Uppselt á leikinn í dag

Allir miðar á landsleik Íslands og Slóveníu í undankeppni EM 2014 í dag eru uppseldir.

Leikurinn fer fram í Laugardalshöll og hefst klukkan 16.00 en fylgst verður með honum í beinni lýsingu á Boltavakt Vísis og Fréttablaðsins.

Ísland er með fullt hús stiga í sínum riðli í undankeppninni eftir frækilegan sigur á Slóvenum ytra á miðvikudagskvöldið, 29-28.

Sigur í dag myndi gulltryggja íslenska liðinu keppnisrétt á EM sem fer fram í Danmörku á næsta ári.