Maðurinn sem framleiðir sitt eigið áfengi innvortis

Það fylgja því vissir ókostir að vera heilbrigður. Til dæmis getur maður fengið þá tilfinningu að maður sé ósýnilegur. Enginn veitir þeim athygli sem glímir ekki við erfiðan og spennandi sjúkdóm en þeir sem eru duglegir að minna aðra á erfiðleika sína fá alla athyglina.

Matthew Hogg er með sjúkdómsvesen sem margir Íslendingar myndu líta á sem kjarabót. Öfunda hann og óska þess að standa í hans sporum. Ansi reikulum sporum.

Hann þjáist af „auto-brewery syndrome.“ Aðrir myndu hugsanlega njóta hverrar mínútu en Matthew þjáist. Hann er meira og minna alltaf fullur. Meltingakerfið á honum framleiðir alkóhól sem hann tekur upp og smá auka sykur í matnum hans getur orðið til þess að hann verður pöddufullur og endar skelþunnur. Gangandi bruggverksmiðja.

Ástand hans og hvað olli veikindunum kom ekki í ljós í yfir 20 ár, tími sem Matthew er búinn að vera á skallanum án þess að setja dropa af áfengi inn fyrir sínar varir. Vegna þess fékk hann svo tíðar áfengiseitranir og lifrasjúkdóm.

„Every time I eat bread, potatoes or starchy rice I produce 100 per cent proof drinking alcohol that travels around my body through my bloodstream - if I eat a portion of rice I would suffer a hangover equivalent of having glugged three bottles of red wine the night before.“

Þó fyrirbærið, sem er sjaldgæft, spari gífurlegar fjárhæðir á ári sem annars færu í áfengi, hefur það þá galla að Matthew getur ekki keyrt eða unnið venjulega vinnu. Hann er þó væntanlega með varanleg "beer googles",- allar konur eru aðlaðandi í hans augum.