Dujshebaev fékk fjögurra leikja bann fyrir punghöggið

Talant Dujshebaev, þjálfari pólska meistaraliðsins Kielce, var í dag dæmdur í bann ásamt því að fá sekt frá pólska handknattleikssambandinu vegna látbragða sinna eftir leik Kielce og wisla Plock í úrslitaeinvíginu um pólska meistaratitilinn.

Dujshebaev vakti athygli fyrr í vetur þegar hann sló Guðmund Guðmundsson, þjálfara Rhein-Neckar Löwen í punginn eftir leik liðanna í 16-liða úrslitum Meistaradeildarinnar. Eftir leikinn sakaði Dujshebaev á blaðamannafundi Guðmund um að hafa verið dónalegur við sig á meðan leik stóð.

Dujshebaev var aftur á ferðinni í leiknum gegn Wisla Plock en þá sló Dujshebaev spænska þjálfaran Manolo Cadenas sem þjálfar Wisla Plock í punginn. Dujshebaev var í dag dæmdur í fjögurra leikja bann og þarf hann að greiða 113 þúsund íslenskar krónur í sekt.