Feluleikur um janúarlandslið Benedikt Bóas skrifar 21. desember 2017 07:00 Handbolti er svo dásamlega skemmtileg íþrótt og nú þegar hann er kominn á Stöð 2 Sport fær hann verðskuldaða athygli. Handboltinn hefur verið að stíga út úr þeim skrýtna fasa sem hann var kominn í og er að nútímavæðast, þó enn sé langt í land. Þó eru leifar af gamla tímanum enn viðloðandi HSÍ. Á föstudag var lokahópurinn nefnilega valinn á Evrópumótið sem haldið verður í Króatíu í janúar. Og hvernig tilkynnti HSÍ hópinn? Jú, með því að senda tölvupóst. Klukkan 16.00. Þannig að þegar fólk gekk út í helgina þá voru ekkert allir sem vissu að hópurinn hefði verið kynntur. Engin umræða var um hópinn þar sem það var enginn blaðamannafundur og því birtu flestir fjölmiðlar bara hópinn og héldu svo áfram sínum störfum. Og hvað sagði landsliðsþjálfari um hópinn? Ekki neitt. Sama dag var nefnilega KSÍ að tilkynna hóp af mönnum sem fara til Indónesíu. Og hvernig gerðu þeir hlutina? Jú, með blaðamannafundi þar sem hægt var að ræða við landsliðsþjálfarann. Og hvenær var fundurinn? Hann var snemma þannig að allir vissu af honum. HSÍ kann ótrúlega lítið að spila á fjölmiðla og mér líður oft eins og sambandið hreinlega vilji ekki umfjöllun um sína íþrótt. Núna þegar handboltinn er kominn á Stöð 2 Sport, þá hefði verið einfaldasta mál í heimi að fá umfjöllun um hópinn því að með tilkomu þáttarins Seinni bylgjunnar er sófakartafla eins og ég farin að þekkja marga leikmenn. Og ég er ekki sammála vali landsliðsþjálfarans. Bara mjög langt frá því. En trúlega er orðið of seint að segja frá því. Hópurinn var jú valinn á föstudag. Sendur út með tölvupósti. Klukkan fjögur. Viltu birta grein á Vísi? Sendu okkur póst. Senda grein Benedikt Bóas Birtist í Fréttablaðinu Mest lesið Þegar móðir mín kvaddi okkur fyrir einu ári síðan í dag Gísli Hvanndal Jakobsson Skoðun Álit Einhverfupaunksins um ABA meðferð og kennslu á Íslandi Sigrún Ósk Stefánsdóttir Skoðun Að hengja prest fyrir biskup, að hengja manneskju fyrir stofnun Hödd Vilhjálmsdóttir Skoðun Ef Trump tapar kosningunum… Jun Þór Morikawa Skoðun Ómarktæk skoðanakönnun Marinó G. Njálsson Skoðun Samkennd samfélags Guðrún Karls Helgudóttir Skoðun Þegar ómennskan vitnar í lög Bubbi Morthens Skoðun Varhugaverð þróun í leikskólamálum Finnbjörn A. Hermannsson,Guðrún Margrét Guðmundsdóttir Skoðun Áherslur ráðherra skipta máli Heimir Örn Árnason Skoðun Veistu þitt skýjaspor? Hólmfríður Rut Einarsdóttir,Þóra Rut Jónsdóttir Skoðun
Handbolti er svo dásamlega skemmtileg íþrótt og nú þegar hann er kominn á Stöð 2 Sport fær hann verðskuldaða athygli. Handboltinn hefur verið að stíga út úr þeim skrýtna fasa sem hann var kominn í og er að nútímavæðast, þó enn sé langt í land. Þó eru leifar af gamla tímanum enn viðloðandi HSÍ. Á föstudag var lokahópurinn nefnilega valinn á Evrópumótið sem haldið verður í Króatíu í janúar. Og hvernig tilkynnti HSÍ hópinn? Jú, með því að senda tölvupóst. Klukkan 16.00. Þannig að þegar fólk gekk út í helgina þá voru ekkert allir sem vissu að hópurinn hefði verið kynntur. Engin umræða var um hópinn þar sem það var enginn blaðamannafundur og því birtu flestir fjölmiðlar bara hópinn og héldu svo áfram sínum störfum. Og hvað sagði landsliðsþjálfari um hópinn? Ekki neitt. Sama dag var nefnilega KSÍ að tilkynna hóp af mönnum sem fara til Indónesíu. Og hvernig gerðu þeir hlutina? Jú, með blaðamannafundi þar sem hægt var að ræða við landsliðsþjálfarann. Og hvenær var fundurinn? Hann var snemma þannig að allir vissu af honum. HSÍ kann ótrúlega lítið að spila á fjölmiðla og mér líður oft eins og sambandið hreinlega vilji ekki umfjöllun um sína íþrótt. Núna þegar handboltinn er kominn á Stöð 2 Sport, þá hefði verið einfaldasta mál í heimi að fá umfjöllun um hópinn því að með tilkomu þáttarins Seinni bylgjunnar er sófakartafla eins og ég farin að þekkja marga leikmenn. Og ég er ekki sammála vali landsliðsþjálfarans. Bara mjög langt frá því. En trúlega er orðið of seint að segja frá því. Hópurinn var jú valinn á föstudag. Sendur út með tölvupósti. Klukkan fjögur.