„Ég þurfti meira á þessu að halda en ég áttaði mig á“ Óskar Ófeigur Jónsson skrifar 31. maí 2024 12:01 Emma Hayes er nýr þjálfari bandaríska kvennalandsliðsins í fótbolta en hún lét mynda sig í New York. Getty/USSF Emma Hayes er hætt þjálfun ensku meistaranna í Chelsea og er nú orðin landsliðsþjálfari Bandaríkjanna. Þetta er stórt sumar fyrir hana á fyrstu mánuðunum í nýju starfi þar sem Ólympíuleikarnir í París eru næstir á dagskrá. Hayes er mætt til Bandaríkjanna í fyrsta verkefnið með bandaríska landsliðinu. Þar þarf að taka til eftir hræðilegt gengi á síðasta heimsmeistaramóti þar sem bandaríska liðið var mjög sigurstranglegt en datt út strax í sextán liða úrslitum. Hún gerði Chelsea að stórveldi í kvennafótboltanum og vann ensku deildina sjö sinnum. Nú er að sjá hvort þessi frábæri þjálfari geti lagað hlutina hjá þeim bandarísku. Hayes veitti breska ríkisútvarpinu viðtal á dögunum þar sem hún fór betur yfir þessa U-beygju sína að hætta sem félagsþjálfari og taka við einu besta landsliði heims. Blaðamaðurinn veitti því athygli að Emma virkaði afslöppuð og meira en tilbúin í þessa nýju áskorun. „Ég þurfti meira á þessu að halda en ég áttaði mig á,“ sagði Emma Hayes. Tilboðið kom henni samt á óvart. Sat við eldhúsborðið „Ég sat við eldhúsborðið, Harry sonur minn var að hlaupa um húsið og ein af bestu vinkonum mínum frá Bandaríkjunum, Lisa Cole, var í heimsókn. Ég þjálfaði hana í 25 ár og þarna sat hún á sófanum mínum,“ sagði Hayes. „Síminn víbraði með skilaboðum frá umboðsmanninum mínum. Þar kom fram að bandaríska knattspyrnusambandið vildi bjóða mér landsliðsþjálfarastarfið. Ég horfði á Lisu og sagði: Þú trúir því ekki hvaða skilaboð ég var fá,“ sagði Hayes. „Hún hoppaði upp úr stólnum og sagði strax að ég væri sú sem gæti breytt hlutunum,“ sagði Hayes. Emma Hayes vann fjölda bikara sem knattspyrnustýra Chelsea.Getty/Harriet Lander Langaði í þetta meira en nokkuð annað „Ég þurfti nokkra daga til að átta mig á þessu, það er á hreinu. Það tók smá tíma og kannski er ég ekki búin að átta mig alveg á þessu fyrr en núna þegar ég er byrjuð í þessu starfi. Ég fæ að sinna starfinu sem mig langaði í meira en nokkuð annað,“ sagði Hayes. Bandaríska landsliðið er samt ekki í sömu yfirburðastöðu og hér fyrir nokkrum árum og liðið er að ganga í gegnum risastór kynslóðaskipti. „Mér er alveg sama hvað allir aðrir segja. Fyrir mér þá er þetta eins og brasilíska karlalandsliðið. Hvað þetta lið stendur í sögunni, fyrir hverju þær hafa barist og hverju þær hafa áorkað. Þær hafa farið fyrir knattspyrnukonum, ekki bara í þessu landi, heldur út um allan heim,“ sagði Hayes. „Það passar vel að ég sé með þeim og öfugt. Ég held að við séum að koma saman á réttum tíma,“ sagði Hayes. Emma Hayes er mætt í vinnuna sem þjálfari bandaríska landsliðsins.Getty/Brad Smith Dottnar niður í fjórða sætið Bandaríska landsliðið er dottið alla leið niður í fjórða sætið á heimslistanum. „Ég er ekki að horfa á styrkleikalistann. Það er eitthvað sem ég get ekki stjórnað. Vegna þess að það er ekki Þjóðadeild hér þá gæti orðið erfitt fyrir bandaríska liðið að komast aftur á toppinn. Ég ætla að einbeita mér að byggja eitthvað upp að nýju. Búa til traust og búa til góð sambönd. Það er í forgangi hjá mér,“ sagði Hayes. Það er samt pressa á árangur hjá bandaríska kvennalandsliðinu í fótbolta. „Við vitum öll að þessi þjóð býst við því að vinna. Það er samt mikilvægt að allir einbeiti sér að ferlinu og skrefunum sem við verðum að taka til að komast þangað. Það tekur tíma,“ sagði Hayes. Draumur „Það er draumur að rætast fyrir mig að fara á Ólympíuleikana. Ég þarf að klípa sjálfa mig yfir þeirri staðreynd að ég sé að fara með bandaríska landsliðinu á Ólympíuleikana í París. Það fer svo mikill tími að hugsa um verðlaunapeninga en fyrir mig er þetta svo miklu meira,“ sagði Hayes. „Það eru forréttindi fyrir mig og fara fyrir frábæru fótboltaliði. Þar er ég strax komin með gullið. En ef ég næ að vinna verðlaunapening í sumar þá verður þetta ótrúlega skemmtilegt sumar,“ sagði Hayes. Það má lesa allt viðtalið hér. Bandaríski fótboltinn Ólympíuleikar 2024 í París Mest lesið „Hún reif í mig og hraunaði yfir mig, á Marilegan hátt“ Sport Iðrast gjörða sinna: „Var klárlega rangt af mér“ Íslenski boltinn Stöðvuðu bardaga Valgerðar Sport Ferguson saknar fótboltans Enski boltinn Þjálfarinn í byrjunarliðinu: „Mér fannst þörf á smá aga í leikinn“ Handbolti Heimsmeistaranum refsað fyrir notkun blótsyrðis Formúla 1 Gróðursetja tvö hundruð tré fyrir hvert skorað mark Fótbolti Sjö mörk Jóhönnu hjálpuðu til við að landa fyrsta sigrinum Handbolti Fullkomin byrjun lærisveina Arnórs heldur áfram Handbolti Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti Fleiri fréttir Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Sjá meira
Hayes er mætt til Bandaríkjanna í fyrsta verkefnið með bandaríska landsliðinu. Þar þarf að taka til eftir hræðilegt gengi á síðasta heimsmeistaramóti þar sem bandaríska liðið var mjög sigurstranglegt en datt út strax í sextán liða úrslitum. Hún gerði Chelsea að stórveldi í kvennafótboltanum og vann ensku deildina sjö sinnum. Nú er að sjá hvort þessi frábæri þjálfari geti lagað hlutina hjá þeim bandarísku. Hayes veitti breska ríkisútvarpinu viðtal á dögunum þar sem hún fór betur yfir þessa U-beygju sína að hætta sem félagsþjálfari og taka við einu besta landsliði heims. Blaðamaðurinn veitti því athygli að Emma virkaði afslöppuð og meira en tilbúin í þessa nýju áskorun. „Ég þurfti meira á þessu að halda en ég áttaði mig á,“ sagði Emma Hayes. Tilboðið kom henni samt á óvart. Sat við eldhúsborðið „Ég sat við eldhúsborðið, Harry sonur minn var að hlaupa um húsið og ein af bestu vinkonum mínum frá Bandaríkjunum, Lisa Cole, var í heimsókn. Ég þjálfaði hana í 25 ár og þarna sat hún á sófanum mínum,“ sagði Hayes. „Síminn víbraði með skilaboðum frá umboðsmanninum mínum. Þar kom fram að bandaríska knattspyrnusambandið vildi bjóða mér landsliðsþjálfarastarfið. Ég horfði á Lisu og sagði: Þú trúir því ekki hvaða skilaboð ég var fá,“ sagði Hayes. „Hún hoppaði upp úr stólnum og sagði strax að ég væri sú sem gæti breytt hlutunum,“ sagði Hayes. Emma Hayes vann fjölda bikara sem knattspyrnustýra Chelsea.Getty/Harriet Lander Langaði í þetta meira en nokkuð annað „Ég þurfti nokkra daga til að átta mig á þessu, það er á hreinu. Það tók smá tíma og kannski er ég ekki búin að átta mig alveg á þessu fyrr en núna þegar ég er byrjuð í þessu starfi. Ég fæ að sinna starfinu sem mig langaði í meira en nokkuð annað,“ sagði Hayes. Bandaríska landsliðið er samt ekki í sömu yfirburðastöðu og hér fyrir nokkrum árum og liðið er að ganga í gegnum risastór kynslóðaskipti. „Mér er alveg sama hvað allir aðrir segja. Fyrir mér þá er þetta eins og brasilíska karlalandsliðið. Hvað þetta lið stendur í sögunni, fyrir hverju þær hafa barist og hverju þær hafa áorkað. Þær hafa farið fyrir knattspyrnukonum, ekki bara í þessu landi, heldur út um allan heim,“ sagði Hayes. „Það passar vel að ég sé með þeim og öfugt. Ég held að við séum að koma saman á réttum tíma,“ sagði Hayes. Emma Hayes er mætt í vinnuna sem þjálfari bandaríska landsliðsins.Getty/Brad Smith Dottnar niður í fjórða sætið Bandaríska landsliðið er dottið alla leið niður í fjórða sætið á heimslistanum. „Ég er ekki að horfa á styrkleikalistann. Það er eitthvað sem ég get ekki stjórnað. Vegna þess að það er ekki Þjóðadeild hér þá gæti orðið erfitt fyrir bandaríska liðið að komast aftur á toppinn. Ég ætla að einbeita mér að byggja eitthvað upp að nýju. Búa til traust og búa til góð sambönd. Það er í forgangi hjá mér,“ sagði Hayes. Það er samt pressa á árangur hjá bandaríska kvennalandsliðinu í fótbolta. „Við vitum öll að þessi þjóð býst við því að vinna. Það er samt mikilvægt að allir einbeiti sér að ferlinu og skrefunum sem við verðum að taka til að komast þangað. Það tekur tíma,“ sagði Hayes. Draumur „Það er draumur að rætast fyrir mig að fara á Ólympíuleikana. Ég þarf að klípa sjálfa mig yfir þeirri staðreynd að ég sé að fara með bandaríska landsliðinu á Ólympíuleikana í París. Það fer svo mikill tími að hugsa um verðlaunapeninga en fyrir mig er þetta svo miklu meira,“ sagði Hayes. „Það eru forréttindi fyrir mig og fara fyrir frábæru fótboltaliði. Þar er ég strax komin með gullið. En ef ég næ að vinna verðlaunapening í sumar þá verður þetta ótrúlega skemmtilegt sumar,“ sagði Hayes. Það má lesa allt viðtalið hér.
Bandaríski fótboltinn Ólympíuleikar 2024 í París Mest lesið „Hún reif í mig og hraunaði yfir mig, á Marilegan hátt“ Sport Iðrast gjörða sinna: „Var klárlega rangt af mér“ Íslenski boltinn Stöðvuðu bardaga Valgerðar Sport Ferguson saknar fótboltans Enski boltinn Þjálfarinn í byrjunarliðinu: „Mér fannst þörf á smá aga í leikinn“ Handbolti Heimsmeistaranum refsað fyrir notkun blótsyrðis Formúla 1 Gróðursetja tvö hundruð tré fyrir hvert skorað mark Fótbolti Sjö mörk Jóhönnu hjálpuðu til við að landa fyrsta sigrinum Handbolti Fullkomin byrjun lærisveina Arnórs heldur áfram Handbolti Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti Fleiri fréttir Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Sjá meira
Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti
Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Handbolti