Aron vann Vigni

Aron Kristjánsson og lærisveinar hans í KIF Kolding halda áfram sigurgöngu sinni í dönsku úrvalsdeildinni í handbolta.

KIF mætti Midtjylland, en með liðinu leikur Vignir Svavarsson. Kolding var með einu marki yfir í hálfleik; 15-14.

Þeir kláruðu svo leikinn með öruggum sex marka sigri, 30-24.

Vignir Svavarsson skoraði tvö mörk úr fjórum skotum og var tvisvar sinnum sendur í kælingu.

KIF Kolding er á toppnum með sex stiga forystu á Álaborg sem er í öðru sæti. Midtjylland er í fimmta sæti.