Eina vottaða dagblaðaprentsmiðjan Óli Kristján Ármannsson skrifar 1. desember 2010 14:00 Í prentsalnum Kristþór Gunnarsson framkvæmdastjóri og Kjartan Kjartansson prentsmiðjustjóri eru að vonum hæstánægðir með nýtilkomna Svansvottun Ísafoldarprentsmiðju. Markaðurinn/Anton Ísafoldarprentsmiðja hefur fengið vottun Svansins, opinbers umhverfismerkis Norðurlandanna. Prentsmiðjan er fyrsta dagblaðaprentsmiðjan sem fær Svansvottun hér á landi. Fréttablaðið er prentað í Ísafoldarprentsmiðju. Að sögn Kristþórs Gunnarssonar, framkvæmdastjóra prentsmiðjunnar, hefur verið unnið að því í nokkra mánuði að fá vottunina. Hún gekk svo í gegn 15. nóvember síðastliðinn, en prentsmiðjan fékk í gær afhent viðurkenningarskjal til marks um hana. Vottunin gildir til marsloka 2012. Kristþór segir komið hafa skemmtilega á óvart hversu prentsmiðjan var nálægt því að uppfylla kröfur Svansins þegar byrjað var að skoða hvaða hluti þyrfti að bæta. „Hjá okkur hefur pappír til dæmis í mörg ár verið baggaður og sendur í endurvinnslu. Síðan var notkun efna sem ekki voru umhverfisvæn í algjöru lágmarki," segir hann. Kristþór segir líka að umhverfisvitund þurfi ekki endilega að kalla á meiri kostnað í rekstrinum. „Hluti af þessu ferli er að lágmarka umhverfisáhrif rekstrarins," segir hann og bendir á að þar sé einnig horft til þátta eins og betri nýtingar hráefnis og orku. „Til dæmis er reynt að lágmarka afskurð. Árangurinn kemur fram í hagkvæmari rekstri, þannig að það getur alveg verið samasemmerki á milli hagkvæmni og umhverfisvitundar." Mismiklar kröfur eru gerðar til fyrirtækja eftir eðli starfsemi þeirra áður en að vottun kemur. Kristþór segir að þar á bæ hafi menn haft af því vissar áhyggjur þegar af stað var farið, því í prentgeira eru mestar kröfur gerðar til dagblaðaprentunar. Þær prentsmiðjur þurfi að fá yfir 85 punkta í umhverfisúttekt á meðan hefðbundin arkaprentsmiðja þurfi aðeins 55. „En Ísafold skoraði 92 stig í umsókninni," segir hann. Prentsmiðjan er með blandaða prentun. Auk dagblaðaprentunarinnar sinnir hún arkaprentun, „heatset" og stafrænni prentun. „Og vottunin nær yfir allar þessar tegundir prentunar." Í þeim framleiðsluaðferðum sem teknar hafa verið upp hjá Ísafoldsprentsmiðju er horft til þess að lágmarka notkun pappírs, prentlita, hreinsiefna, rafmagns, gass og spilliefna. Þá er horft til þess að velja ætíð umhverfisvænsta hráefnið, sé þess nokkur kostur, og fylgja ströngustu kröfum við förgun spilliefna. Samkvæmt upplýsingum á vef Umhverfisstofnunar og Facebook-síðu Svansmerkisins eru nú yfir tíu íslensk fyrirtæki með Svansvottun. Auk Ísafoldar eru þrjár aðrar prentsmiðjur með slíka vottun. Á vef Svansmerkisins segir að neytendur eigi að geta verið vissir um að innkaup þeirra séu betri fyrir umhverfið og heilsuna þegar valdar séu vörur með merki svansins. „Svanurinn setur strangar kröfur um heildarlífsferil vöru og þjónustu, svo sem innihald og notkun hættulegra efna, orku- og hráefnisnotkun og meðhöndlun úrgangs," segir þar. Fréttir Mest lesið Vodafone, Stöð 2, Stöð 2+ og Stöð 2 Sport sameinast undir merki Sýnar Viðskipti innlent SVEIT þarf að greiða milljón á dag þar til gögn eru afhent Viðskipti innlent Búinn að afnema regluverkið sem tafði fyrir opnun Kastrup Viðskipti innlent Stórfyrirtæki flýi borgina vegna skatta Viðskipti innlent Skúli og félagar aftur sýknaðir af milljarðakröfum Viðskipti innlent Segir ljóst að SVEIT hafi eitthvað að fela Viðskipti innlent Húsgagnahöllin sektuð fyrir ósanngjarnar auglýsingar Neytendur Starbucks frestar opnun fram í lok sumars Viðskipti innlent Mjög mikilvægt að eiga besta vin í vinnunni Atvinnulíf SVEIT kærir dagsektir Samkeppniseftirlitsins Viðskipti innlent Fleiri fréttir Stórfyrirtæki flýi borgina vegna skatta Skúli og félagar aftur sýknaðir af milljarðakröfum Magnús Þór leggur Samtökum iðnaðarins ráð Búinn að afnema regluverkið sem tafði fyrir opnun Kastrup Segir ljóst að SVEIT hafi eitthvað að fela Íris nýr sviðsstjóri hjá VSB verkfræðistofu SVEIT kærir dagsektir Samkeppniseftirlitsins Vodafone, Stöð 2, Stöð 2+ og Stöð 2 Sport sameinast undir merki Sýnar Starbucks frestar opnun fram í lok sumars SVEIT þarf að greiða milljón á dag þar til gögn eru afhent Embla Medical hlaut útflutningsverðlaun forsetans og Ragnar Kjartans heiðraður Aukinn samdráttur á flugi til Íslands með breyttu Play Skattur á atvinnuhúsnæði hækkað um helming á áratug Tekur við fyrirtækjaráðgjöf Arion banka Hlutabréf Play ruku upp við opnun markaða „Erum bara að hætta þeirri starfsemi sem hefur gengið illa“ Áttatíu milljóna gjaldþrot Heimabakarís á Húsavík Vilja taka yfir Play Boða komu HBO Max til landsins á ný Pála ráðin kynningarfulltrúi BHM Bjarki og Axel Valdemar nýir forstöðumenn hjá atNorth Umsóknir í HA aldrei verið fleiri Keyptu Brauðhúsið til að fara ekki á hausinn 118 ára sögu Hans Petersen að ljúka Boða tæp 10% þjóðarinnar á hluthafafund Miðeind festir kaup á Snöru Keypti hús við Sóleyjargötu af borginni á 310 milljónir Minni þorskafli kosti fleiri milljarða Verður nýr yfirlögfræðingur SFF Ráðin forstöðumaður hjá Eimskip Sjá meira
Ísafoldarprentsmiðja hefur fengið vottun Svansins, opinbers umhverfismerkis Norðurlandanna. Prentsmiðjan er fyrsta dagblaðaprentsmiðjan sem fær Svansvottun hér á landi. Fréttablaðið er prentað í Ísafoldarprentsmiðju. Að sögn Kristþórs Gunnarssonar, framkvæmdastjóra prentsmiðjunnar, hefur verið unnið að því í nokkra mánuði að fá vottunina. Hún gekk svo í gegn 15. nóvember síðastliðinn, en prentsmiðjan fékk í gær afhent viðurkenningarskjal til marks um hana. Vottunin gildir til marsloka 2012. Kristþór segir komið hafa skemmtilega á óvart hversu prentsmiðjan var nálægt því að uppfylla kröfur Svansins þegar byrjað var að skoða hvaða hluti þyrfti að bæta. „Hjá okkur hefur pappír til dæmis í mörg ár verið baggaður og sendur í endurvinnslu. Síðan var notkun efna sem ekki voru umhverfisvæn í algjöru lágmarki," segir hann. Kristþór segir líka að umhverfisvitund þurfi ekki endilega að kalla á meiri kostnað í rekstrinum. „Hluti af þessu ferli er að lágmarka umhverfisáhrif rekstrarins," segir hann og bendir á að þar sé einnig horft til þátta eins og betri nýtingar hráefnis og orku. „Til dæmis er reynt að lágmarka afskurð. Árangurinn kemur fram í hagkvæmari rekstri, þannig að það getur alveg verið samasemmerki á milli hagkvæmni og umhverfisvitundar." Mismiklar kröfur eru gerðar til fyrirtækja eftir eðli starfsemi þeirra áður en að vottun kemur. Kristþór segir að þar á bæ hafi menn haft af því vissar áhyggjur þegar af stað var farið, því í prentgeira eru mestar kröfur gerðar til dagblaðaprentunar. Þær prentsmiðjur þurfi að fá yfir 85 punkta í umhverfisúttekt á meðan hefðbundin arkaprentsmiðja þurfi aðeins 55. „En Ísafold skoraði 92 stig í umsókninni," segir hann. Prentsmiðjan er með blandaða prentun. Auk dagblaðaprentunarinnar sinnir hún arkaprentun, „heatset" og stafrænni prentun. „Og vottunin nær yfir allar þessar tegundir prentunar." Í þeim framleiðsluaðferðum sem teknar hafa verið upp hjá Ísafoldsprentsmiðju er horft til þess að lágmarka notkun pappírs, prentlita, hreinsiefna, rafmagns, gass og spilliefna. Þá er horft til þess að velja ætíð umhverfisvænsta hráefnið, sé þess nokkur kostur, og fylgja ströngustu kröfum við förgun spilliefna. Samkvæmt upplýsingum á vef Umhverfisstofnunar og Facebook-síðu Svansmerkisins eru nú yfir tíu íslensk fyrirtæki með Svansvottun. Auk Ísafoldar eru þrjár aðrar prentsmiðjur með slíka vottun. Á vef Svansmerkisins segir að neytendur eigi að geta verið vissir um að innkaup þeirra séu betri fyrir umhverfið og heilsuna þegar valdar séu vörur með merki svansins. „Svanurinn setur strangar kröfur um heildarlífsferil vöru og þjónustu, svo sem innihald og notkun hættulegra efna, orku- og hráefnisnotkun og meðhöndlun úrgangs," segir þar.
Fréttir Mest lesið Vodafone, Stöð 2, Stöð 2+ og Stöð 2 Sport sameinast undir merki Sýnar Viðskipti innlent SVEIT þarf að greiða milljón á dag þar til gögn eru afhent Viðskipti innlent Búinn að afnema regluverkið sem tafði fyrir opnun Kastrup Viðskipti innlent Stórfyrirtæki flýi borgina vegna skatta Viðskipti innlent Skúli og félagar aftur sýknaðir af milljarðakröfum Viðskipti innlent Segir ljóst að SVEIT hafi eitthvað að fela Viðskipti innlent Húsgagnahöllin sektuð fyrir ósanngjarnar auglýsingar Neytendur Starbucks frestar opnun fram í lok sumars Viðskipti innlent Mjög mikilvægt að eiga besta vin í vinnunni Atvinnulíf SVEIT kærir dagsektir Samkeppniseftirlitsins Viðskipti innlent Fleiri fréttir Stórfyrirtæki flýi borgina vegna skatta Skúli og félagar aftur sýknaðir af milljarðakröfum Magnús Þór leggur Samtökum iðnaðarins ráð Búinn að afnema regluverkið sem tafði fyrir opnun Kastrup Segir ljóst að SVEIT hafi eitthvað að fela Íris nýr sviðsstjóri hjá VSB verkfræðistofu SVEIT kærir dagsektir Samkeppniseftirlitsins Vodafone, Stöð 2, Stöð 2+ og Stöð 2 Sport sameinast undir merki Sýnar Starbucks frestar opnun fram í lok sumars SVEIT þarf að greiða milljón á dag þar til gögn eru afhent Embla Medical hlaut útflutningsverðlaun forsetans og Ragnar Kjartans heiðraður Aukinn samdráttur á flugi til Íslands með breyttu Play Skattur á atvinnuhúsnæði hækkað um helming á áratug Tekur við fyrirtækjaráðgjöf Arion banka Hlutabréf Play ruku upp við opnun markaða „Erum bara að hætta þeirri starfsemi sem hefur gengið illa“ Áttatíu milljóna gjaldþrot Heimabakarís á Húsavík Vilja taka yfir Play Boða komu HBO Max til landsins á ný Pála ráðin kynningarfulltrúi BHM Bjarki og Axel Valdemar nýir forstöðumenn hjá atNorth Umsóknir í HA aldrei verið fleiri Keyptu Brauðhúsið til að fara ekki á hausinn 118 ára sögu Hans Petersen að ljúka Boða tæp 10% þjóðarinnar á hluthafafund Miðeind festir kaup á Snöru Keypti hús við Sóleyjargötu af borginni á 310 milljónir Minni þorskafli kosti fleiri milljarða Verður nýr yfirlögfræðingur SFF Ráðin forstöðumaður hjá Eimskip Sjá meira