Íslenska karlalandsliðið í knattspyrnu stendur í stað á nýjum styrkleikalista FIFA sem birtur var í dag. Liðið situr sem fastast í 104. sæti listans, sæti á eftir Makedóníu og sæti á undan Mósambík. Ísland er í 43. sæti af 53 Evrópuþjóðum.
Litlar breytingar eru á listanum sem er gefinn út mánaðarlega. Lítið hefur verið um landsleiki í janúar og eru til að mynda engar breytingar á sætisröðun hjá ellefu efstu þjóðunum.
Spánverjar sitja sem fastast í efsta sæti listans með vænt forskot á Hollendinga og Þjóðverja sem koma þar á eftir. Hástökkvarar listans í þetta skiptið var landslið Líbanon sem fór úr 146. sætí í það 111.
Listann í heild sinni má skoða hér.
Ísland áfram í 104. sæti á FIFA-listanum
