Bændur í kaupstaðarferð Þórhildur Elín Elínardóttir skrifar 2. júlí 2008 06:00 Eftir einangrun á ísaköldu landi í þúsund ár eru núna næstum öll heimsins gæði innan seilingar. Loks getum við úðað í okkur alls kyns croissant og latte, parmesan og sushi. Verið viðstöðulaust móðins með hjálp Zöru og Vero Moda án þess að fara á hausinn. Eitt höfuðvígi tískuneyslunnar er þó óunnið en þar koma flugfélögin til bjargar því án verslana H&M væru margir naktir alla daga. Síðar á ævinni verða sumarfríin aftur slökunarferðir þar sem ég dóla í tímaleysi á hælaháum sandölum, með eina dúllulega ferðatösku og handsnyrtingu á heimsmælikvarða. Akkúrat núna gætu fríin hins vegar verið liður í þjálfunarbúðum fyrir lífverði drottningar. Áfangastaðurinn þarf umfram allt að vera barnvænn og mikilvægt að hafa greiðan aðgang að þvottavél. Verkefnið krefst handstyrks og geðprýði. Auk þess hæfni tveggja til að höndla fjórar ferðatöskur, tvær kerrur og bakpoka, bras og stúss, sífelldar nestissmurningar, snýtingar og klósettferðir lítilla grísa þegar síst skyldi. Hafa líka ætíð til reiðu aukapeysur, aukasokka og aukasnuddur. Djúpar samræður á veitingahúsum fá að bíða því nú er aðalatriðið að koma í veg fyrir að verða vísað af staðnum vegna óspekta. Dagskráin fer annars eftir veðri og stemningu: Tívolí, dýragarðurinn og svo auðvitað H&M sem hefur árum saman séð um uppistöðuna í fataskápum heimilisins. Þennan árlega innkaupadag uppgötvaði ég þar sem við stóðum í anddyri verslunarinnar að með stöku undantekningum var öll fjölskyldan einmitt dressuð upp í H&M-tískunni frá í fyrra. Í einni svipan var ljóst að við verslum ævinlega í sömu búð, árviss eins og bóndi í kaupstað fyrir jólin. Í ofanálag kom í ljós að pilsið mitt fékkst nú með 50% afslætti, jakkinn 70%. Nú var samt að duga eða drepast, loks kom sér vel sú þjálfun að geta samtímis ýtt kerru og ferðatösku, borgað strætófargjald og matað jógúrt með plastskeið á hjörum. Með augu eins og kamelljón skutumst við á milli rekkanna, hrifsuðum, mátum og mátuðum. Á mettíma voru innkaupin í höfn, pokafólkið rogaðist klyfjað út, lukkulegt með uppgripin. Þegar M&M og Toblerone fór að fást í öllum sjoppum en ekki bara í fríhöfninni missti það sjarmann umsvifalaust. Doldið gott að hafa ennþá H&M bara í útlöndum. Viltu birta grein á Vísi? Sendu okkur póst. Senda grein Þórhildur Elín Elínardóttir Mest lesið Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun Áform um að eyðileggja Ísland! Jóna Imsland Skoðun Bandaríkin voru alltaf vondi kallinn Karl Héðinn Kristjánsson Skoðun Ísland er síðasta vígi Norður-Atlantshafslaxins Ingólfur Ásgeirsson Skoðun Menntasjóður, skref í rétta átt? Eyrún Baldursdóttir Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun Vegið að börnum í pólitískri aðför að ferðaþjónustunni Skoðun Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun Kæfandi klámhögg sveitarstjóra Jón Trausti Reynisson Skoðun Fólkið í flokknum Helgi Áss Grétarsson Skoðun
Eftir einangrun á ísaköldu landi í þúsund ár eru núna næstum öll heimsins gæði innan seilingar. Loks getum við úðað í okkur alls kyns croissant og latte, parmesan og sushi. Verið viðstöðulaust móðins með hjálp Zöru og Vero Moda án þess að fara á hausinn. Eitt höfuðvígi tískuneyslunnar er þó óunnið en þar koma flugfélögin til bjargar því án verslana H&M væru margir naktir alla daga. Síðar á ævinni verða sumarfríin aftur slökunarferðir þar sem ég dóla í tímaleysi á hælaháum sandölum, með eina dúllulega ferðatösku og handsnyrtingu á heimsmælikvarða. Akkúrat núna gætu fríin hins vegar verið liður í þjálfunarbúðum fyrir lífverði drottningar. Áfangastaðurinn þarf umfram allt að vera barnvænn og mikilvægt að hafa greiðan aðgang að þvottavél. Verkefnið krefst handstyrks og geðprýði. Auk þess hæfni tveggja til að höndla fjórar ferðatöskur, tvær kerrur og bakpoka, bras og stúss, sífelldar nestissmurningar, snýtingar og klósettferðir lítilla grísa þegar síst skyldi. Hafa líka ætíð til reiðu aukapeysur, aukasokka og aukasnuddur. Djúpar samræður á veitingahúsum fá að bíða því nú er aðalatriðið að koma í veg fyrir að verða vísað af staðnum vegna óspekta. Dagskráin fer annars eftir veðri og stemningu: Tívolí, dýragarðurinn og svo auðvitað H&M sem hefur árum saman séð um uppistöðuna í fataskápum heimilisins. Þennan árlega innkaupadag uppgötvaði ég þar sem við stóðum í anddyri verslunarinnar að með stöku undantekningum var öll fjölskyldan einmitt dressuð upp í H&M-tískunni frá í fyrra. Í einni svipan var ljóst að við verslum ævinlega í sömu búð, árviss eins og bóndi í kaupstað fyrir jólin. Í ofanálag kom í ljós að pilsið mitt fékkst nú með 50% afslætti, jakkinn 70%. Nú var samt að duga eða drepast, loks kom sér vel sú þjálfun að geta samtímis ýtt kerru og ferðatösku, borgað strætófargjald og matað jógúrt með plastskeið á hjörum. Með augu eins og kamelljón skutumst við á milli rekkanna, hrifsuðum, mátum og mátuðum. Á mettíma voru innkaupin í höfn, pokafólkið rogaðist klyfjað út, lukkulegt með uppgripin. Þegar M&M og Toblerone fór að fást í öllum sjoppum en ekki bara í fríhöfninni missti það sjarmann umsvifalaust. Doldið gott að hafa ennþá H&M bara í útlöndum.
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun
Ákall til umhverfis-, orku- og loftslagsráðherra að standa við gefin loforð Laura Sólveig Lefort Scheefer,Snorri Hallgrímsson,Sigurlaug Eir Beck Þórsdóttir,Jóhanna Malen Skúladóttir,Ida Karólína Harris,Antonia Hamann,Julien Nayet-Pelletier Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Áfangasigur í baráttunni við hernaðinn gegn heimkynnum villta laxins Ingólfur Ásgeirsson,Árni Baldursson Skoðun