Gagnrýni: Bræðrabylta á sparkvelli 17. apríl 2010 04:00 Leikstjóri: Carlos Cuarón. Aðalhlutverk: Gael García Bernal, Diego Luna, Guillermo Francella. Sýnd á Bíódögum Græna ljóssins. Bræðurnir Cursi og Rudo búa við kröpp kjör í litlum bæ í Mexíkó. Rudo hefur fyrir fjölskyldu að sjá en Cursi er laus og liðugur og þráir að fara til Bandaríkjanna og slá í gegn sem söngvari. Rudo er illu heilli spilafíkill og tapar matarpeningum og lausamunum fjölskyldunnar reglulega í póker með félögum sínum. Annars er knattspyrna helsta dægradvöl bræðranna og báðir búa þeir yfir miklum hæfileikum á vellinum. Cursi er frábær markaskorari og stóri bróðir hans er engu síðri markvörður. Hinn sjúklega sæti Gael García Bernal leikur Cursi með yfirveguðum tilþrifum og Diego Luna er engu síðri í hlutverki hins ólukkulega en í raun hjartahreina bróður hans sem býr við þá bölvun að vera markvörður og er því dæmdur til þess að vera alltaf aftastur. Fyrir tilviljun uppgötvar umsvifamikill umboðsmaður fótboltamanna bræðurna og í kjölfarið tekur líf þeirra stórkostlegum breytingum. Þeir flytja til stórborgarinnar og verða atvinnumenn hvor hjá sínu knattspyrnuliðinu. Stjarna Cursi rís hratt eftir að hann sýnir snilldartakta í sínum fyrsta leik. Afbrýðisamur og gramur fylgir Rudo svo í kjölfarið en fær síðan heldur betur tækifæri til að láta ljós sitt skína í markinu. Í draumum beggja bræðra er þó fall þeirra falið. Cursi hefur meiri áhuga á að slá í gegn sem söngvari en boltasparkari þrátt fyrir sorglegan skort á hæfileikum á því sviði auk þess sem hann verður, samkvæmt kúnstarinnar reglum um fótboltahetjur, uppteknari af því að sofa hjá frægri gellu og skemmta sér heldur en að skora mörk. Rudo spilar svo jafnóðum frá sér atvinnumannslaununum þannig að bræðurnir eru báðir í úlfakreppu þegar lið þeirra mætast í úrslitaleik þar sem við blasir að sá þeirra sem tapar er búinn að vera. Staða Rudos er orðin það slæm að hjá honum eru líf og limir að veði en Cursi þarf aðeins að óttast um feril sinn. Grunnstefið í myndinni er hið mjög svo kunnuglega minni um saklausa sveitadrenginn sem tapar áttum í stórborginni þar sem freistingar og flárátt fólk bíða hans við hvert horn. Saga bræðranna er samt bæði falleg og átakanleg þannig að maður hrífst með þeim inn í glysheim atvinnumennskunnar og þjáist með þeim þegar halla fer undan fæti. Spennan í úrslitaleiknum er síðan svo mögnuð að jafnvel þeir sem hafa ekki hundsvit á fótbolta og vita varla hvað leikurinn gengur út á standa á öndinni þegar bræðurnir mætast innan vítateigs. Þórarinn Þórarinsson Niðurstaða: Áhrifarík og falleg mynd sem tengir mjög skemmtilega saman baráttuna við lífið og tilveruna og stríðið inni á fótboltavellinum. Menning Mest lesið Lauk krefjandi háskólanámi og barðist við lífshættuleg veikindi á sama tíma Lífið Skotin flakka milli Enoks og Birgittu: „Settu franskarnar í pokann“ Lífið Reisa styttu af Birni í Kópavogi Lífið Drake kom fram á tónleikum í 66°Norður Lífið Krakkatían: Mona Lisa, VÆB og Þjóðhátíð Lífið Ósérhlífinn starfsmaður bjargaði ómvölum frá endurvinnslu Lífið Segja Freddie Mercury eiga laundóttur Lífið Sinnir sjúklingum í sama herbergi og hún fékk greiningu Lífið Gellur fjölmenntu í sumarpartý Ingu Lindar Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Fleiri fréttir Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira
Leikstjóri: Carlos Cuarón. Aðalhlutverk: Gael García Bernal, Diego Luna, Guillermo Francella. Sýnd á Bíódögum Græna ljóssins. Bræðurnir Cursi og Rudo búa við kröpp kjör í litlum bæ í Mexíkó. Rudo hefur fyrir fjölskyldu að sjá en Cursi er laus og liðugur og þráir að fara til Bandaríkjanna og slá í gegn sem söngvari. Rudo er illu heilli spilafíkill og tapar matarpeningum og lausamunum fjölskyldunnar reglulega í póker með félögum sínum. Annars er knattspyrna helsta dægradvöl bræðranna og báðir búa þeir yfir miklum hæfileikum á vellinum. Cursi er frábær markaskorari og stóri bróðir hans er engu síðri markvörður. Hinn sjúklega sæti Gael García Bernal leikur Cursi með yfirveguðum tilþrifum og Diego Luna er engu síðri í hlutverki hins ólukkulega en í raun hjartahreina bróður hans sem býr við þá bölvun að vera markvörður og er því dæmdur til þess að vera alltaf aftastur. Fyrir tilviljun uppgötvar umsvifamikill umboðsmaður fótboltamanna bræðurna og í kjölfarið tekur líf þeirra stórkostlegum breytingum. Þeir flytja til stórborgarinnar og verða atvinnumenn hvor hjá sínu knattspyrnuliðinu. Stjarna Cursi rís hratt eftir að hann sýnir snilldartakta í sínum fyrsta leik. Afbrýðisamur og gramur fylgir Rudo svo í kjölfarið en fær síðan heldur betur tækifæri til að láta ljós sitt skína í markinu. Í draumum beggja bræðra er þó fall þeirra falið. Cursi hefur meiri áhuga á að slá í gegn sem söngvari en boltasparkari þrátt fyrir sorglegan skort á hæfileikum á því sviði auk þess sem hann verður, samkvæmt kúnstarinnar reglum um fótboltahetjur, uppteknari af því að sofa hjá frægri gellu og skemmta sér heldur en að skora mörk. Rudo spilar svo jafnóðum frá sér atvinnumannslaununum þannig að bræðurnir eru báðir í úlfakreppu þegar lið þeirra mætast í úrslitaleik þar sem við blasir að sá þeirra sem tapar er búinn að vera. Staða Rudos er orðin það slæm að hjá honum eru líf og limir að veði en Cursi þarf aðeins að óttast um feril sinn. Grunnstefið í myndinni er hið mjög svo kunnuglega minni um saklausa sveitadrenginn sem tapar áttum í stórborginni þar sem freistingar og flárátt fólk bíða hans við hvert horn. Saga bræðranna er samt bæði falleg og átakanleg þannig að maður hrífst með þeim inn í glysheim atvinnumennskunnar og þjáist með þeim þegar halla fer undan fæti. Spennan í úrslitaleiknum er síðan svo mögnuð að jafnvel þeir sem hafa ekki hundsvit á fótbolta og vita varla hvað leikurinn gengur út á standa á öndinni þegar bræðurnir mætast innan vítateigs. Þórarinn Þórarinsson Niðurstaða: Áhrifarík og falleg mynd sem tengir mjög skemmtilega saman baráttuna við lífið og tilveruna og stríðið inni á fótboltavellinum.
Menning Mest lesið Lauk krefjandi háskólanámi og barðist við lífshættuleg veikindi á sama tíma Lífið Skotin flakka milli Enoks og Birgittu: „Settu franskarnar í pokann“ Lífið Reisa styttu af Birni í Kópavogi Lífið Drake kom fram á tónleikum í 66°Norður Lífið Krakkatían: Mona Lisa, VÆB og Þjóðhátíð Lífið Ósérhlífinn starfsmaður bjargaði ómvölum frá endurvinnslu Lífið Segja Freddie Mercury eiga laundóttur Lífið Sinnir sjúklingum í sama herbergi og hún fékk greiningu Lífið Gellur fjölmenntu í sumarpartý Ingu Lindar Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Fleiri fréttir Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira