Hildur fékk nokkrar mínútur í stórsigri

Koblenz/Weibern vann tíu marka sigur á Trier í fyrstu umferð efstu deildar þýska handboltans um helgina.

Hildur Þorgeirsdóttir gekk í raðir þýska liðsins frá Blomgberg Lippe í sumar. Hildur kom inn á undir lok leiksins og opnaði markareikning sinn fyrir liðið.

1712 áhorfendur studdu heimakonur sem ætla sér stóra hluti í vetur. Svenja Huber skoraði tíu mörk fyrir Kolbenz/Weibern þar af sjö mörk úr sjö vítum.

Hildur og félagar mæta Blomberg Lippe á miðvikudaginn.