Ferð Rice til Evrópu og Ísraels 8. febrúar 2005 00:01 Utanríkisráðherra Bandaríkjanna Condoleezza Rice er nú í fyrstu utanlandsferð sinni sem utanríkisráðherra. Hún heimsækir valin ríki í Evrópu auk Mið-Austurlanda. Heimsókn hennar þangað nú um og eftir helgina á vonandi eftir að bera ríkulegan ávöxt, þótt hún sitji ekki leiðtogafundinn í Egyptalandi. Hún byrjaði á því fyrir helgi að heimsækja helsta bandamann Bandaríkjanna í Evrópu, Tony Blair forsætisráherra Breta, til að innsigla vináttu þjóðanna og samstöðuna í Íraksstríðinu. Ferðaáætlun Rice er eftirtektarverð og speglar vel áherslur Bandaríkjastjórnar í samskiptum sínum við Evrópulönd. Eftir fundi með Blair og fleiri ráðamönnum í Bretlandi fór utanríkisráðherrann til fundar við Gerhard Schröder kanslara Þýskalands, sem hefur ekki verið alveg sammála Bandaríkjastjórn í afstöðunni til Íraks. Þau hafa væntanlega skýrt sjónarmið sín til sameiginlegra mála. Næst lá leiðin til Póllands, sem hefur verið að gera sig sífellt meira gildandi á alþjóðavettvangi. Þeir hafa sent lið til Íraks og heimsókn bandaríska utanríkisráðherrans til Varsjár er því engin tilviljun. Norðurlönd eru hvergi á dagskrá heimsóknar Condoleezzu Rice til Evrópu, enda kalda stríðinu fyrir löngu lokið og Norður - Atlantshafið ekki eins mikilvægt fyrir Bandaríkin og áður. Nú er mikilvægara fyrir Bandaríkjastjórn að rétta við málstað sinn í Bretlandi og á meginlandi Evrópu og endurgjalda stuðning við Íraksstríðið. Þess vegna lá leið ráðherrans frá Póllandi til Tyrklands, en án aðstöðunnar í Tyrklandi hefði verið erfitt fyrir Bandaríkjamenn að stunda hernaðinn í Írak. Ráðherrann hvatti í gær Ísraela og Palestínumenn til að leysa mál sín sjálfir. Jafnframt tilkynnti hún um skipan sérstaks öryggisfulltrúa Bandaríkjastjórnar til að fylgjast með þróun mála á svæðinu og greiðslu fyrstu upphæðarinnar af því fjárframlagi sem Bush Bandaríkjaforseti hefur heitið Palestínumönnum til að endurreisa fjárhag þeirra. Í síðari hluta ferðarinnar leggur svo bandaríski utanríkisráðherrann leið sína til Ítalíu og Frakklands, en endar svo í Brussel þar sem hún á fund með utanríkisráðherrum Nató-ríkjanna. Íslendingar fylgjast kannski einkum og sér í lagi með þeim fundi, þar sem Davíð Oddsson utanríkisráðherra verður væntanlega okkar fulltrúi. Fundur Condoleezzu með starfsbræðrum sínum í Evrópu er stuttur, en það er á fundum sem þessum sem hlutirnir gerast. Stjórnvöld hér hafa átt í viðræðum við Bandaríkjastjórn um veru Varnarliðsins á Íslandi , en nú um nokkurn tíma hefur ekkert heyrst um það mál sem á að vera í höndum embættismanna. Vonandi kemst skriður á málið ef Davíð nær fundi Condoleezzu í Brussel svo einhverjar skýrar línur fáist í það á næstu mánuðum . Viltu birta grein á Vísi? Sendu okkur póst. Senda grein Fastir pennar Kári Jónasson Mest lesið Halldór 4.10.2025 Halldór Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun Barnafjölskyldur í Reykjavík eiga betra skilið Þorbjörg Sigríður Gunnlaugsdóttir Skoðun Kæra Epli, skilur þú mig? Lilja Dögg Jónsdóttir Skoðun Þorgerður og erlendu dómstólarnir Hjörtur J. Guðmundsson Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun Lyftum umræðunni á örlítið hærra plan Jóna Hlíf Halldórsdóttir Skoðun Transumræðan og ruglið um fjölda kynja Einar Steingrímsson Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun
Utanríkisráðherra Bandaríkjanna Condoleezza Rice er nú í fyrstu utanlandsferð sinni sem utanríkisráðherra. Hún heimsækir valin ríki í Evrópu auk Mið-Austurlanda. Heimsókn hennar þangað nú um og eftir helgina á vonandi eftir að bera ríkulegan ávöxt, þótt hún sitji ekki leiðtogafundinn í Egyptalandi. Hún byrjaði á því fyrir helgi að heimsækja helsta bandamann Bandaríkjanna í Evrópu, Tony Blair forsætisráherra Breta, til að innsigla vináttu þjóðanna og samstöðuna í Íraksstríðinu. Ferðaáætlun Rice er eftirtektarverð og speglar vel áherslur Bandaríkjastjórnar í samskiptum sínum við Evrópulönd. Eftir fundi með Blair og fleiri ráðamönnum í Bretlandi fór utanríkisráðherrann til fundar við Gerhard Schröder kanslara Þýskalands, sem hefur ekki verið alveg sammála Bandaríkjastjórn í afstöðunni til Íraks. Þau hafa væntanlega skýrt sjónarmið sín til sameiginlegra mála. Næst lá leiðin til Póllands, sem hefur verið að gera sig sífellt meira gildandi á alþjóðavettvangi. Þeir hafa sent lið til Íraks og heimsókn bandaríska utanríkisráðherrans til Varsjár er því engin tilviljun. Norðurlönd eru hvergi á dagskrá heimsóknar Condoleezzu Rice til Evrópu, enda kalda stríðinu fyrir löngu lokið og Norður - Atlantshafið ekki eins mikilvægt fyrir Bandaríkin og áður. Nú er mikilvægara fyrir Bandaríkjastjórn að rétta við málstað sinn í Bretlandi og á meginlandi Evrópu og endurgjalda stuðning við Íraksstríðið. Þess vegna lá leið ráðherrans frá Póllandi til Tyrklands, en án aðstöðunnar í Tyrklandi hefði verið erfitt fyrir Bandaríkjamenn að stunda hernaðinn í Írak. Ráðherrann hvatti í gær Ísraela og Palestínumenn til að leysa mál sín sjálfir. Jafnframt tilkynnti hún um skipan sérstaks öryggisfulltrúa Bandaríkjastjórnar til að fylgjast með þróun mála á svæðinu og greiðslu fyrstu upphæðarinnar af því fjárframlagi sem Bush Bandaríkjaforseti hefur heitið Palestínumönnum til að endurreisa fjárhag þeirra. Í síðari hluta ferðarinnar leggur svo bandaríski utanríkisráðherrann leið sína til Ítalíu og Frakklands, en endar svo í Brussel þar sem hún á fund með utanríkisráðherrum Nató-ríkjanna. Íslendingar fylgjast kannski einkum og sér í lagi með þeim fundi, þar sem Davíð Oddsson utanríkisráðherra verður væntanlega okkar fulltrúi. Fundur Condoleezzu með starfsbræðrum sínum í Evrópu er stuttur, en það er á fundum sem þessum sem hlutirnir gerast. Stjórnvöld hér hafa átt í viðræðum við Bandaríkjastjórn um veru Varnarliðsins á Íslandi , en nú um nokkurn tíma hefur ekkert heyrst um það mál sem á að vera í höndum embættismanna. Vonandi kemst skriður á málið ef Davíð nær fundi Condoleezzu í Brussel svo einhverjar skýrar línur fáist í það á næstu mánuðum .
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun