Lánshæfimatsfyrirtækið Fitch hefur í kjölfar árvissrar skoðunar staðfest óbreyttar lánshæfimatseinkunnir Landsbankans.
Lánshæfimatseinkunn bankans fyrir langtímaskuldbindingar er A, skammtímaeinkunn er F1, Stuðningur 2 og fjárhagslegur styrkur er B/C. Horfur lánshæfimatsins eru stöðugar, samkvæmt mati Fitch.
Matsfyrirtækið segir einkunnina endurspegla sterka stöðu bankans á heimamarkaði og breiðari tekjugrunn sem að stórum hluta skýrist af útrás bankans á erlenda markaði.
