Skrúfan er laus Frosti Logason skrifar 23. apríl 2015 00:01 Útvarp Saga hefur lengi vel verið í uppáhaldi hjá mér. Þar talar rödd þjóðarinnar, í símatíma stöðvarinnar, undir styrkri leiðsögn þáttastjórnandans sem þorir á meðan aðrir þegja. Ég fullyrði að í þessari viku hafi hlustendur náð alveg nýjum hæðum í uppbyggilegum siðferðisboðskap og náungakærleik. Þvílík og önnur eins samstaða um mannréttindi og fleiri kristin gildi er vandfundin. Umræða um svokallaða hinseginfræðslu í Hafnarfirði hefur verið áberandi og hafa áhangendur stöðvarinnar sýnt aðdáunarverða samstöðu í því máli. Út með hommaskapinn og inn með kristnifræðsluna er meginstefið í þættinum Línan er laus. En þótt ótrúlegt megi virðast þá virðast þessar skoðanir hlustenda útvarps Sögu ekki eiga upp á pallborðið hjá öðrum Íslendingum. Það er í rauninni mjög einkennilegt. Var það ekki alveg kýrskýrt hjá Frelsaranum frá Nasaret að samkynhneigð væri viðurstyggð? Varla er íslenska þjóðkirkjan, sem nýtur sérstaks stuðnings ríkis og er varin af stjórnarskrá landsins, að fara með fleipur í þessu máli. Í tillögu sem bæjarstjórn Hafnarfjarðar samþykkti í síðustu viku segir meðal annars að hinsegin ungmenni upplifi skort á upplýsingum, umræðu og fyrirmyndum og eiga í erfiðleikum með að þróa jákvæða sjálfsmynd. Að fræðslan geti gert þeim auðveldara að takast á við þær tilfinningar sem tengjast kynhneigð þeirra og kynvitund. Auk þess geti hinseginfræðsla verið mikilvægur liður í að útrýma fordómum og uppræta hatursfulla orðræðu gegn hinsegin einstaklingum. Þið afsakið. Ég er ekki viss um að okkar kristna samfélag kæri sig um slíkt trúboð og innrætingu af þessum toga í blessuð börnin. Hlustendur Útvarps Sögu telja skaðlegt að innræta ungum börnum málefni sem þau hafa ekki þroska til að skilja. Lítil börn eru nefnilega viðkvæmur gróður sem verður að fá að vaxa og dafna í friði. Að demba yfir þau kennslu um samkynhneigð er slæmt á meðan boðskapur Gídeonfélagsins er hins vegar frábær. Já góðir landsmenn. Skrúfan er svo sannarlega laus. Viltu birta grein á Vísi? Sendu okkur póst. Senda grein Frosti Logason Mest lesið Halldór 4.10.2025 Halldór Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun Barnafjölskyldur í Reykjavík eiga betra skilið Þorbjörg Sigríður Gunnlaugsdóttir Skoðun Kæra Epli, skilur þú mig? Lilja Dögg Jónsdóttir Skoðun Þorgerður og erlendu dómstólarnir Hjörtur J. Guðmundsson Skoðun Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun Lyftum umræðunni á örlítið hærra plan Jóna Hlíf Halldórsdóttir Skoðun Transumræðan og ruglið um fjölda kynja Einar Steingrímsson Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun
Útvarp Saga hefur lengi vel verið í uppáhaldi hjá mér. Þar talar rödd þjóðarinnar, í símatíma stöðvarinnar, undir styrkri leiðsögn þáttastjórnandans sem þorir á meðan aðrir þegja. Ég fullyrði að í þessari viku hafi hlustendur náð alveg nýjum hæðum í uppbyggilegum siðferðisboðskap og náungakærleik. Þvílík og önnur eins samstaða um mannréttindi og fleiri kristin gildi er vandfundin. Umræða um svokallaða hinseginfræðslu í Hafnarfirði hefur verið áberandi og hafa áhangendur stöðvarinnar sýnt aðdáunarverða samstöðu í því máli. Út með hommaskapinn og inn með kristnifræðsluna er meginstefið í þættinum Línan er laus. En þótt ótrúlegt megi virðast þá virðast þessar skoðanir hlustenda útvarps Sögu ekki eiga upp á pallborðið hjá öðrum Íslendingum. Það er í rauninni mjög einkennilegt. Var það ekki alveg kýrskýrt hjá Frelsaranum frá Nasaret að samkynhneigð væri viðurstyggð? Varla er íslenska þjóðkirkjan, sem nýtur sérstaks stuðnings ríkis og er varin af stjórnarskrá landsins, að fara með fleipur í þessu máli. Í tillögu sem bæjarstjórn Hafnarfjarðar samþykkti í síðustu viku segir meðal annars að hinsegin ungmenni upplifi skort á upplýsingum, umræðu og fyrirmyndum og eiga í erfiðleikum með að þróa jákvæða sjálfsmynd. Að fræðslan geti gert þeim auðveldara að takast á við þær tilfinningar sem tengjast kynhneigð þeirra og kynvitund. Auk þess geti hinseginfræðsla verið mikilvægur liður í að útrýma fordómum og uppræta hatursfulla orðræðu gegn hinsegin einstaklingum. Þið afsakið. Ég er ekki viss um að okkar kristna samfélag kæri sig um slíkt trúboð og innrætingu af þessum toga í blessuð börnin. Hlustendur Útvarps Sögu telja skaðlegt að innræta ungum börnum málefni sem þau hafa ekki þroska til að skilja. Lítil börn eru nefnilega viðkvæmur gróður sem verður að fá að vaxa og dafna í friði. Að demba yfir þau kennslu um samkynhneigð er slæmt á meðan boðskapur Gídeonfélagsins er hins vegar frábær. Já góðir landsmenn. Skrúfan er svo sannarlega laus.
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Jákvæð áhrif dánaraðstoðar á sorgarferli aðstandenda og umönnunaraðila í Viktoríuríki í Ástralíu Ingrid Kuhlman Skoðun