Hjónaleysin Einar Ingi og Þórey Rósa markahæst

Einar Ingi Hrafnsson skoraði fimm mörk og var markahæstur hjá Arendal í norsku úrvalsdeildinni í handbolta þegar lið hans vann tveggja marka sigur á Nötteröy.

Hreiðar Leví Guðmundsson ver mark Nötteröy sem er í tíunda sæti í þessari tólf liða deild.

Arendal er í 9. sæti með fjórum stigum meira en Nötteröy.

Sambýliskona Einars Inga, landsliðskonan Þórey Rósa Stefánsdóttir skoraði sex mörk og var markahæst hjá Våg HK sem lagði Glassverket 26-25 í hörku leik.

Våg HK er í áttunda sæti með 14 stig. Glassverket er í sjötta sæti með 22 stig.