Þýsk yfirvöld hafa staðfest að rannsókn er hafin á ný á Marco Reus, framherja þýska liðsins Dortmund, á meintum umferðarlagabrotum hans.
Í desember kom í ljós að Reus hefði safnað sektum upp á 83 milljónir króna fyrir að hafa verið stöðvaður fyrir hraðaakstur og að aka án ökuleyfis í minnst fimm skipti síðan 2011.
Reus tók aldrei ökupróf þegar hann fékk aldur til en hafði þess í stað framvísað fölskuðu hollensku ökuskírteini þegar hann var stöðvaður af lögreglu.
Lögreglunni barst nýlega ábendingar um að Reus væri enn að keyra á þýskum þjóðvegum og hefur þýska lögreglan því gripið til aðgerða, eftir því sem fram kom í þýska blaðinu Bild í dag.
Talið er að þjálfarar hjá Dortmund, liðsfélagar og ættingjar Reus verði kölluð fyrir sem vitni í rannsókn lögreglunnar.
Reus enn að keyra án ökuprófs
Tengdar fréttir
Reus framlengdi við Dortmund
Þó svo það gangi illa hjá Dortmund þá eru stjörnur liðsins til í að halda tryggð við félagið.
Reus með hraðasektir upp á 83 milljónir á bakinu
Framherjinn hefur verið ítrekaður tekinn fyrir hraðaakstur og er réttindalaus í þokkabót.
Reus hefði getað tvöfaldað launin sín
Sóknarmaðurinn Marco Reus hélt tryggð við Dortmund þrátt fyrir erfiðleika félagsins.
