Afsakið meðan ég æli Kolbeinn Ó. Proppé skrifar 26. ágúst 2009 06:00 Ákafamenn um afsökunarbeiðnir fara mikinn þessi dægrin. Varla er tekið það viðtal að viðmælandinn sé ekki krafinn um hvort hann telji sig skulda afsökunarbeiðni, eða hvort hann telji að einhverjir aðrir skuldi nú ekki slíkar beiðnir - og þá hverjir og hverjum. Fjármálaráðherra segir útrásar-víkinga eiga að biðjast afsökunar og nefnir Hreiðar Má. Sá telur sig ekki eiga að biðja þjóðina afsökunar og Hannes Hólmsteinn segir Steingrím eiga að biðjast afsökunar. Ögmundur telur síðan Hannes sjálfan eiga að biðjast afsökunar. Haldi einhver að þetta sé atburðarás leikverks eftir Ionesco er það mikill misskilningur. Þetta eru fréttir og fréttatímar allra síðustu daga. Ein afsökunarkrafa á fréttatíma er viðmiðið; annars er lítið í fréttum þann daginn. Ég veit það ekki. Einhvern veginn er mér alveg sama um hver biður hvern afsökunar. Það mun engu breyta í minni stöðu hvort kapítalistar þessa lands koma í röðum og biðja mig og aðra afsökunar. Þeir geta gengið sig upp að hnjám í aflátsgöngum, þrammað til Rómar og til baka daglega, keypt sér aflátsbréf eða brennt reykelsi til minningar um framin afbrot. Það mun engu breyta. Því hvað á að breytast við þessar framkölluðu afsökunarbeiðnir? Mun lífið verða léttbærara, reikningarnir lægri, vinnan meiri? Yrðu þær til að friða almenning eða afsökuðina sjálfa? Og hver á að ákveða hvaða afsökunarbeiðna er þörf? Eigum við að búa til lista yfir þá fjármála-, embættis- og stjórnmálamenn, ásamt öllum hinum, sem okkur finnst að skuldi okkur afsökunarbeiðni? Eigum við kannski sjálf að biðjast afsökunar? Fara öll út í Viðey og kyrja við friðarsúluna þar til Ringo Starr stoppar okkur? Er ekki komið nóg af þessu? Væri fjölmiðlamönnum þessa lands ekki hollara að eyða orku sinni og útsendingartíma í eitthvað annað en að fá það á hreint hverjum finnst hverjir skulda hverjum afsökunarbeiðni? Finni einhver sig knúinn af innri þörf til að biðjast afsökunar, þá gott og vel. best að taka af ómakið hvað mig varðar: það þarf enginn að biðja mig afsökunar. Hefji einhver þann söng mun ég taka undir með Megasi: Afsakið meðan ég æli. Viltu birta grein á Vísi? Sendu okkur póst. Senda grein Mest lesið Sá tapar sem fyrstur nefnir nasistana: gengisfelling orðsins „rasisti“ Birgir Finnsson Skoðun Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun Þjóð sem lætur kyrrt liggja? Magnús Árni Skjöld Magnússon Skoðun Talið við okkur áður en þið talið um okkur Ian McDonald Skoðun Umbætur í innkaupum hins opinbera á upplýsingatækni Lilja Björk Guðmundsdóttir Skoðun Þegar þeir sem segjast þjóna þjóðinni ráðast á hana Ágústa Árnadóttir Skoðun Losar Alþingi um leyfisveitinga-flækjuna? Katrín Helga Hallgrímsdóttir Skoðun Óður til Sigga sjéní Ingvi Þór Georgsson Skoðun
Ákafamenn um afsökunarbeiðnir fara mikinn þessi dægrin. Varla er tekið það viðtal að viðmælandinn sé ekki krafinn um hvort hann telji sig skulda afsökunarbeiðni, eða hvort hann telji að einhverjir aðrir skuldi nú ekki slíkar beiðnir - og þá hverjir og hverjum. Fjármálaráðherra segir útrásar-víkinga eiga að biðjast afsökunar og nefnir Hreiðar Má. Sá telur sig ekki eiga að biðja þjóðina afsökunar og Hannes Hólmsteinn segir Steingrím eiga að biðjast afsökunar. Ögmundur telur síðan Hannes sjálfan eiga að biðjast afsökunar. Haldi einhver að þetta sé atburðarás leikverks eftir Ionesco er það mikill misskilningur. Þetta eru fréttir og fréttatímar allra síðustu daga. Ein afsökunarkrafa á fréttatíma er viðmiðið; annars er lítið í fréttum þann daginn. Ég veit það ekki. Einhvern veginn er mér alveg sama um hver biður hvern afsökunar. Það mun engu breyta í minni stöðu hvort kapítalistar þessa lands koma í röðum og biðja mig og aðra afsökunar. Þeir geta gengið sig upp að hnjám í aflátsgöngum, þrammað til Rómar og til baka daglega, keypt sér aflátsbréf eða brennt reykelsi til minningar um framin afbrot. Það mun engu breyta. Því hvað á að breytast við þessar framkölluðu afsökunarbeiðnir? Mun lífið verða léttbærara, reikningarnir lægri, vinnan meiri? Yrðu þær til að friða almenning eða afsökuðina sjálfa? Og hver á að ákveða hvaða afsökunarbeiðna er þörf? Eigum við að búa til lista yfir þá fjármála-, embættis- og stjórnmálamenn, ásamt öllum hinum, sem okkur finnst að skuldi okkur afsökunarbeiðni? Eigum við kannski sjálf að biðjast afsökunar? Fara öll út í Viðey og kyrja við friðarsúluna þar til Ringo Starr stoppar okkur? Er ekki komið nóg af þessu? Væri fjölmiðlamönnum þessa lands ekki hollara að eyða orku sinni og útsendingartíma í eitthvað annað en að fá það á hreint hverjum finnst hverjir skulda hverjum afsökunarbeiðni? Finni einhver sig knúinn af innri þörf til að biðjast afsökunar, þá gott og vel. best að taka af ómakið hvað mig varðar: það þarf enginn að biðja mig afsökunar. Hefji einhver þann söng mun ég taka undir með Megasi: Afsakið meðan ég æli.
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun