfum sem hann fékk. Piiroja tókst þó að vera nógu lengi inn á til að sjá Ísland skora fyrsta markið, en það gerði Rúrik Gíslason á níundu mínútu. Guðlaugur Victor átti þá flotta skiptingu frá vinstri til hægri og vinstri bakvörður Eista missti boltann yfir sig. Haukur Heiðar renndi boltanum inn á teiginn þar sem Viðar Örn gerði sig líklega til að skora en hann hitti ekki boltann. Þess í stað endaði boltinn hjá Jóni Daða Böðvarssyni. Hann var yfirvegaður og sendi á Rúrik Gíslason á fjærstönginni vinstra megin. Rúrik lét ekki bjóða sér það tvisvar og skoraði með góðu skoti. Eistar pressuðu stíft eftir markið og fengu skotfæri rétt fyrir utan teig sem þeir nýttu ekki. Skömmu síðar tók Ísland aftur völdin á vellinum og þurfti Aksalu markvörður Eista að taka á honum stóra sínum þegar Viðar Örn Kjartansson slapp einn í gegn eftir glæsilega sendingu Alfreðs Finnbogasonar. Sjálfur komst Alfreð í dauðafæri á 33. mínútu en skaut framhjá. Hann átti þó klárlega að fá vítaspyrnu því Taijo Teniste, leikmaður Eista, hélt í treyju hans allan tímann.Alfreð Finbogason átti að fá vítaspyrnu.vísir/epaEistar voru mun betri síðustu tíu mínútur fyrri hálfleiks og voru hársbreidd frá því að jafna metin í uppbótartíma. Þá reyndi fyrst almennilega á Ögmund Kristinsson í markinu, en Ögmundur varði skalla Konstantin Vassiljev af stuttu færi. Eistar fóru mikið upp vinstra megin í fyrri hálfleik og fengu nokkrar góðar fyrirgjafir sem miðverðirnir Hallgrímur Jónasson og Jón Guðni Fjóluson skölluðu frá. Emil Hallfreðsson stýrði spilinu ágætlega í fyrri hálfleik og átti varla misheppnaða sendingu, en á síðasta þriðjungi vallarins var ekki mikið að frétta. Sterkir miðverðir Eista gerðu framherjum Íslands lífið leitt þegar langar sendingar komu fram völlinn. Lars og Heimir gerðu fjórar breytingar í hálfleik. Ólafur Ingi, Jóhann Berg, Ari Freyr og Ragnar Sigurðsson komu inn á, en það gerði ekkert til að hrista upp í liðinu þegar seinni hálfleikurinn var flautaður á. Doði var yfir íslenska liðinu sem endaði með því að Emil Hallfreðsson missti boltann í baráttu við Konstantin Vassiljev á miðjunni. Vassiljev rak boltann frá miðju, fíflaði Ragnar Sigurðsson með nokkrum skærum og skoraði með föstu skoti í vinstra hornið. Alls ekki nógu gott hjá Emil sem hafði annars verið góður, en hann fór af velli skömmu síðar. Ragnar leit heldur ekkert sérstaklega vel út í markinu.vísir/epaStrákarnir vöknuðu við þetta mark Eistanna og tóku aftur völdin í leiknum. Sendingarnar voru betri og Ísland náði að setja smá pressu á heimamenn. Ari Freyr átti hættulega fyrirgjöf frá vinstri sem Eistar björguðu frá marki á síðustu stundu. Íslenska pressan entist þó ekki lengi. Eistar, sem eru ekki þekktir fyrir frábæran sóknarleik og þvert á móti, áttu nokkrar hraðar og skemmtilegar sóknir á meðan okkar menn áttu erfitt með að byggja upp sóknir. Það hjálpaði Eistum hversu slitið var á milli varnar og miðju hjá íslenska liðinu í dag. Mikið pláss skapaðist þar á milli sem Eistar nýttu sér vel og settu íslensku vörnina undir mikla pressu á köflum. Íslenska liðið náði aldrei að setja það eistneska undir neina alvöru pressu undir lokin og ógnaði marki ekki mikið. Framherjarnir voru í vandræðum gegn sterkri vörn heimamanna og færin af skornum skammti. Alfreð Finnbogason fékk þó gott færi í uppbótartíma en Aksalu í markinu varði skot hans eftir sendingu Jóhanns Berg Guðmundssonar. Íslandi átti svo að fá annað víti í seinni hálfleik en ömurlegur dómari leiksins dæmdi ekki neitt. Auðvitað er hægt að benda á að það vantaði lykilmenn á borð við Gylfa Þór, Aron Einar, Eið Smára og Kolbein Sigþórsson, en þeir sem voru inn á vellinum í dag áttu klárlega að geta afgreitt lið Eistlands. Jóhann Berg kom inn á í hálfleik og átti nokkrar ágætar fyrirgjafir. Hann reyndi að "skera" inn frá hægri kantinum og koma sér í skotfæri en sá ekkert nema bláan varnarvegg heimamanna. Í heildina frekar svekkjandi niðurstaða. Þó um vináttuleik hafi verið að ræða vildu þjálfararnir og leikmennirnir innbyrða sigur til að ná í FIFA-stiga klífa upp heimslistann. Hann skiptir gríðarlega miklu máli þegar raðað er í styrkleikaflokka fyrir undankeppni HM 2018. Jafnteflið sanngjarnt.
EM 2016 í Frakklandi Mest lesið Bein útsending: Bakgarðshlaupið í Heiðmörk Sport Veðmál systkina til lykta leitt: „Veit að ég mun aldrei tapa fyrir honum“ Sport Iðrast gjörða sinna: „Var klárlega rangt af mér“ Íslenski boltinn Sló 24 ára gamalt met Kára Steins, aftur Sport Bað börnin sín afsökunar á dánarbeðinum Fótbolti Í beinni: KA - Víkingur | Á sama tíma að ári Íslenski boltinn Pössuðu að leikmenn Fulham væru aldrei einar með Al Fayed Enski boltinn UEFA sé að missa þolinmæðina gagnvart Íslandi Íslenski boltinn Stöðvuðu bardaga Valgerðar Sport Díaz með tvö og Liverpool tyllti sér á toppinn Enski boltinn Fleiri fréttir Fulham fyrst til að vinna Newcastle og dramatík í Birmingham og Southampton Í beinni: Crystal Palace - Man. Utd | Er United komið á rétta braut? Spurs vann þrátt fyrir að lenda undir eftir hálfa mínútu Bayern búið að skora tuttugu mörk í síðustu þremur leikjum Í beinni: KA - Víkingur | Á sama tíma að ári Selfoss og KFA mætast í úrslitum Ásdís Karen skoraði í þriðja sigri Lillestrøm í röð Sjö KR-ingar heiðraðir á Anfield Orri í byrjunarliði Real Sociedad sem mistókst enn og aftur að skora Díaz með tvö og Liverpool tyllti sér á toppinn Jackson í stuði þegar Chelsea fór létt með West Ham Lið Ísaks og Valgeirs bjargaði stigi á dramatískan hátt Endurkoma hjá Dagnýju „Er ekki bara kominn tími til að breyta þessu?“ Pössuðu að leikmenn Fulham væru aldrei einar með Al Fayed „Okkar að stöðva drauma þeirra í fæðingu“ Segir að Rashford hafi tekið lífsstílinn í gegn Bað börnin sín afsökunar á dánarbeðinum UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Sjá meira