Aron í bikarúrslitin í Danmörku

KIF Kolding mætir Bjerringbro/Silkeborg í úrslitaleik dönsku bikarkeppninnar á morgun en undanúrslitaleikirnir fóru fram í dag.

Kolding vann nokkuð öruggan sigur á Midtjylljand, 29-20, eftir að hafa verið með fimm marka forystu í hálfleik, 13-8. Aron Kristjánsson, landsliðsþjálfari, er þjálfari KIF Kolding.

Kári Kristján Kristjánsson og félagar í Bjerringbro/Silkeborg hafði svo betur gegn GOG, 21-18, eftir spennandi leik. Snorri Steinn Guðjónsson leikur með síðarnefnda liðinu.

Úrslitaleikurinn fer fram í Árósum á morgun klukkan 15.00.