Frábær lagasmiður sem á nóg inni Trausti Júlíusson skrifar 17. ágúst 2011 10:00 Tónlist. Winter Sun. Snorri Helgason. Snorri Helgason vakti fyrst athygli sem einn af söngvurum og lagasmiðum Sprengjuhallarinnar en eftir að hún hætti störfum sneri hann sér að sólóferli. Fyrsta platan hans, I'm Gonna Put My Name On Your Door sem kom út árið 2009, fékk fínar móttökur og festi hann í sessi sem lagasmið og nú er önnur platan komin út. Winter Sun er um margt áþekk fyrri plötunni. Lagasmíðarnar eru vandaðar og útpældar og yfirbragðið er mjúkt og þægilegt. Það sem gerir nýju plötuna hins vegar meira spennandi en þá fyrri er útsetningarnar. Það var Sindri Már Sigfússon úr Seabear og Sin Fang sem stjórnaði upptökunum. Eins og hann hefur margsýnt á sínum eigin plötum er Sindri snillingur í hljóðverinu – bæði hugmyndaríkur og næmur á flottan hljóm. Snorri og Vetrarsólin hans njóta góðs af því. Ýmis smáatriði setja svip sinn á lögin og gefa plötunni karakter. Bergmálshljómurinn í Boredom er dæmi um svona smáatriði, píanóleikurinn í Winter Sun # 2 er annað dæmi, hljóðeffektarnir í Caroline Knows eru enn eitt dæmið og það sama má segja um bakraddirnar í smáskífulaginu River. Raddútsetningarnar á plötunni eru reyndar allar mjög vel heppnaðar. Á heildina litið er Winter Sun frábær plata. Snorri er ennþá að vaxa sem lagasmiður og útsetningar, söngur og annar flutningur styrkja lögin á plötunni enn frekar. Ein af bestu plötum ársins til þessa. Niðurstaða: Lagasmiðurinn Snorri Helgason og upptökustjórinn Sindri Már Sigfússon skapa saman frábæra plötu. Mest lesið Aldrei litið betur út þrátt fyrir alvarlegt slys Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Hyggjast halda breytta Söngvakeppni á næsta ári Lífið „Fimm ár af allskonar og hamingjan er enn hér“ Lífið Einfalt og frísklegt útlit fyrir hlaupið Lífið Opna fyrstu umboðsstofuna í eigu leikara Menning Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Fleiri fréttir Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira
Tónlist. Winter Sun. Snorri Helgason. Snorri Helgason vakti fyrst athygli sem einn af söngvurum og lagasmiðum Sprengjuhallarinnar en eftir að hún hætti störfum sneri hann sér að sólóferli. Fyrsta platan hans, I'm Gonna Put My Name On Your Door sem kom út árið 2009, fékk fínar móttökur og festi hann í sessi sem lagasmið og nú er önnur platan komin út. Winter Sun er um margt áþekk fyrri plötunni. Lagasmíðarnar eru vandaðar og útpældar og yfirbragðið er mjúkt og þægilegt. Það sem gerir nýju plötuna hins vegar meira spennandi en þá fyrri er útsetningarnar. Það var Sindri Már Sigfússon úr Seabear og Sin Fang sem stjórnaði upptökunum. Eins og hann hefur margsýnt á sínum eigin plötum er Sindri snillingur í hljóðverinu – bæði hugmyndaríkur og næmur á flottan hljóm. Snorri og Vetrarsólin hans njóta góðs af því. Ýmis smáatriði setja svip sinn á lögin og gefa plötunni karakter. Bergmálshljómurinn í Boredom er dæmi um svona smáatriði, píanóleikurinn í Winter Sun # 2 er annað dæmi, hljóðeffektarnir í Caroline Knows eru enn eitt dæmið og það sama má segja um bakraddirnar í smáskífulaginu River. Raddútsetningarnar á plötunni eru reyndar allar mjög vel heppnaðar. Á heildina litið er Winter Sun frábær plata. Snorri er ennþá að vaxa sem lagasmiður og útsetningar, söngur og annar flutningur styrkja lögin á plötunni enn frekar. Ein af bestu plötum ársins til þessa. Niðurstaða: Lagasmiðurinn Snorri Helgason og upptökustjórinn Sindri Már Sigfússon skapa saman frábæra plötu.
Mest lesið Aldrei litið betur út þrátt fyrir alvarlegt slys Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Hyggjast halda breytta Söngvakeppni á næsta ári Lífið „Fimm ár af allskonar og hamingjan er enn hér“ Lífið Einfalt og frísklegt útlit fyrir hlaupið Lífið Opna fyrstu umboðsstofuna í eigu leikara Menning Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Fleiri fréttir Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira