Ciudad Real færist nær Madrid

Spænska handboltastórveldið Ciudad Real mun að öllum líkindum flytja til Madrid á næstu vikum. Ekki tókst að safna nægu fé til þess að halda liðinu í Ciudad.

Félagið hafði gefið sér tíma til mánaðarmóta til þess að ganga frá málum við styrktaraðila en þær viðræður gengu ekki upp.

Því er lítið annað í stöðunni fyrir félagið annað en að flytja sig um set.

Þegar er byrjað að vinna í formlegri pappírsvinnu svo hægt verði að flytja félagið sem var ekki óskastaða eiganda félagsins.