Guðlaugur Victor: Ætla að bæta upp fyrir þessa átta mánuði og slá í gegn Tómas Þór Þórðarson skrifar 20. maí 2016 13:30 Guðlaugur Victor Pálsson byrjaði frábærlega með Esbjerg en missti svo af næstum öllu tímabilinu. vísir/efb.dk „Þetta var skrítið - ég skal viðurkenna það,“ segir knattspyrnumaðurinn Guðlaugur Victor Pálsson, leikmaður Esbjerg í dönsku úrvalsdeildinni, við Vísi um endurkomu sína á fótboltavöllinn um síðustu helgi. Victor var keyptur til Esbjerg frá Helsingborg í Svíþjóð síðasta sumar og byrjaði af krafti. Hann skoraði í fyrsta leik og var valinn maður leiksins. Hann meiddist svo í þriðja leik mjög illa og var frá í átta mánuði þar til hann sneri aftur um helgina þar sem hann kom inn á í leik gegn Bröndby. „Það var að sjálfsögðu frábært og gaman og skemmtilegt að spila aftur fótbolta en aftur á móti fann ég alveg að það vantar upp á ýmislegt eins og snerpu og fleira,“ segir hann. „Það mun taka sinn tíma að koma sér í almennilegt stand og fá allt til að smella aftur. Þetta hefur verið helvíti erfitt en maður getur ekki annað en brosað þegar maður er byrjaður að sparka í bolta aftur,“ segir Victor. Miðjumaðurinn öflugi úr Grafarvoginum var á fínum skriði á ferlinum þegar hann meiddist. Honum gekk vel í Svíþjóð áður en hann fór til Danmerkur þar sem hann fékk svo varla tækifæri til að sýna stuðningsmönnum hvað í honum býr. „Þetta var ákveðið sjokk í sjálfu sér því þetta er í fyrsta skipti á mínum ferli sem ég meiðist. Ég man bara ekki eftir því að hafa misst af leik á mínum ferli vegna meiðsla,“ segir Victor. „Svo voru þetta líka svo alvarleg meiðsli þannig það var ákveðið áfall líka. Ég þekkti ekkert hvernig það er að vera meiddur. Það erfiðasta er samt tímasetningin. Henni var erfiðast að kyngja.“„Það sem bítur mig mest er að hafa ekki fengið tækifæri vegna meiðslanna.“vísir/gettyMissti af tækifærinu Tímasetningin var svo sannarlega slæm fyrir Victor sem var auðvitað nýkominn til Esbjerg þegar hann meiðist. Þar með var ekki öll sagan sögð því Victor ætlaði sér að gera allt hvað hann gat til að fá tækifæri í æfingaleikjum íslenska landsliðsins með þá von í hjarta að vera í EM-hópnum í sumar. „Ég leit á þetta þannig að það var ákveðin samkeppni í landsliðinu um stöðu varnarsinnaðs miðjumanns sem er mín uppáhaldsstaða. Þetta leit samt ekki það vel út þegar ég var hjá Helsingborg þar sem ég var að spila sem miðvörður. Þar fékk ég að heyra frá mínu fólki að möguleikar mínir með landsliðinu voru litlir,“ segir Victor. „Að sjálfsögðu veit ég að ég hefði boðið upp á góða samkeppni í landsliðinu en síðan veit maður ekkert hvað hefði gerst. Ég hefði þurft að standa mig í þessum æfingaleikjum ef ég hefði fengið tækifæri í þeim og auðvitað hefði ég líka þurft að standa mig hjá Esbjerg. Ég allavega byrjaði mjög vel hér,“ segir Victor sem ætlaði sér vitaskuld stóra hluti í vetur. „Ég ætlaði mér að slá í gegn hjá Esbjerg og vinna mér sæti í landsliðshópnum fyrir æfingaleikina og sanna mig bæði þar og með félagsliðinu. Ég er alveg fullviss um að ef ég hefði staðið mig vel og ég hefði verið valinn í æfingaleikina hefði ég getað bankað á dyrnar á EM-hópnum eins og aðrir.“ „Það sem bítur mig mest er að hafa ekki fengið tækifæri vegna meiðslanna til að sýna landsliðsþjálfurnum og auðvitað mínu liði að þessi staða varnarsinnaðs miðjumanns er eitthvað sem ég gat slegist um. Því miður varð ekkert úr því á þessu tímabili,“ segir Victor.Hver mínúta sem ég fæ núna er bara bónus því fyrir þremur mánuðum sá ég það aldrei gerast að vera orðinn klár núna.“mynd/efb.dkSlá í gegn Það eru aðeins þrjár umferðir eftir af dönsku úrvalsdeildinni. Þar stefnir í að Esbjerg hafni í ellefta og næst neðsta sæti en liðið er með 27 stig, sex stigum frá AGF. Hobro er eina liðið sem fellur. Sumarfríið í dönsku úrvalsdeildinni er ekki mikið sem hentar Victori vel enda vill hann spila eins mikið og hann getur á næstu vikum og mánuðum til að koma sér í leikform. „Við fáum þriggja vikna frí og svo er aftur mót mánuði síðar. Hver mínúta sem ég fæ núna er bara bónus því fyrir þremur mánuðum sá ég það aldrei gerast að vera orðinn klár núna. Endurhæfingin hefur bara gengið mjög vel,“ segir hann. „Það er jákvætt þannig mín sýn á sumarfríð er bara að æfa sem mest og vera alveg 190 prósent klár í næsta tímabil. Ég ætla að bæta upp fyrir þessa átta mánuði sem ég hef verið frá og ætla mér að slá í gegn,“ segir Guðlaugur Victor Pálsson. EM 2016 í Frakklandi Fótbolti á Norðurlöndum Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Var kennari og þjálfaði karlalið þegar hann stýrði kvennalandsliðinu Fótbolti Aðeins einn löglegur dúkur svo Valur og FH byrja saman í Krikanum Handbolti Fleiri fréttir Leik lokið: Víkingur - Þróttur 1-1 | Eitt stig í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjá meira
„Þetta var skrítið - ég skal viðurkenna það,“ segir knattspyrnumaðurinn Guðlaugur Victor Pálsson, leikmaður Esbjerg í dönsku úrvalsdeildinni, við Vísi um endurkomu sína á fótboltavöllinn um síðustu helgi. Victor var keyptur til Esbjerg frá Helsingborg í Svíþjóð síðasta sumar og byrjaði af krafti. Hann skoraði í fyrsta leik og var valinn maður leiksins. Hann meiddist svo í þriðja leik mjög illa og var frá í átta mánuði þar til hann sneri aftur um helgina þar sem hann kom inn á í leik gegn Bröndby. „Það var að sjálfsögðu frábært og gaman og skemmtilegt að spila aftur fótbolta en aftur á móti fann ég alveg að það vantar upp á ýmislegt eins og snerpu og fleira,“ segir hann. „Það mun taka sinn tíma að koma sér í almennilegt stand og fá allt til að smella aftur. Þetta hefur verið helvíti erfitt en maður getur ekki annað en brosað þegar maður er byrjaður að sparka í bolta aftur,“ segir Victor. Miðjumaðurinn öflugi úr Grafarvoginum var á fínum skriði á ferlinum þegar hann meiddist. Honum gekk vel í Svíþjóð áður en hann fór til Danmerkur þar sem hann fékk svo varla tækifæri til að sýna stuðningsmönnum hvað í honum býr. „Þetta var ákveðið sjokk í sjálfu sér því þetta er í fyrsta skipti á mínum ferli sem ég meiðist. Ég man bara ekki eftir því að hafa misst af leik á mínum ferli vegna meiðsla,“ segir Victor. „Svo voru þetta líka svo alvarleg meiðsli þannig það var ákveðið áfall líka. Ég þekkti ekkert hvernig það er að vera meiddur. Það erfiðasta er samt tímasetningin. Henni var erfiðast að kyngja.“„Það sem bítur mig mest er að hafa ekki fengið tækifæri vegna meiðslanna.“vísir/gettyMissti af tækifærinu Tímasetningin var svo sannarlega slæm fyrir Victor sem var auðvitað nýkominn til Esbjerg þegar hann meiðist. Þar með var ekki öll sagan sögð því Victor ætlaði sér að gera allt hvað hann gat til að fá tækifæri í æfingaleikjum íslenska landsliðsins með þá von í hjarta að vera í EM-hópnum í sumar. „Ég leit á þetta þannig að það var ákveðin samkeppni í landsliðinu um stöðu varnarsinnaðs miðjumanns sem er mín uppáhaldsstaða. Þetta leit samt ekki það vel út þegar ég var hjá Helsingborg þar sem ég var að spila sem miðvörður. Þar fékk ég að heyra frá mínu fólki að möguleikar mínir með landsliðinu voru litlir,“ segir Victor. „Að sjálfsögðu veit ég að ég hefði boðið upp á góða samkeppni í landsliðinu en síðan veit maður ekkert hvað hefði gerst. Ég hefði þurft að standa mig í þessum æfingaleikjum ef ég hefði fengið tækifæri í þeim og auðvitað hefði ég líka þurft að standa mig hjá Esbjerg. Ég allavega byrjaði mjög vel hér,“ segir Victor sem ætlaði sér vitaskuld stóra hluti í vetur. „Ég ætlaði mér að slá í gegn hjá Esbjerg og vinna mér sæti í landsliðshópnum fyrir æfingaleikina og sanna mig bæði þar og með félagsliðinu. Ég er alveg fullviss um að ef ég hefði staðið mig vel og ég hefði verið valinn í æfingaleikina hefði ég getað bankað á dyrnar á EM-hópnum eins og aðrir.“ „Það sem bítur mig mest er að hafa ekki fengið tækifæri vegna meiðslanna til að sýna landsliðsþjálfurnum og auðvitað mínu liði að þessi staða varnarsinnaðs miðjumanns er eitthvað sem ég gat slegist um. Því miður varð ekkert úr því á þessu tímabili,“ segir Victor.Hver mínúta sem ég fæ núna er bara bónus því fyrir þremur mánuðum sá ég það aldrei gerast að vera orðinn klár núna.“mynd/efb.dkSlá í gegn Það eru aðeins þrjár umferðir eftir af dönsku úrvalsdeildinni. Þar stefnir í að Esbjerg hafni í ellefta og næst neðsta sæti en liðið er með 27 stig, sex stigum frá AGF. Hobro er eina liðið sem fellur. Sumarfríið í dönsku úrvalsdeildinni er ekki mikið sem hentar Victori vel enda vill hann spila eins mikið og hann getur á næstu vikum og mánuðum til að koma sér í leikform. „Við fáum þriggja vikna frí og svo er aftur mót mánuði síðar. Hver mínúta sem ég fæ núna er bara bónus því fyrir þremur mánuðum sá ég það aldrei gerast að vera orðinn klár núna. Endurhæfingin hefur bara gengið mjög vel,“ segir hann. „Það er jákvætt þannig mín sýn á sumarfríð er bara að æfa sem mest og vera alveg 190 prósent klár í næsta tímabil. Ég ætla að bæta upp fyrir þessa átta mánuði sem ég hef verið frá og ætla mér að slá í gegn,“ segir Guðlaugur Victor Pálsson.
EM 2016 í Frakklandi Fótbolti á Norðurlöndum Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport Óttast um öryggi fjölskyldunnar og neyðist til að flytja Sport Var kennari og þjálfaði karlalið þegar hann stýrði kvennalandsliðinu Fótbolti Aðeins einn löglegur dúkur svo Valur og FH byrja saman í Krikanum Handbolti Fleiri fréttir Leik lokið: Víkingur - Þróttur 1-1 | Eitt stig í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjá meira