Dmytro Chygrynskiy er farinn frá Barcelona eftir eins árs dvöl í Katalóníu. Hann kostaði Barcelona 25 milljónir punda en fer aftur til Shaktar Donetsk fyrir 15 milljónir.
Úkraínumaðurinn hárprúði stóð sig vel hjá Shaktar en náði sér aldrei á strik hjá Barcelona. Hann hafði ekki lengur áhuga á því að sitja á bekknum og langaði heim.
Hann er fyrsti Úkraínumaðurinn sem spilar fyrir Barcelona.
Chygrynskiy spilaði aðeins fjórtán leiki fyrir félagið en þessar 15 milljónir fara nú upp í sjóðinn sem Pep Guardiola hefur úr að ráða.
