Heimskur maður kýs Halldór Halldórsson skrifar 25. apríl 2013 06:00 Ég kann ekki að meta sjóræningja. Í mér býr djúpstæður frumótti við sjóræningja. Mér svelgdist á kaffinu mínu þegar ég las að í framboði væri flokkur sem kennir sig við sjóræningja. Hvað næst? Hákarlaflokkurinn? Kóngulóahreyfingin? Eða Vinstri hreyfingin grænt flugslys? Sjóræningjar eru óbilgjarnir og ósanngjarnir, æðaberir tækifærissinnar sem svífast einskis til að vænka hag sinn. Þeir eru líka hallærislegir – fullorðnir menn í einhverju blúndudrasli með kögri og svo breytast þeir aldrei. Sama hvað er í gangi í heiminum – sama hvað nútíminn virðist vera opinn og spennandi, þá eru það sömu helvítis frasarnir. Sjóræningjar eru glataðir og þeir LÍÚ-a að fólki – og einmitt þess vegna ætla ég ekki að kjósa Framsókn eða Sjálfstæðisflokkinn. Að öðru – er ekki frekar borðliggjandi að sjá þennan samning frá Evrópusambandinu, áður en við ákveðum okkur? Er það ekki eini sénsinn til að taka upplýsta ákvörðun? Ég meina partí sem hljómar ekkert spennandi verður það oft þegar maður veit að það er frír bjór og snakk handa öllum. Það er til dæmis gefið mál að það er heilt yfir betra veður í Evrópusambandinu – en það er á Íslandi. Hver veit, kannski er hægt að flytja nokkrar gráður hingað yfir. Við vitum það allavega ekki fyrr en við sjáum plaggið. Að halda öðru fram eru bara stælar. Og örstutt. Af hverju held ég að nokkrir frambjóðendur í Pírataflokknum séu virkilega góðir í tölvuleikjum og af hverju er það ekki tilgreint á vefsíðu þeirra? Af hverju gerði Lýðræðisvaktin ekki auglýsingu sem byggði á Næturvaktinni, þar sem Egill Ólafsson er Georg Bjarnfreðarson, Þórhildur Þorleifs er Daníel og Þorvaldur Gylfa er Ólafur Ragnar? Hann að segja „Já sæll“ með sínum einstaka talanda er ávísun á „viral“-snilld. Og hvenær ætlar fólk að átta sig á því að það er ekkert jafn púkó og ungliðahreyfingar? Nema eins og í tilfelli Bjartrar framtíðar, þar sem ungliðahreyfingin er líklega skipuð leikskólabörnum. Í lokin vil ég taka eitt fram – það er bara ein leið til að stjórna hlutunum – og það er illa. Sjáumst á kjörstað. Viltu birta grein á Vísi? Sendu okkur póst. Senda grein Bakþankar Kosningar 2013 Skoðun Mest lesið Hefur ítrekað hótað okkur áður Hjörtur J. Guðmundsson Skoðun Bandaríkin voru alltaf vondi kallinn Karl Héðinn Kristjánsson Skoðun Gervigreind fyrir alla — en fyrir hvern í raun? Sigvaldi Einarsson Skoðun Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun Þjóðaratkvæðagreiðsla vegna umsóknar um aðild að ESB er stjórnsýslugrín! Júlíus Valsson Skoðun Halldór 02.08.2025 Halldór Fyrsta flokks heilbrigðisþjónustu á Íslandi Lilja Alfreðsdóttir Skoðun Fjárskipti við slit óvígðrar sambúðar: Meginreglur og frávik Sveinn Ævar Sveinsson Skoðun Kæfandi klámhögg sveitarstjóra Jón Trausti Reynisson Skoðun Að tala við börn um alvarleg lífsógnandi veikindi, sorg, dauða og missi Guðlaug Helga Ásgeirsdóttir,Svandís Íris Hálfdánardóttir Skoðun
Ég kann ekki að meta sjóræningja. Í mér býr djúpstæður frumótti við sjóræningja. Mér svelgdist á kaffinu mínu þegar ég las að í framboði væri flokkur sem kennir sig við sjóræningja. Hvað næst? Hákarlaflokkurinn? Kóngulóahreyfingin? Eða Vinstri hreyfingin grænt flugslys? Sjóræningjar eru óbilgjarnir og ósanngjarnir, æðaberir tækifærissinnar sem svífast einskis til að vænka hag sinn. Þeir eru líka hallærislegir – fullorðnir menn í einhverju blúndudrasli með kögri og svo breytast þeir aldrei. Sama hvað er í gangi í heiminum – sama hvað nútíminn virðist vera opinn og spennandi, þá eru það sömu helvítis frasarnir. Sjóræningjar eru glataðir og þeir LÍÚ-a að fólki – og einmitt þess vegna ætla ég ekki að kjósa Framsókn eða Sjálfstæðisflokkinn. Að öðru – er ekki frekar borðliggjandi að sjá þennan samning frá Evrópusambandinu, áður en við ákveðum okkur? Er það ekki eini sénsinn til að taka upplýsta ákvörðun? Ég meina partí sem hljómar ekkert spennandi verður það oft þegar maður veit að það er frír bjór og snakk handa öllum. Það er til dæmis gefið mál að það er heilt yfir betra veður í Evrópusambandinu – en það er á Íslandi. Hver veit, kannski er hægt að flytja nokkrar gráður hingað yfir. Við vitum það allavega ekki fyrr en við sjáum plaggið. Að halda öðru fram eru bara stælar. Og örstutt. Af hverju held ég að nokkrir frambjóðendur í Pírataflokknum séu virkilega góðir í tölvuleikjum og af hverju er það ekki tilgreint á vefsíðu þeirra? Af hverju gerði Lýðræðisvaktin ekki auglýsingu sem byggði á Næturvaktinni, þar sem Egill Ólafsson er Georg Bjarnfreðarson, Þórhildur Þorleifs er Daníel og Þorvaldur Gylfa er Ólafur Ragnar? Hann að segja „Já sæll“ með sínum einstaka talanda er ávísun á „viral“-snilld. Og hvenær ætlar fólk að átta sig á því að það er ekkert jafn púkó og ungliðahreyfingar? Nema eins og í tilfelli Bjartrar framtíðar, þar sem ungliðahreyfingin er líklega skipuð leikskólabörnum. Í lokin vil ég taka eitt fram – það er bara ein leið til að stjórna hlutunum – og það er illa. Sjáumst á kjörstað.
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Að tala við börn um alvarleg lífsógnandi veikindi, sorg, dauða og missi Guðlaug Helga Ásgeirsdóttir,Svandís Íris Hálfdánardóttir Skoðun
Greiðsla með Vísakorti tryggir ekki endurgreiðslu – forfallatryggingar gagnslausar þegar mest á reynir Erna Guðmundsdóttir Skoðun
Að tala við börn um alvarleg lífsógnandi veikindi, sorg, dauða og missi Guðlaug Helga Ásgeirsdóttir,Svandís Íris Hálfdánardóttir Skoðun