Næsta heimsmeistaramót í handbolta fer fram í Katar árið 2015 og Katarmenn eru farnir að safna í HM-liðið sitt samkvæmt fréttum frá Danmörku.
Umboðsmaðurinn Mads Winther segir í viðtali við tv2.dk að Katarmenn ætli sér að finna leikmenn í Danmörku og að þeir muni borga viðkomandi leikmönnum fyrir að spila fyrir Katar á HM 2015.
Landslið Katar er þegar með leikmenn innanborðs frá öðrum löndum en samkvæmt Mads Winther mun bætast verulega í þann hóp.
„Það er mikill áhugi á að fá skandinavíska leikmenn í landslið Katar og það koma fjórir til fimm danskir leikmenn til greina," sagði Mads Winther við tv2.dk.
Winther segir alla þessa leikmenn eigi landsleiki að baki. Til að fá nýtt handboltavegabréf þá mega leikmenn ekki hafa spilað fyrir annað land í þrjú ár. Hvort Katar horfi alla leið upp til Íslands er hinsvegar allt önnur saga.
Katarmenn safna handboltamönnum í HM-liðið sitt
Óskar Ófeigur Jónsson skrifar

Mest lesið


„Skil ekki af hverju við erum alltaf að koma fólki á óvart“
Íslenski boltinn

„Í dag unnum við þetta eins og fjölskylda“
Íslenski boltinn


„Ertu galinn? Þetta var frábær fótboltaleikur“
Íslenski boltinn

„Við þurfum hjálp frá Guði“
Handbolti



Reka 200 manns eftir tapið fyrir Tottenham
Enski boltinn
