Tileinkað krumma 26. nóvember 2012 13:53 Brynhildur Pálsdóttir vöruhönnuður og Ólafur Páll Torfason, framkvæmdastjóri Víkur Prjónsdóttur,með nýjustu vörurnar, trefil og teppið Nátthrafninn á milli sín. MYND/ANTON Vík Prjónsdóttir hefur nú sent frá sér tíunda teppið úr íslenskri ull. Teppið hefur fengið nafnið Nátthrafninn. Vík Prjónsdóttir hefur sent frá sér tvær nýjar vörur, ullarteppi sem kallast Nátthrafninn og trefil. Nátthrafninn er tíunda teppið sem kemur frá Vík og er úr íslenskri ull eins og allar vörur hönnunarfyrirtækisins. Teppið er tileinkað hrafninum en áður hefur Vík Prjóns gefið út Verndarvænginn, ullarteppi, tileinkað haferninum. Brynhildur Pálsdóttir, einn af hönnuðum Víkur Prjónsdóttur, segir Nátthrafninn nokkurs konar framhald af Verndarvængnum. "Nátthrafninn er talsvert minni enda er vænghaf hrafnsins miklu minna en arnarins. Nátthrafninn er því léttari og meðfærilegri en hann er 85 sentímetrar á breidd og 190 sentímetrar á lengd," segir Brynhildur. Teppið er íslensk framleiðsla eins og allar vörur Víkur Prjónsdóttur, prjónað úr íslenskri ull, í dökkum litatónum. "Teppið er ekki alveg svart þó því hrafninn er ekki kolsvartur. Þegar sólin skín á fjaðrirnar koma í ljós margir fjólubláir og blágrænir litatónar," segir Brynhildur. "Hrafninn hefur lifað í návist mannsins eins lengi og menn muna. Tilvist hans hefur hefur spilað stórt hlutverk í goðsögnum sem og þjóðsögum og eru fáir fuglar sem hafa öðlast slíkan sess í sögu okkar og menningu. Hrafninn er talinn sérstaklega úrræðagóður, skynsamur, gáfaður og kátur, og hafa menn ávallt borið mikla virðingu fyrir honum og spádómsgáfum hans." Vík Prjónsdóttir sendir einnig frá sér trefil undir sömu merkjum, Nátthrafnatrefilinn, í sömu litatónum og teppið. Trefillinn fæst á öllum útsölustöðum Víkur Prjónsdóttur en teppið verður til sölu í Sparki og Kraumi til að byrja með. Þá voru að bætast við fleiri litir í treflalínuna, Verndarhendurnar. "Í vor kemur einnig út glæný treflalína frá okkur og svo eru margir fleiri spennandi hlutir í bígerð," segir hún og vill helst ekki útskýra það nánar, en forvitni blaðamanns er vakin. "Við skulum segja að það sé samstarf við mjög spennandi erlenda hönnuði. En framhaldið verður bara að koma í ljós." Vík Prjónsdóttir hefur verið víðförul undanfarin misseri og er nýlega komin heim af sýningu í Helsinki. Þá er Brynhildur á leið til Stokkhólms ásamt Guðfinnu Mjöll Magnúsdóttur vöruhönnuði á næstu dögum. "Vík Prjónsdóttir fékk boð á málstofu á vegum Editions in Craft en það er verkefni sem leggur áherslu á vinnu með staðbundið hráefni og framleiðslu. Þar ætlum við að kynna Vík Prjóns, staðbundna framleiðslu og íslensku ullina." Mest lesið Glæsihöll Haraldar við Elliðavatn Lífið Röddin með stóru Erri og greini lögð á hilluna Lífið Króli og Birta eiga von á barni Lífið Fær ýmist þumalinn eða löngutöng vegna einkanúmersins Lífið Bjössi í Mínus er ný rödd Sýnar Lífið Sabrina Carpenter gagnrýnd fyrir að ýta undir hlutgervingu kvenna Lífið Hreinar húðvörur sem þú vildir óska að þú hefðir kynnst fyrr Lífið Herra Hnetusmjör og Sara keyptu draumahúsið Lífið Eltir draumana og þarf að færa fórnir Tónlist Ævintýralega flóknar útskýringar á framtaksleysi og leti Lífið Fleiri fréttir Katrín og Inga Rut í stjórn Miðstöðvar hönnunar og arkitektúrs Það allra heitasta í sumarförðuninni Fegin að hafa valið flottasta kjólinn fyrir óvænta trúlofun Enginn til ama á hátíðinni Steldu stílnum af Birgittu Líf á frönsku rívíerunni Hvernig á að klæða sig fyrir körfuboltaleik? Glæsileg í Cannes í sérsaumaðri íslenskri hönnun Ógleymanleg upplifun á klósetti í norskum kastala Innsýn í framtíðarheim tískunnar á Íslandi „Broshýr var Bogi Ágústsson, er bindin sín Rúvurum gaf“ Þau allra nettustu á Met Gala Afhjúpaði óléttuna á epískan hátt enn og aftur Mikil tilhlökkun fyrir stærstu tískuhátíð í heimi Sjá meira
Vík Prjónsdóttir hefur nú sent frá sér tíunda teppið úr íslenskri ull. Teppið hefur fengið nafnið Nátthrafninn. Vík Prjónsdóttir hefur sent frá sér tvær nýjar vörur, ullarteppi sem kallast Nátthrafninn og trefil. Nátthrafninn er tíunda teppið sem kemur frá Vík og er úr íslenskri ull eins og allar vörur hönnunarfyrirtækisins. Teppið er tileinkað hrafninum en áður hefur Vík Prjóns gefið út Verndarvænginn, ullarteppi, tileinkað haferninum. Brynhildur Pálsdóttir, einn af hönnuðum Víkur Prjónsdóttur, segir Nátthrafninn nokkurs konar framhald af Verndarvængnum. "Nátthrafninn er talsvert minni enda er vænghaf hrafnsins miklu minna en arnarins. Nátthrafninn er því léttari og meðfærilegri en hann er 85 sentímetrar á breidd og 190 sentímetrar á lengd," segir Brynhildur. Teppið er íslensk framleiðsla eins og allar vörur Víkur Prjónsdóttur, prjónað úr íslenskri ull, í dökkum litatónum. "Teppið er ekki alveg svart þó því hrafninn er ekki kolsvartur. Þegar sólin skín á fjaðrirnar koma í ljós margir fjólubláir og blágrænir litatónar," segir Brynhildur. "Hrafninn hefur lifað í návist mannsins eins lengi og menn muna. Tilvist hans hefur hefur spilað stórt hlutverk í goðsögnum sem og þjóðsögum og eru fáir fuglar sem hafa öðlast slíkan sess í sögu okkar og menningu. Hrafninn er talinn sérstaklega úrræðagóður, skynsamur, gáfaður og kátur, og hafa menn ávallt borið mikla virðingu fyrir honum og spádómsgáfum hans." Vík Prjónsdóttir sendir einnig frá sér trefil undir sömu merkjum, Nátthrafnatrefilinn, í sömu litatónum og teppið. Trefillinn fæst á öllum útsölustöðum Víkur Prjónsdóttur en teppið verður til sölu í Sparki og Kraumi til að byrja með. Þá voru að bætast við fleiri litir í treflalínuna, Verndarhendurnar. "Í vor kemur einnig út glæný treflalína frá okkur og svo eru margir fleiri spennandi hlutir í bígerð," segir hún og vill helst ekki útskýra það nánar, en forvitni blaðamanns er vakin. "Við skulum segja að það sé samstarf við mjög spennandi erlenda hönnuði. En framhaldið verður bara að koma í ljós." Vík Prjónsdóttir hefur verið víðförul undanfarin misseri og er nýlega komin heim af sýningu í Helsinki. Þá er Brynhildur á leið til Stokkhólms ásamt Guðfinnu Mjöll Magnúsdóttur vöruhönnuði á næstu dögum. "Vík Prjónsdóttir fékk boð á málstofu á vegum Editions in Craft en það er verkefni sem leggur áherslu á vinnu með staðbundið hráefni og framleiðslu. Þar ætlum við að kynna Vík Prjóns, staðbundna framleiðslu og íslensku ullina."
Mest lesið Glæsihöll Haraldar við Elliðavatn Lífið Röddin með stóru Erri og greini lögð á hilluna Lífið Króli og Birta eiga von á barni Lífið Fær ýmist þumalinn eða löngutöng vegna einkanúmersins Lífið Bjössi í Mínus er ný rödd Sýnar Lífið Sabrina Carpenter gagnrýnd fyrir að ýta undir hlutgervingu kvenna Lífið Hreinar húðvörur sem þú vildir óska að þú hefðir kynnst fyrr Lífið Herra Hnetusmjör og Sara keyptu draumahúsið Lífið Eltir draumana og þarf að færa fórnir Tónlist Ævintýralega flóknar útskýringar á framtaksleysi og leti Lífið Fleiri fréttir Katrín og Inga Rut í stjórn Miðstöðvar hönnunar og arkitektúrs Það allra heitasta í sumarförðuninni Fegin að hafa valið flottasta kjólinn fyrir óvænta trúlofun Enginn til ama á hátíðinni Steldu stílnum af Birgittu Líf á frönsku rívíerunni Hvernig á að klæða sig fyrir körfuboltaleik? Glæsileg í Cannes í sérsaumaðri íslenskri hönnun Ógleymanleg upplifun á klósetti í norskum kastala Innsýn í framtíðarheim tískunnar á Íslandi „Broshýr var Bogi Ágústsson, er bindin sín Rúvurum gaf“ Þau allra nettustu á Met Gala Afhjúpaði óléttuna á epískan hátt enn og aftur Mikil tilhlökkun fyrir stærstu tískuhátíð í heimi Sjá meira