Stelpurnar í Gróttu neita að fara í sumarfrí en þeim tókst að knýja fram oddaleik þegar liðið bar sigur úr býtum gegn ÍBV, 20-19, á Seltjarnarnesinu í dag en leikið er um sæti í undanúrslitum N1-deildar kvenna í handknattleik.
Í hálfleik var höfðu Eyjastúlkur tveggja marka forystu 11-9 en lið Gróttu var sterkari í síðari hálfleiknum og náðu því að innbyrða frábæran sigur.
Oddaleikurinn fer fram í Vestmannaeyjum og mun sigurvegarinn í einvíginu mæta Fram í undanúrslitum.
Grótta sigraði ÍBV og tókst að knýja fram oddaleik
