Hrafnhildur Hanna Þrastardóttir, nítján ára leikmaður Selfoss, varð langmarkahæsti leikmaður fyrri umferðar Olís-deildar kvenna sem lauk um síðustu helgi. Hrafnhildur Hanna skoraði 87 mörk í fyrstu ellefu umferðunum eða 7,9 mörk að meðaltali í leik.
Hrafnhildur Hanna skoraði níu mörk í naumu tapi á móti Val um síðustu helgi en þetta var sjötti leikurinn í vetur þar sem hún skorar átta mörk eða meira. Mest skoraði hún fjórtán mörk í einum leik en það var á útivelli á móti toppliði Fram.
Hrafnhildur Hanna hefur skorað fimmtán mörkum meira en sú næsta á listanum sem er Haukakonan Marija Gedroit. Martha Hermannsdóttir hjá KA/Þór er síðan í þriðja sætinu með 68 mörk. Upplýsingar um markaskor leikmanna koma frá heimasíðum HSÍ.
Frammistaða Hrafnhildar Hönnu hefur ekki farið fram hjá landsliðsþjálfaranum sem valdi hana í fyrsta sinn í A-landsliðið fyrir áramót. Hrafnhildur Hanna spilaði sinn fyrsta leik og skoraði sitt fyrsta mark í 28-22 sigri úti í Makedóníu í undankeppni HM.
Eyjakonur eiga flesta leikmenn á topp tuttugu, eða fimm, sem gerir 25 prósent af markahæstu leikmönnum deildarinnar. Ekkert annað félag á fleiri en tvo leikmenn meðal tuttugu efstu.
Markahæstar í Olís-deild kvenna:
Hrafnhildur Hanna Þrastardóttir, Selfoss 87
Marija Gedroit, Haukar 72
Martha Hermannsdóttir, KA/Þór 68
Vera Lopes, ÍBV 67
Sigurbjörg Jóhannsdóttir, Fram 62
Patricia Szölösi, Fylkir 60
Brynhildur Kjartansdóttir, ÍR 59
Karólína Bæhrenz Lárudóttir, Grótta 58
Karen Helga Díönudóttir, Haukar 55
Kristín Guðmundsdóttir, Valur 55
Ragnheiður Júlíusdóttir, Fram 54
Díana Dögg Magnúsdóttir, ÍBV 52
Ester Óskarsdóttir, ÍBV 50
Ingibjörg Pálmadóttir, FH 50
Telma Silva Amado, ÍBV 48
Thea Imani Sturludóttir, Fylkir 48
Sigurlaug Rúnarsdóttir, Valur 47
Solveig Lára Kjærnested, Stjarnan 46
Jóna Sigríður Halldórsdóttir, ÍBV 46
Emma Havin Sardarsdóttir, HK 46
Selfyssingur er langmarkahæstur í Olís-deild kvenna í vetur

Tengdar fréttir

Björgvin og Sigurbjörg best í Olís-deildunum
Í dag var tilkynnt um val á bestu leikmönnum og þjálfurum í Olís-deildunum á fyrri hluta tímabilsins.

Melkorka, Bryndís og Hrafnhildur Hanna með til Makedóníu
Ágúst Þór Jóhannsson, landsliðsþjálfari kvenna í handbolta, gerði þrjár breytingar á hópnum sínum fyrir leikinn út í Makedóníu á laugardaginn.

Landsliðskona í handbolta vann bæði gull og brons á EM í hópfimleikum
Hrafnhildur Hanna Þrastardóttir, Evrópumeistari með unglingalandsliði Íslands í hópfimleikum árið 2012, tók handboltann fram yfir fimleikana og komst í gær í A-landslið kvenna í handbolta í fyrsta sinn. Hún er einn af þremur nýliðum fyrir leiki í forkeppni HM.