Fyrsta stikla Ghostbusters

Heyrir þú skringileg hljóð á kvöldin? Eru mögulega draugar að plaga þig? Veistu kannski ekki hvern þú átt að hringja í? Þá er svarið rétt handan við hornið. Fyrsta stiklan fyrir nýju Ghostbusters myndina var birt í dag.

Her drauga herjar á New York og þurfa nokkrir vísindamenn að standa í hárinu á þeim.

Leikstjóri Ghostbusters er Paul Feig, en helstu leikarar hennar eru Kristen Wiig, Chris Hemsworth og Melissa McCarthy. Auk þeirra leika margir úr Saturday Night Live í myndinni.

Myndin kemur út í júlí og stikluna má sjá hér að neðan.