Hreint ekki boðlegt Ragnheiður Tryggvadóttir skrifar 27. júní 2012 06:00 Ég fer bráðum í sumarfrí, langþráð auðvitað. Eru sumarfrí ekki alltaf langþráð? Veðrið er búið að vera gott og ég hlakka mikið til að geta verið úti að slæpast, hangsa með fjölskyldunni og safna freknum. Það er þó ekki alveg komið að því, ég þarf að vinna nokkra daga áður en ég er laus. Klára mína plikt. Það geri ég auðvitað þó sumarfiðringurinn kitli magann og mér verði oft litið út um gluggann. Mér dettur ekki í hug að skrópa. Jæja, þegar ég segi „dettur ekki í hug", er ég kannski ekki alveg hreinskilin. En ég læt það ekki eftir mér. Það gengi ekki. Ég ráðstafa ekki þessum síðustu dögum fyrir frí í annað, kaupi ekki flug og hótel þegar ég á að vera í vinnunni. Ég mæti bara, tek við verkefnum og vasast í þeim fram á síðasta dag. Læt dagdraumana nægja um sand milli tánna og drykk í glasi. Margir geta ekki einu sinni tekið sér frí í sumar. Verða að njóta sólarinnar gegnum gluggann. Nokkrir þingmenn eru súrir yfir að eiga að mæta í vinnuna síðustu dagana fyrir sumarfríið sitt. Að eiga að mæta á fundi og svitna yfir hundfúlum rammaáætlunum, meðan sólin skín úti! Ekki nema það þó. Finnst það „ekki boðlegt", eins og haft var eftir þingmanni sjálfstæðisflokksins hér í blaðinu í gær. Þingmanninum kom á óvart að þessi vika hafi yfirleitt verið ætluð í nefndarfundi því menn voru „náttúrulega búnir að gera ráðstafanir með sumarleyfi og annað, sumir komnir til útlanda og slíkt…" Þar af leiðandi töldu þingmennirnir „bara ekki boðlegt" að boða til funda. Tilgangslaust. Það þyrfti hvort sem er að ræða þessi mál aftur þegar þingið kemur saman í haust. Hættum"essu. Förum, bless, bæ! Ég skil hann svo sem vel. Ekki myndi ég nenna að svitna yfir rammaáætlunum síðustu dagana fyrir sumarfrí. Úff! Ég er þó ekki viss um að það kæmi mér beinlínis á óvart að mér væru sett verkefni síðustu vikuna fyrir frí. Segði það hreinlega tilgangslaust. Ég væri „náttúrulega" bara búin að gera aðrar ráðstafanir, panta hótel í útlöndum og slíkt. Ég þyrfti hvort sem er að vasast í þessum verkefnum þegar ég kæmi aftur, í haust! Ekki viss um að það þætti boðlegt. Viltu birta grein á Vísi? Sendu okkur póst. Senda grein Ragnheiður Tryggvadóttir Mest lesið Fyrsta flokks heilbrigðisþjónustu á Íslandi Lilja Alfreðsdóttir Skoðun Hefur ítrekað hótað okkur áður Hjörtur J. Guðmundsson Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun Halldór 02.08.2025 Halldór Þjóðaratkvæðagreiðsla vegna umsóknar um aðild að ESB er stjórnsýslugrín! Júlíus Valsson Skoðun Bandaríkin voru alltaf vondi kallinn Karl Héðinn Kristjánsson Skoðun Að tala við börn um alvarleg lífsógnandi veikindi, sorg, dauða og missi Guðlaug Helga Ásgeirsdóttir,Svandís Íris Hálfdánardóttir Skoðun Fjárskipti við slit óvígðrar sambúðar: Meginreglur og frávik Sveinn Ævar Sveinsson Skoðun Líknarmeðferð og líknarmiðstöðvar Svandís Íris Hálfdánardóttir,Dóra Björk Jóhannsdóttir Skoðun Kæfandi klámhögg sveitarstjóra Jón Trausti Reynisson Skoðun
Ég fer bráðum í sumarfrí, langþráð auðvitað. Eru sumarfrí ekki alltaf langþráð? Veðrið er búið að vera gott og ég hlakka mikið til að geta verið úti að slæpast, hangsa með fjölskyldunni og safna freknum. Það er þó ekki alveg komið að því, ég þarf að vinna nokkra daga áður en ég er laus. Klára mína plikt. Það geri ég auðvitað þó sumarfiðringurinn kitli magann og mér verði oft litið út um gluggann. Mér dettur ekki í hug að skrópa. Jæja, þegar ég segi „dettur ekki í hug", er ég kannski ekki alveg hreinskilin. En ég læt það ekki eftir mér. Það gengi ekki. Ég ráðstafa ekki þessum síðustu dögum fyrir frí í annað, kaupi ekki flug og hótel þegar ég á að vera í vinnunni. Ég mæti bara, tek við verkefnum og vasast í þeim fram á síðasta dag. Læt dagdraumana nægja um sand milli tánna og drykk í glasi. Margir geta ekki einu sinni tekið sér frí í sumar. Verða að njóta sólarinnar gegnum gluggann. Nokkrir þingmenn eru súrir yfir að eiga að mæta í vinnuna síðustu dagana fyrir sumarfríið sitt. Að eiga að mæta á fundi og svitna yfir hundfúlum rammaáætlunum, meðan sólin skín úti! Ekki nema það þó. Finnst það „ekki boðlegt", eins og haft var eftir þingmanni sjálfstæðisflokksins hér í blaðinu í gær. Þingmanninum kom á óvart að þessi vika hafi yfirleitt verið ætluð í nefndarfundi því menn voru „náttúrulega búnir að gera ráðstafanir með sumarleyfi og annað, sumir komnir til útlanda og slíkt…" Þar af leiðandi töldu þingmennirnir „bara ekki boðlegt" að boða til funda. Tilgangslaust. Það þyrfti hvort sem er að ræða þessi mál aftur þegar þingið kemur saman í haust. Hættum"essu. Förum, bless, bæ! Ég skil hann svo sem vel. Ekki myndi ég nenna að svitna yfir rammaáætlunum síðustu dagana fyrir sumarfrí. Úff! Ég er þó ekki viss um að það kæmi mér beinlínis á óvart að mér væru sett verkefni síðustu vikuna fyrir frí. Segði það hreinlega tilgangslaust. Ég væri „náttúrulega" bara búin að gera aðrar ráðstafanir, panta hótel í útlöndum og slíkt. Ég þyrfti hvort sem er að vasast í þessum verkefnum þegar ég kæmi aftur, í haust! Ekki viss um að það þætti boðlegt.
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Að tala við börn um alvarleg lífsógnandi veikindi, sorg, dauða og missi Guðlaug Helga Ásgeirsdóttir,Svandís Íris Hálfdánardóttir Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Að tala við börn um alvarleg lífsógnandi veikindi, sorg, dauða og missi Guðlaug Helga Ásgeirsdóttir,Svandís Íris Hálfdánardóttir Skoðun