Zaporozhye og Kiel spila í Ungverjalandi

Tekin hefur verið sú ákvörðun að færa leik úkraínska liðsins HC Zaporozhye og þýska liðsins Kiel í Meistaradeildinni frá Úkraínu.

Leikurinn á að fara fram þann 20. mars en það er fyrri leikur liðanna í sextán liða úrslitum keppninnar.

Sökum ástandsins í Úkraínu verður leikurinn spilaður í Györ í Ungverjalandi.

Möguleikar úkraínska liðsins voru ekki metnir miklir gegn Kiel en þessi breyting eykur ekki líkurnar á því að liðið geti lagt lið Alfreðs Gíslasonar.