Gengi hlutabréfa í Eimskipafélaginu féll um 2,7 prósent við upphaf viðskipta í Kauphöll Íslands í dag. Það hefur nú fallið um rúm þrjátíu prósent á þremur dögum í vikunni.
Félagið afskrifaði hlut sinn í breska frystivörufyrirtækinu Innovate Holding á miðvikudag upp á níu milljarða króna.
„Það er alveg ljóst að stjórnendur Eimskip hafa klúðrað þessu big time," sagði Sindri Sindrason, stjórnarformaður Eimskip, um þessa ársgömlu fjárfestingu félagsins.
