Endingargóð Eitís-drottning Kjartan Guðmundsson skrifar 14. júní 2011 00:01 Cyndi Lauper. Tónleikar Cyndi Lauper. Harpa 12. júní 2011. „Ég er nú bara hérna með konunni minni, sko," muldraði kunningi undirritaðs í röðinni við barinn á sunnudagskvöldið, en viðurkenndi svo eftir stutt spjall að hann hafði sjálfur heimtað að keyptir yrðu miðar á tónleikana. Líklegt er að svipað hafi verið uppi á teningnum hjá fleirum af þeim hátt í tvö þúsund ný-sólbrenndu andlitum sem lögðu leið sína í Hörpu til fundar við Cyndi Lauper, poppdrottninguna sem ber ábyrgð á nokkrum af varanlegustu afurðum níunda áratugarins. Væntanlega hafa fáir orðið fyrir vonbrigðum. Flestir voru mættir til að heyra eitís-hittara og fengu þá í röðum, en líka ýmislegt fleira góðgæti í kaupbæti. Með nýrómantíkur-ímyndina af Lauper pikkfasta í höfðinu var dálítið undarlegt að sjá söngkonuna frá New York brölta inn á sviðið (hugsanlega hefur hún hresst sig við með nokkrum áfengum blöndum á undan), dansa eins og Janis Joplin og syngja hreinræktaða blús-standarda af nýjustu plötu sinni, Memphis Blues, sem voru meginuppistaða prógrammsins. En röddin (og hvílík rödd!) hefur ekkert látið á sjá, frekar þroskast og eflst ef eitthvað er, og gæðir formúluna lífi. Inn á milli skellti Lauper „krádplíserum" af mikilli kunnáttusemi. Hún brast í langar, skrítnar en sniðugar sögur (um engisprettur, Fisherman's Friend hálstöflur og fleira), spjallaði við áhorfendur milli laga, hljóp um allan Eldborgarsal í smellunum Girls Just Want To Have Fun, She Bop og Change of Heart, klöngraðist upp á stóla og kom mörgum gestum í svo gott stuð að á einum tímapunkti neyddist hún nánast til að berja af sér æstan aðdáanda. Þá sýndi Lauper góða takta á kjöltugítarinn í hinum gullfallegu All Through The Night, Time After Time (því stórkostlega lagi sem var hápunktur kvöldsins, jafnvel þótt röddunina frægu í viðlaginu hafi vantað) og lokalaginu True Colors. Öll hefðu þessi lög ein og sér gert tónleikana vel þess virði að sækja. Einhverjir áhorfenda kvörtuðu yfir slæmu sándi, sérstaklega í upphafi, en það virtist ekki koma um of niður á heildarupplifuninni í Hörpu á sunnudagskvöldið. Þessir tónleikar voru í það heila fyrirtaks skemmtun. Þétt bandið studdi dyggilega við bakið á Lauper, án þess þó að trana sér fram, og alltaf er jafn ánægjulegt að sjá skemmtilega listamenn sem bera virðingu fyrir áhorfendum sínum og gefa sig alla í verkefnið. Vel gert. Niðurstaða: Cyndi Lauper bauð upp á frábæra skemmtun í Hörpu og gaf sig alla í verkefnið. Mest lesið Fögnuðu sögulegum 850 þúsund króna hátalara Ella Egils Lífið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Lamaðist og missti sjón en fann styrk í sjálfri sér Lífið Björgvin Franz brotinn en slær í gegn í Ladda og ræktinni Lífið Þeir fátæku borga brúsann Gagnrýni Selja íbúð í Vesturbænum: „Við eigum of mörg börn til að búa í henni áfram“ Lífið Stjörnurnar flyktust á frumsýningu einnar mest spennandi bíómyndar ársins Lífið samstarf Fyrstur til að skíða niður Everest án súrefnis Lífið „Það sýður miklu frekar upp úr við uppvaskið“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Tónleikar Cyndi Lauper. Harpa 12. júní 2011. „Ég er nú bara hérna með konunni minni, sko," muldraði kunningi undirritaðs í röðinni við barinn á sunnudagskvöldið, en viðurkenndi svo eftir stutt spjall að hann hafði sjálfur heimtað að keyptir yrðu miðar á tónleikana. Líklegt er að svipað hafi verið uppi á teningnum hjá fleirum af þeim hátt í tvö þúsund ný-sólbrenndu andlitum sem lögðu leið sína í Hörpu til fundar við Cyndi Lauper, poppdrottninguna sem ber ábyrgð á nokkrum af varanlegustu afurðum níunda áratugarins. Væntanlega hafa fáir orðið fyrir vonbrigðum. Flestir voru mættir til að heyra eitís-hittara og fengu þá í röðum, en líka ýmislegt fleira góðgæti í kaupbæti. Með nýrómantíkur-ímyndina af Lauper pikkfasta í höfðinu var dálítið undarlegt að sjá söngkonuna frá New York brölta inn á sviðið (hugsanlega hefur hún hresst sig við með nokkrum áfengum blöndum á undan), dansa eins og Janis Joplin og syngja hreinræktaða blús-standarda af nýjustu plötu sinni, Memphis Blues, sem voru meginuppistaða prógrammsins. En röddin (og hvílík rödd!) hefur ekkert látið á sjá, frekar þroskast og eflst ef eitthvað er, og gæðir formúluna lífi. Inn á milli skellti Lauper „krádplíserum" af mikilli kunnáttusemi. Hún brast í langar, skrítnar en sniðugar sögur (um engisprettur, Fisherman's Friend hálstöflur og fleira), spjallaði við áhorfendur milli laga, hljóp um allan Eldborgarsal í smellunum Girls Just Want To Have Fun, She Bop og Change of Heart, klöngraðist upp á stóla og kom mörgum gestum í svo gott stuð að á einum tímapunkti neyddist hún nánast til að berja af sér æstan aðdáanda. Þá sýndi Lauper góða takta á kjöltugítarinn í hinum gullfallegu All Through The Night, Time After Time (því stórkostlega lagi sem var hápunktur kvöldsins, jafnvel þótt röddunina frægu í viðlaginu hafi vantað) og lokalaginu True Colors. Öll hefðu þessi lög ein og sér gert tónleikana vel þess virði að sækja. Einhverjir áhorfenda kvörtuðu yfir slæmu sándi, sérstaklega í upphafi, en það virtist ekki koma um of niður á heildarupplifuninni í Hörpu á sunnudagskvöldið. Þessir tónleikar voru í það heila fyrirtaks skemmtun. Þétt bandið studdi dyggilega við bakið á Lauper, án þess þó að trana sér fram, og alltaf er jafn ánægjulegt að sjá skemmtilega listamenn sem bera virðingu fyrir áhorfendum sínum og gefa sig alla í verkefnið. Vel gert. Niðurstaða: Cyndi Lauper bauð upp á frábæra skemmtun í Hörpu og gaf sig alla í verkefnið.
Mest lesið Fögnuðu sögulegum 850 þúsund króna hátalara Ella Egils Lífið Sonur Fóstbróður slær í gegn: „Ég er fastur þarna núna, orðinn háður“ Lífið „Kristrún Frostadóttir frá... Finnlandi?“ Lífið Lamaðist og missti sjón en fann styrk í sjálfri sér Lífið Björgvin Franz brotinn en slær í gegn í Ladda og ræktinni Lífið Þeir fátæku borga brúsann Gagnrýni Selja íbúð í Vesturbænum: „Við eigum of mörg börn til að búa í henni áfram“ Lífið Stjörnurnar flyktust á frumsýningu einnar mest spennandi bíómyndar ársins Lífið samstarf Fyrstur til að skíða niður Everest án súrefnis Lífið „Það sýður miklu frekar upp úr við uppvaskið“ Lífið Fleiri fréttir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira