Rosengård styrkti stöðu sína á toppi sænsku úrvalsdeildarinnar í fótbolta með 3-0 sigri á botnliði Jitex í dag.
Sara Björk Gunnarsdóttir var á sínum stað í byrjunarliði Rosengård, en hún ber fyrirliðaband liðsins.
Rosengård komst yfir á 13. mínútu þegar hin brasilíska Marta skoraði sitt fyrsta deildarmark fyrir félagið, en hún gekk til liðs við Rosengård frá Tyresö í sumar.
Þýska landsliðskonan Anja Mittag bætti við marki á 41. mínútu, en þetta var 13. deildarmark hennar á tímabilinu. Mittag er markahæst í deildinni.
Amanda Ilestedt gulltryggði svo sigurinn með marki á 58. mínútu. Lokatölur 3-0, Rosengård í vil, en liðið situr í toppsæti deildarinnar með 33 stig, sex stigum meira en Örebro sem er í öðru sæti.
Jitex situr hins vegar eitt og yfirgefið á botni deildarinnar með ekkert stig eftir 12 leiki. Markatala liðsins er heldur ekkert til að hrópa húrra fyrir, en Jitex hefur aðeins skorað fjögur mörk og fengið á sig 36.
Áttundi sigur Rosengård í röð
Tengdar fréttir
Marta verður liðsfélagi Söru Bjarkar
Hin brasilíska Marta er gengin í raðir Rosengård í sænsku úrvalsdeildinni.
Marta skoraði tvö þegar Sara Björk og félagar komust áfram í bikarnum
Sara Björk Gunnarsdóttir og félagar hennar í Rosengård komust áfram í sænska bikarnum í kvöld eftir 12-1 stórsigur á neðrideildarliðinu Stattena. Sara Björk sat á bekknum að þessu sinni og fékk hvíld fyrir lokasprettinn í baráttunni um sænska meistaratitilinn.
