Hefur hitt þjóðina í hjartastað 28. febrúar 2005 00:01 Þegar Fréttablaðið hóf göngu sínar fyrir tæpum fjórum árum gátu ekki einu sinni bjartsýnustu menn spáð fyrir þeirri stöðu sem blaðið er í á íslenskum blaðamarkaði í dag. Nú er svo komið að fjölmiðlakannanir IMG-Gallup hafa ítrekað staðfest að Fréttablaðið er mest notaði fjölmiðill landsins. Á hverjum degi lesa um 70 prósent þjóðarinnar blaðið og yfir 90 prósent Íslendinga lesa það eitthvað í hverri viku. Þetta eru fáheyrðar tölur og Íslandsmet í fjölmiðlanotkun sem verður tæplega slegið. Fréttablaðið er óumdeilanlega grunnurinn að dagblaðalestri þjóðarinnar og önnur blöð verða að læra að lifa af við þann veruleika. Á sínum tíma var Fréttablaðið hugsað sem 24 blaðsíðna fríblað með stuttum og snörpum innlendum og erlendum fréttum. Blaðið sinnir enn því hlutverki að færa lesendum sínum aðgengilegan og auðlesanlegan fréttapakka en það er fyrir löngu vaxið upp úr fyrstu fötunum sínum og býður nú að auki fjölbreytilegra efni og víðtækari þjónustu á mun fleiri blaðsíðum en í fyrstu útgáfu þess. Lykillinn að þessari auknu þjónustu er hversu þétt markaðs- og auglýsingafólk hefur fylgt eftir vinsældum Fréttablaðsins meðal lesenda og nýtt sér vel þau tækifæri sem felast í blaðinu til þess að ná til landsmanna. Þetta sést best á því að frá árinu 2001 til ársins 2004 rúmlega sexfaldaðist velta Fréttablaðsins og fátt getur komið í veg fyrir að blaðið afli mestra auglýsingatekna allra fjölmiðla á þessu ári. Fyrir vikið mun það geta skilað enn fleiri blaðsíðum og betri þjónustu til lesenda sinna. Í gær hélt íslenskt markaðs- og auglýsingafólk árlega uppskeruhátíð sína með svokölluðum ÍMARK degi. Í tengslum við hátíðina sendi IMG-Gallup frá sér ýmsar athyglisverðar tölur. Þar má meðal annars sjá að auglýsingar í dagblöðum jukust verulega á síðasta ári í samanburði við auglýsingar í öðrum fjölmiðlum. Fréttablaðið leikur lykilhlutverk í þeirri aukningu en frá því að blaðið var stofnað hafa auglýsingatekjur dagblaða aukist um 44 prósent í samanburði við 7 prósenta hækkun í sjónvarpi. Frábær árangur Fréttablaðsins er að sjálfsögðu ákaflega gleðileg tíðindi fyrir útgefendur þess, en á sama tíma er þetta góða gengi ánægjulegt fyrir gjörvalla þá miklu lestrarþjóð sem Íslendingar telja sig vera því tilkoma Fréttablaðsins hefur almennt aukið blaðalestur í öllum aldurshópum. Og útaf fyrir sig er það afrek sem verður seint oflofað. Viltu birta grein á Vísi? Sendu okkur póst. Senda grein Fastir pennar Jón Kaldal Mest lesið Þegar móðir mín kvaddi okkur fyrir einu ári síðan í dag Gísli Hvanndal Jakobsson Skoðun Ef Trump tapar kosningunum… Jun Þór Morikawa Skoðun Davíð Oddsson stendur ekki við eigin ritsjórnarstefnu - Þolir og birtir ekki gagnrýni á eigin skrif Ole Anton Bieltvedt Skoðun Ómarktæk skoðanakönnun Marinó G. Njálsson Skoðun Framlengjum séreignarleiðina til að vernda heimilin Vilhjálmur Hilmarsson Skoðun Þegar ómennskan vitnar í lög Bubbi Morthens Skoðun Bóf-ar(ion)? Gunnar Hólmsteinn Ársælsson Skoðun Álit Einhverfupaunksins um ABA meðferð og kennslu á Íslandi Sigrún Ósk Stefánsdóttir Skoðun Áherslur ráðherra skipta máli Heimir Örn Árnason Skoðun Líf án ótta og gjöfin í andlegri vakningu Birna Guðný Björnsdóttir Skoðun
Þegar Fréttablaðið hóf göngu sínar fyrir tæpum fjórum árum gátu ekki einu sinni bjartsýnustu menn spáð fyrir þeirri stöðu sem blaðið er í á íslenskum blaðamarkaði í dag. Nú er svo komið að fjölmiðlakannanir IMG-Gallup hafa ítrekað staðfest að Fréttablaðið er mest notaði fjölmiðill landsins. Á hverjum degi lesa um 70 prósent þjóðarinnar blaðið og yfir 90 prósent Íslendinga lesa það eitthvað í hverri viku. Þetta eru fáheyrðar tölur og Íslandsmet í fjölmiðlanotkun sem verður tæplega slegið. Fréttablaðið er óumdeilanlega grunnurinn að dagblaðalestri þjóðarinnar og önnur blöð verða að læra að lifa af við þann veruleika. Á sínum tíma var Fréttablaðið hugsað sem 24 blaðsíðna fríblað með stuttum og snörpum innlendum og erlendum fréttum. Blaðið sinnir enn því hlutverki að færa lesendum sínum aðgengilegan og auðlesanlegan fréttapakka en það er fyrir löngu vaxið upp úr fyrstu fötunum sínum og býður nú að auki fjölbreytilegra efni og víðtækari þjónustu á mun fleiri blaðsíðum en í fyrstu útgáfu þess. Lykillinn að þessari auknu þjónustu er hversu þétt markaðs- og auglýsingafólk hefur fylgt eftir vinsældum Fréttablaðsins meðal lesenda og nýtt sér vel þau tækifæri sem felast í blaðinu til þess að ná til landsmanna. Þetta sést best á því að frá árinu 2001 til ársins 2004 rúmlega sexfaldaðist velta Fréttablaðsins og fátt getur komið í veg fyrir að blaðið afli mestra auglýsingatekna allra fjölmiðla á þessu ári. Fyrir vikið mun það geta skilað enn fleiri blaðsíðum og betri þjónustu til lesenda sinna. Í gær hélt íslenskt markaðs- og auglýsingafólk árlega uppskeruhátíð sína með svokölluðum ÍMARK degi. Í tengslum við hátíðina sendi IMG-Gallup frá sér ýmsar athyglisverðar tölur. Þar má meðal annars sjá að auglýsingar í dagblöðum jukust verulega á síðasta ári í samanburði við auglýsingar í öðrum fjölmiðlum. Fréttablaðið leikur lykilhlutverk í þeirri aukningu en frá því að blaðið var stofnað hafa auglýsingatekjur dagblaða aukist um 44 prósent í samanburði við 7 prósenta hækkun í sjónvarpi. Frábær árangur Fréttablaðsins er að sjálfsögðu ákaflega gleðileg tíðindi fyrir útgefendur þess, en á sama tíma er þetta góða gengi ánægjulegt fyrir gjörvalla þá miklu lestrarþjóð sem Íslendingar telja sig vera því tilkoma Fréttablaðsins hefur almennt aukið blaðalestur í öllum aldurshópum. Og útaf fyrir sig er það afrek sem verður seint oflofað.
Davíð Oddsson stendur ekki við eigin ritsjórnarstefnu - Þolir og birtir ekki gagnrýni á eigin skrif Ole Anton Bieltvedt Skoðun
Davíð Oddsson stendur ekki við eigin ritsjórnarstefnu - Þolir og birtir ekki gagnrýni á eigin skrif Ole Anton Bieltvedt Skoðun