OB enn á toppnum eftir sigur

Rúrik Gíslason spilaði allan leikinn fyrir OB sem vann góðan 1-0 sigur á Silkeborg á útivelli í dag.

OB er enn á toppi deildarinnar með 32 stig, fjórum stigum meira en FC Kaupmannahöfn og Esbjerg sem eiga bæði leik til góða.

Bröndby er svo í fjórða sætinu með 27 stig en liðið mætir Esbjerg á morgun.

Stefán Gíslason leikur með Bröndby og Gunnar Heiðar Þorvaldsson með Esbjerg en hvorugur hefur fengið mikið að spila með sínum liðum það sem af er leiktíðinni.