Cara Delevingne og Pharrell sungu saman fyrir Lagerfeld

1. apríl 2015 11:00

Pharrell og Cara saman á sviðinu í New York í gærkvöldi. Glamour/Getty

Gleðin var við völd í partý sem Karl Lagerfeld og Chanel stóðu fyrir í New York í gærkvöldi. Partýið nefndist CHANEL Paris-Salzburg 2014/15 Metiers d'Art Collection.

Söngkonan Beyoncé, ritstjórinn Anna Wintour og leikkonan Dakota Johnson voru meðal gesta.

Hápunktur kvöldins var þó þegar sjálfur Pharrell Williams steig á stokk ásamt fyrirsætunni Cöru Delevingne, sem var að þreyta frumraun sína sem söngkona. Bæði eru þau stjörnur tískustuttmyndar tengd línunni sem Karl Lagefeld sjálfur sá um að leikstýra.

Stuttmyndina, sem heitir Reincarnation, má sjá í spilaranum hér fyrir neðan.