Erpur lætur vaða Trausti Júlíusson skrifar 16. nóvember 2010 15:00 Kópacabana. Tónlist / **** Kópacabana Blaz Roca Kópacabana er fyrsta sólóplata Erps Eyvindarsonar og jafnframt fyrsta platan frá honum síðan samstarfsplata Blaz Roca og U-Fresh, Hæsta hendin, kom út í árslok 2004. Stjarna Erps reis hæst í upphafi nýrrar aldar þegar XXX Rottweilerhundar hertóku íslenskt tónlistarlíf og Johnny National var það ferskasta í sjónvarpinu. Síðan hægðist um og á tímabili hélt maður að hann væri búinn að stimpla sig út. En Erpur hefur verið að koma sterkur inn aftur að undanförnu. Bankahrunið var honum innblástur eins og heyrist í lögunum Landráð, Reykjavík-Belfast og Stórasta land í heimi sem öll eru á nýju plötunni. Blaz átti líka glæsilega innkomu í laginu Viltu dick? á plötunni með Sykri í fyrra. Það er líka á Kópacabana. Og nú er hann kominn með heila plötu. Og enga smá plötu, 21 lag, 75 mínútur. Blaz Roca er ekki einn á ferð á Kópacabana. Tvö laganna eru gerð með XXX Rottweiler, en Dabbi T, Dóri DNA, Friðrik Dór, Emmsjé Gauti, Sesar A og Raggi Bjarna eru á meðal gestaradda, að ógleymdum Ísfirðingunum Ísaksen og Kidda. Taktarnir eru flestir annaðhvort eftir Lúlla eða tvíeykið Redd Lights (Jóhann Bjarkason og Ingi Már Úlfarsson) sem er að gera það gott þessa dagana bæði hér og á plötunni hans Friðriks Dórs. Lögin á Kópacabana eru ekki öll tóm snilld, en mörg þeirra eru frábær og það er greinilegt að Erpur hefur náð fyrri snerpu í textunum. Hann lætur allt vaða og húmor, eitraðir orðaleikir og töffaraskapur bera plötuna uppi. Lögin Það er enginn að hlusta, Blaz Roca er don, Landráð, Reykjavík-Belfast, 112, Hleraðu þetta, Viltu dick? og titillagið Kópacabana eru öll fyrsta flokks. Það síðastnefnda fjallar að sjálfsögðu um Kópavoginn. Skemmtilegur texti sem er glæsilega myndskreyttur með ljósmyndum Jóa Kjartans í plötubæklingnum. Á heildina litið frábær plata frá Erpi þó hún hefðir orðið enn sterkari ef hann hefði sleppt 3-4 slökustu lögunum. Niðurstaða: Erpur Eyvindarson sýnir að hann kann enn að taka stórt upp í sig. Mest lesið Fögnuðu sögulegum 850 þúsund króna hátalara Ella Egils Lífið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Þeir fátæku borga brúsann Gagnrýni Björgvin Franz brotinn en slær í gegn í Ladda og ræktinni Lífið Lamaðist og missti sjón en fann styrk í sjálfri sér Lífið Stjörnurnar flyktust á frumsýningu einnar mest spennandi bíómyndar ársins Lífið samstarf Selja íbúð í Vesturbænum: „Við eigum of mörg börn til að búa í henni áfram“ Lífið Fyrstur til að skíða niður Everest án súrefnis Lífið „Það sýður miklu frekar upp úr við uppvaskið“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Tónlist / **** Kópacabana Blaz Roca Kópacabana er fyrsta sólóplata Erps Eyvindarsonar og jafnframt fyrsta platan frá honum síðan samstarfsplata Blaz Roca og U-Fresh, Hæsta hendin, kom út í árslok 2004. Stjarna Erps reis hæst í upphafi nýrrar aldar þegar XXX Rottweilerhundar hertóku íslenskt tónlistarlíf og Johnny National var það ferskasta í sjónvarpinu. Síðan hægðist um og á tímabili hélt maður að hann væri búinn að stimpla sig út. En Erpur hefur verið að koma sterkur inn aftur að undanförnu. Bankahrunið var honum innblástur eins og heyrist í lögunum Landráð, Reykjavík-Belfast og Stórasta land í heimi sem öll eru á nýju plötunni. Blaz átti líka glæsilega innkomu í laginu Viltu dick? á plötunni með Sykri í fyrra. Það er líka á Kópacabana. Og nú er hann kominn með heila plötu. Og enga smá plötu, 21 lag, 75 mínútur. Blaz Roca er ekki einn á ferð á Kópacabana. Tvö laganna eru gerð með XXX Rottweiler, en Dabbi T, Dóri DNA, Friðrik Dór, Emmsjé Gauti, Sesar A og Raggi Bjarna eru á meðal gestaradda, að ógleymdum Ísfirðingunum Ísaksen og Kidda. Taktarnir eru flestir annaðhvort eftir Lúlla eða tvíeykið Redd Lights (Jóhann Bjarkason og Ingi Már Úlfarsson) sem er að gera það gott þessa dagana bæði hér og á plötunni hans Friðriks Dórs. Lögin á Kópacabana eru ekki öll tóm snilld, en mörg þeirra eru frábær og það er greinilegt að Erpur hefur náð fyrri snerpu í textunum. Hann lætur allt vaða og húmor, eitraðir orðaleikir og töffaraskapur bera plötuna uppi. Lögin Það er enginn að hlusta, Blaz Roca er don, Landráð, Reykjavík-Belfast, 112, Hleraðu þetta, Viltu dick? og titillagið Kópacabana eru öll fyrsta flokks. Það síðastnefnda fjallar að sjálfsögðu um Kópavoginn. Skemmtilegur texti sem er glæsilega myndskreyttur með ljósmyndum Jóa Kjartans í plötubæklingnum. Á heildina litið frábær plata frá Erpi þó hún hefðir orðið enn sterkari ef hann hefði sleppt 3-4 slökustu lögunum. Niðurstaða: Erpur Eyvindarson sýnir að hann kann enn að taka stórt upp í sig.
Mest lesið Fögnuðu sögulegum 850 þúsund króna hátalara Ella Egils Lífið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Þeir fátæku borga brúsann Gagnrýni Björgvin Franz brotinn en slær í gegn í Ladda og ræktinni Lífið Lamaðist og missti sjón en fann styrk í sjálfri sér Lífið Stjörnurnar flyktust á frumsýningu einnar mest spennandi bíómyndar ársins Lífið samstarf Selja íbúð í Vesturbænum: „Við eigum of mörg börn til að búa í henni áfram“ Lífið Fyrstur til að skíða niður Everest án súrefnis Lífið „Það sýður miklu frekar upp úr við uppvaskið“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira