Ef meðfylgjandi myndir sem teknar voru baksviðs þegar Nemendamótsnefnd Verzlunarskólans frumsýndi söngleikinn THRILLER í Loftkastalanum eru skoðaðar fer ekki á milli mála að stelpurnar líta allar út eins og fegurðardrottningar.
„Krakkarnir sýna algjöran stjörnuperformans á öllum sviðum enda hafa þau unnið fyrir því," svarar Ívar Örn Sverrisson sem leikstýrir sýningunni spurður út í frammistöðu nemenda.
„Minni vinnu er lokið og ég sakna krakkanna nú þegar en ég mæti auðvitað reglulega á sýningar."
„Söngleikjaunnendur og aðrir stuðboltar ættu ekki að missa af henni."
„Sýningin er fyrir sex ára og uppúr og er sannkölluð fjölskylduskemmtun uppfull af kröftugum, fyndnum og spúkí senum."-elly@365.is
