Fengu heiðursmerki

Hreiðar Már Sigurðsson, forstjóri KB banka og Sigurður Einarsson stjórnarformaður hafa verið sæmdir heiðursorðu af sænsku krúnunni. KB banki rekur viðamikla starfsemi í Svíþjóð og er skráður í kauphöllinni í Stokkhólmi. Orðan var veitt þegar sænski konungurinn kom í heimsókn til landsins. Aðspurður staðfesti Hreiðar Már að hafa verið sæmdur orðunni en vildi að öðru leyti lítið tjá sig. "Ég er lítill orðufræðingur," segir hann. Hann staðfesti þó að þetta sé fyrsta heiðursmerkið sem hann hafi verið sæmdur.