Magnús Óli áfram hjá FH

Magnús Óli Magnússon, besti leikmaður FH á síðustu leiktíð, hefur framlengt samning sinn við FH til loka tímabilsins 2016.

Þetta var tilkynnti í fréttatilkynningu í morgun en Magnús Óli var valinn leikmaður ársins á lokahófi FH í vor og var þar að auki valinn í íslenska landsliðsins fyrir æfingaleikina gegn Portúgal í vor.

„Hann er samviskusamur, duglegur og ætlar sér langt. FH mun hjálpa honum að ná sínum markmiðum,“ sagði Ásgeir Jónsson, formaður handknattleiksdeildar FH, í yfirlýsingunni.