Viðskipti voru með stofnfjárbréf í Sparisjóði Reykjavíkur og nágrennis (SPRON) í síðustu viku fyrir um 28 milljónir króna að markaðsvirði á genginu 4,0 og var gengið að þeim öllum.
Stofnfjáreigendur í SPRON eru nú 1.014 talsins og hafa þeir aldrei verið fleiri.
Athygli vekur að Færeyingar eiga 13,59 prósent stofnfjár í SPRON. Sparisjóður Færeyja, Föroya Sparikassi, er annar af tveimur stærstu stofnfjáreigendunum með 9,94 prósent en Spf. 14 - Ílögufélag fer með 4,98 prósent stofnfjár í SPRON.
