Ólafía Þórunn Kristinsdóttir úr GR og Arnór Ingi Finnbjörnsson, einnig úr GR, hafa titla að verja á Íslandsmótinu í holukeppni sem hefst á morgun. Að þessu sinni verður leikið á Leirdalsvelli, heimavelli Golfklúbbs Kópavogs og Garðabæjar. Alls eru 32 karlar skráðir til leiks og 15 konur.
Atvinnukylfingarnir Birgir Leifur Hafþórsson úr GKG og Þórður Rafn Gissurarson úr GR eru á meðal keppenda en þeir léku til úrslita á þessu móti árið 2010 þar sem Birgir hafði betur. Kristján Þór Einarsson úr Keili, sem féll úr keppni á opna breska áhugamannameistaramótinu í gær, verður mættur til leiks á föstudaginn.
Keppnisfyrirkomulagið á Íslandsmótinu í holukeppni, sem haldið er í samvinnu við Íslensku lögmannsstofuna og er jafnframt þriðja stigamót ársins á Eimskipsmótaröðinni, er með eftirfarandi hætti.
Fjórir kylfingar skipa hvern riðil og leika allir við alla, og eru riðlarnir alls átta.
Sá sem fær flesta vinninga í riðlakeppninni kemst áfram í 16 manna úrslit. Í 16-manna úrslitum fellur sá sem tapar leiknum úr keppni og sami háttur er í 8-manna úrslitum. Þeir sem tapa í undanúrslitum mótsins leika um 3. sætið og sigurvegararnir leika um Íslandsmeistaratitilinn.
Í kvennaflokknum komast fjórir efstu kylfingarnir í undanúrslit að lokinni riðlakeppninni.
Riðlarnir í karlaflokknum eru þannig skipaðir:
1. riðill:
Hlynur Geir Hjartarson, GOS
Magnús Lárusson, GKj.
Arnar Snær Hákonarson, GR
Árni Páll Hansson, GR
2. riðill:
Þórður Rafn Gissurarson, GR
Axel Bóasson, GK
Kristján Þór Einarsson, GK
Tryggvi Pétursson, GSE
3. riðill:
Andri Þór Björnsson, GR
Ólafur Már Sigurðsson, GR
Pétur Freyr Pétursson, GR
Birgir Guðjónsson, GR
4. riðill:
Birgir Leifur Hafþórsson, GKG
Andri Már Óskarsson, GHR
Gísli Þór Þórðarson, GR
Halldór Heiðar Halldórsson, GKB
5. riðill:
Guðmundur Ágúst Kristjánsson, GR
Alfreð Brynjar Kristinsson, GKG
Dagur Ebenezersson, GK
Stefán Már Stefánsson, GR
6. riðill:
Haraldur Franklín Magnús, GR
Ísak Jasonarson, GK
Kjartan Dór Kjartansson, GKG
Sigmundur Einar Másson, GKG
7. riðill:
Einar Haukur Óskarsson, GK
Rúnar Arnórsson, GK
Theodór Emil Karlsson, GKj.
Ragnar Már Garðarsson, GKG
8. riðill:
Arnór Ingi Finnbjörnsson, GR
Guðjón Henning Hilmarsson, GKG
Sigurður Ingvi Rögnvaldsson, GHD
Örvar Samúelsson, GA
Riðlarnir í kvennaflokknum eru þannig skipaðir en aðeins þrír keppendur eru í riðli 1.
1. riðill:
Ólafía Þórunn Kristinsdóttir, GR
Ingunn Einarsdóttir, GKG
Tinna Jóhannsdóttir, GK
2 riðill:
Guðrún Brá Björgvinsdóttir, GK
Ingunn Gunnarsdóttir, GKG
Ragna Björk Ólafsdóttir, GR
Karen Guðnadóttir, GS
3. riðill:
Berglind Björnsdóttir, GR
Þórdís Geirsdóttir, GK
Anna Sólveig Snorradóttir, GK
Jódís Bóasdóttir, GK
4. riðill:
Signý Arnórsdóttir, GK
Sunna Víðisdóttir, GR
Heiða Guðnadóttir, GKj.
Hansína Þorkelsdóttir, GKG
Íslandsmótið í holukeppni hefst á morgun
