Masters: Tiger er sex höggum á eftir efstu mönnum

Sigurður Elvar Þórólfsson skrifar 8. apríl 2011 11:45

Tiger Woods getur líka lent utan brautar og hér klórar hann sig út úr vandræðum á Augusta vellinum í gær. AP

Tiger Woods er bjartsýnn á að geta blandað sér í baráttuna um sigurinn á Mastersmótinu í golfi eftir að hafa leikið Augusta völlinn á einu höggi undir pari vallar á fyrsta keppnisdegi risamótsins. „Ég er aðeins sex höggum á eftir efstu mönnum og það er nóg eftir," sagði Woods í gær en hann hefur fallið hratt niður heimslistann að undanförnu og er hann í 7. sæti.

Woods hefur fjórum sinnum sigrað á þessu móti en hann er sannfærður um að hann eigi eftir að leika betur á næstu dögum. „Ég væri alveg til í að vera á þeim stað þar sem að Rory (McIlroy) er á skortöflunni, en það er löng leið þangað," sagði Tiger en hann var ánægður með púttin á fyrsta hringnum.

„Það voru mörg frábær pútt alveg við það að fara ofaní, þau snertu oft holubarminn og ég valdi oft rétta línu en hraðinn var ekki réttur. Ég er með sjálfstraust til þess að pútta vel og vonandi fer boltinn að detta ofaní holuna. Ég tel að ég hefði getað leikið á 68 eða 69 höggum. Hitastigið á að hækka næstu daga og völlurinn mun verða harðari – og holustaðsetningarnar verða erfiðari eftir því sem á líður," sagði Woods.

Staðan að loknum fyrsta keppnisdegi: Par 72:

65 Rory McIlroy, Alvaro Quiros

67 K J Choi, Y.E. Yang

68 Ricky Barnes, Matt Kuchar

69 Trevor Immelman, Charl Schwartzel, Ross Fisher, Sergio Garcia, Gary Woodland, Geoff Ogilvy, Brandt Snedeker

70 Retief Goosen, Kyung-Tae Kim, Hiroyuki Fujita, Phil Mickelson, Sean O'Hair, Paul Casey, Camilo Villegas, Rickie Fowler, Gregory Havret, Ryan Moore

71 Ryo Ishikawa, Tiger Woods, Miguel Angel Jimenez, Ryan Palmer, Stewart Cink, Angel Cabrera, Fred Couples

72 Steve Stricker, Nick Watney, Hideki Matsuyama, Adam Scott, Anders Hansen, David Toms, Heath Slocum, Jason Day, Alex Cejka, Peter Hanson, D.A. Points, Robert Karlsson, David Chung, Peter Uihlein, Jim Furyk, Luke Donald, Jhonattan Vegas, Lee Westwood

73 Zach Johnson, Jeff Overton, Bubba Watson, Jin Jeong, Jose-Maria Olazabal, Kevin Na, Anthony Kim, Ben Crane, Justin Rose, Bo Van Pelt, Jonathan Byrd, Sandy Lyle (Sco), Tim Clark, Larry Mize, Jason Bohn

74 Jerry Kelly, Charley Hoffman, Rory Sabbatini, Graeme McDowell, Dustin Johnson, Steve Marino, Bill Haas, Yuta Ikeda, Martin Laird, Ian Poulter, Edoardo Molinari

75 Francesco Molinari, Nathan Smith, Davis Love III, Lucas Glover, Lodewicus Oosthuizen, Kevin Streelman, Aaron Baddeley, Hunter Mahan, Robert Allenby, Ernie Els, Carl Pettersson, Stuart Appleby

76 Vijay Singh, Mike Weir, Lion Kim, Mark Wilson

77 Mark O'Meara, Padraig Harrington

78 Ian Woosnam, Ben Crenshaw, Martin Kaymer

79 Tom Watson

80 Arjun Atwal, Craig Stadler

83 Henrik Stenson

Golf

Tengdar fréttir

Masters: McIlroy og Quiros gáfu tóninn á Augusta

Rory McIlroy frá Norður-Írlandi og Spánverjinn Alvaro Quiros deila efsta sætinu að loknum fyrsta keppnisdegi á Mastersmótinu í golfi á Augustavellinum í Georgíu í Bandaríkjunum. Þeir léku báðir á 7 höggum undir pari eða 65 höggum á fyrsta risamóti ársins. Y.E Yang ig K.J. Choir eru þar á eftir á 5 höggum undir pari. Phil Mickelson hóf titilvörnina með því að leika á -2 eða 70 höggum og Tiger Woods er einu höggi þar á eftir.

8. apríl 2011 01:00