Tiger Woods byrjaði skelfilega á Opna breska meistaramótinu í golfi í morgun.
Hann fékk skolla á fyrstu tveimur holunum en mótið nú er það annað sem hann keppir í síðan hann gekkst undir agðerð á baki fyrir fjórum mánuðum síðan.
Tiger lenti í sandglompu á fyrstu holu og missti síðan tveggja metra pútt fyrir pari á annarri. Hann hélt þó haus eftir það og náði fugli eftir gott innáhögg á fimmtu holu, sem er par 5.
Robert Karlsson og Marc Leishmann eru efstir af þeim sem hafa lokið leik í dag en þeir komu báðir í hús á 69 höggum eða þremur undir pari. Norður-Írinn Rory McIlroy hefur einnig byrjað vel og er á þremur undir eftir átta holur.
Opna breska meistaramótið hófst í dag og verða allir keppnisdagarnir fjórir í beinni útsendingu á Golfstöðinni.
Tiger rétti úr kútnum eftir erfiða byrjun
Tengdar fréttir
Sigur það eina sem kemur til greina hjá Tiger
Woods ekki unnið risamót síðan 2008 þegar hann sigraði á opna bandaríska meistaramótinu.
Tiger Woods er bjartsýnn fyrir Opna breska meistaramótið
Tiger segist vera að nálgast sitt besta líkamlega form eftir skurðaðgerðina og ætlar sér ekkert annað en sigur á Royal Liverpool.
Nær Tiger Woods að endurtaka leikinn á Hoylake?
Nær Tiger Woods að endurtaka leikinn frá því árið 2006 þegar hann valtaði yfir keppinauta sína á Hoylake-vellinum sem spilað er á í ár eða lengist biðin eftir næsta risatitli?
