Hunter-fyrirtækið hefur framleitt stígvél allt frá árinu 1856 og er enn einn vinsælasti stígvélaframleiðandinn í Bretlandseyjum. Stígvélin frá Hunter voru algeng sjón á fótum gesta Glastonbury-tónlistarhátíðarinnar í ár eins og fyrri ár.
Meðal aðdáenda stígvélanna má nefna ofurfyrirsæturnar Kate Moss og Lily Donaldson, leikkonuna Emmu Watson, plötusnúðinn Alexu Chung, gleðipinnann Pixie Geldof og fótboltahjónin Coleen og Wayne Rooney. Í ár var vinsælt að klæðast Hunter-stígvélunum við stuttbuxur af ýmsu tagi og skyrtur eða slitna stuttermaboli. -sm
Stígvélaæði á Glastonbury
