Umfjöllun og viðtöl: Stjarnan - Haukar 23-19 | Öruggur Stjörnusigur og staðan jöfn Ingvi Þór Sæmundsson í TM-höllinni skrifar 24. apríl 2016 15:45 Stjörnuvörnin var sterk í dag. Vísir/Stefán Stjarnan jafnaði metin í einvíginu við Hauka í undanúrslitum Olís-deildar kvenna með öruggum 23-19 sigri í TM-höllinni í Garðabæ í dag. Haukar unnu fyrsta leikinn á föstudaginn örugglega, 26-18, en það var allt annað að sjá til Stjörnuliðsins í dag. Garðbæingar voru mun sterkari aðilinn í leiknum og gáfu strax tóninn með því að komast í 4-0. Haukar komust aldrei yfir í leiknum og aðeins einu sinni var staðan jöfn (4-4). Þremur mörkum munaði á liðunum í hálfleik, 12-9, en Stjarnan skoraði fyrstu þrjú mörkin í seinni hálfleik og náði sex marka forskoti sem Haukum tókst ekki að vinna upp. Varnarleikur Stjörnunnar var mjög öflugur og fyrir aftan vörnina var Florentina Stanciu vel með á nótunum. Landsliðsmarkvörðurinn átti ekki sinn besta leik á föstudaginn en Florentina var frábær í leiknum í dag og varði 21 skot, eða 53% þeirra skota sem hún fékk á sig. Sóknarleikur Hauka var einhæfur en til marks um það skoraði útilínan 15 af 19 mörkum liðsins í dag. Þá náði Elín Jóna Þorsteinsdóttir sér ekki nógu vel á strik í markinu. Stjörnukonur mættu ákveðnar til leiks og skoruðu fyrstu fjögur mörk leiksins. Tvö þeirra komu eftir hraðaupphlaup en alls skoruðu heimakonur fjögur hraðaupphlaupsmörk í fyrri hálfleik. Florentina byrjaði frábærlega í marki Stjörnunnar og það tók Hauka sex mínútur að finna leiðina framhjá henni. Eftir þessa kröftugu byrjun lentu Stjörnukonur í vandræðum í sókninni en liðið skoraði ekki í sex mínútur. Á meðan gerðu gestirnir fjögur mörk í röð og jöfnuðu metin, 4-4. Þá var Halldóri Harra Kristjánssyni, þjálfara Stjörnunnar, nóg boðið og tók leikhlé. Það bar árangur því Stjörnukonur skoruðu næstu fjögur mörk leiksins og komust aftur fjórum mörkum yfir, 8-4. Stjarnan leiddi með 2-4 mörkum það sem eftir lifði fyrri hálfleiks en vörn liðsins var mjög sterk og Florentina í góðum gír í markinu. Staðan í hálfleik var 12-9, Stjörnunni í vil og Garðbæingar byrjuðu seinni hálfleikinn af sama krafti og þann fyrri og skoruðu fyrstu þrjú mörkin. Og eftir níu mínútna leik í seinni hálfleik var staðan orðin 18-11 og útlitið gott fyrir Stjörnukonur. Haukar voru í stórkostlegum vandræðum í sókninni lengst af. Eins og áður sagði mæddi mikið á leikmönnunum fyrir utan, Ramune Pekarskyte, Mariu Ines De Silve Pereira og Karenu Helgu Díönudóttur. Boltinn gekk nánast aldrei út í hornin og línuspilið var fátæklegt. Maria og Karen gerðu sitt besta til að halda Haukum inni í leiknum í seinni hálfleik en alltaf þegar gestirnir virtust vera að nálgast heimakonur kom Florentina til bjargar. Haukar náðu aldrei að minnka muninn í meira en fjögur mörk í seinni hálfleik og Stjarnan sigldi sigrinum í örugga höfn. Lokatölur 23-19, Stjörnunni í vil. Þórhildur Gunnarsdóttir var markahæst í liði Stjörnunnar með sex mörk en Helena Rut Örvarsdóttir kom næst með fimm mörk. Hornamennirnir Hanna G. Stefánsdóttir og Arna Dýrfjörð stóðu einnig fyrir sínu og skiluðu samtals sjö mörkum. Maria skoraði sjö mörk fyrir Hauka en tapaði boltanum fulloft. Karen og Ramune komu næstar með fjögur mörk hvor.Halldór Harri: Lið með marga markaskorara er heilbrigt lið Halldór Harri Kristjánsson, þjálfari Stjörnunnar, var að vonum kátur eftir öruggan sigur hans stelpna á Haukum í dag. Stjarnan tapaði fyrsta leiknum illa en spilaði miklu betur í dag og vann öruggan sigur. „Það var kraftur í okkur í dag. Vörnin var góð og Flora sömuleiðis og við fengum sjálfstraust við það. Við fengum líka svolítið af einföldum mörkum og mér fannst bara allt annar bragur á leik okkar,“ sagði Harri eftir leik. Stjörnukonur byrjuðu báða hálfleikina af krafti; skoruðu fjögur fyrstu mörkin í fyrri hálfleik og fyrstu þrjú í þeim seinni. „Maður sá það í augunum á stelpunum að þær ætluðu að sýna sig í dag. Þær voru þreyttar á þessu tali um að við ættum ekki séns í Haukana og værum búnar að tapa stórt fyrir þeim hingað til í vetur,“ sagði Harri en hvað þurfa Stjörnukonur að gera til að ná að framkalla svona frammistöðu aftur í leik þrjú? „Stemmningin skapaði þetta svolítið í dag. Svo er auðvitað fullt sem við getum lagað. Mér fannst við t.d. ekki vera nógu ákveðnar í seinni bylgjunni í dag. „Mér finnst við eiga marga möguleika þar og við hefðum getað klárað þetta fyrr. Við klúðruðum líka full mikið af dauðafærum í þessum leik.“ Markaskorið dreifðist vel hjá Stjörnunni í dag og mun betur en hjá Haukum. Harri var skiljanlega sáttur með það. „Lið sem er með marga markaskorara er heilbrigt lið,“ sagði þjálfarinn að lokum.Óskar: Spiluðum mjög illa ígrundaðan sóknarleik Óskar Ármannsson, þjálfari Hauka, var ekki sáttur með sóknarleik Hafnfirðinga gegn Stjörnunni í dag. „Við spiluðum mjög illa ígrundaðan sóknarleik, tókum slæmar ákvarðanir og slæm skot. Það fylgir því þegar þú ert að skjóta of snemma og nærð ekki að spila sóknirnar nægjanlega vel út,“ sagði Óskar. Útilínan hjá Haukum skoraði 15 af 19 mörkum liðsins í dag en horna- og línuspilið var í lamasessi. „Þetta er eitthvað sem við þurfum að skoða betur því við þurfum að spila betur upp á hornin og annað. Það er rétt, þetta var full einhæft í dag,“ sagði Óskar. Hans stelpur byrjuðu báða hálfleikina illa og voru fyrir mikið alltaf í eltingarleik. „Við erum að spila slakan sóknarleik og fyrir vikið skorum við ekki nóg. Stjarnan setti eitt og eitt, 23 mörk er ekkert hátt skor en við erum bara með 19 þannig að tölurnar tala ljúga ekki,“ sagði Óskar en hvað breytingar þarf hann að gera fyrir þriðja leikinn? „Við þurfum að bæta varnarleikinn pínkulítið, mér fannst við eilítið of passívar á köflum, og svo þurfum við að spila sóknirnar betur og vanda skotin.“ Olís-deild kvenna Mest lesið „Vandræðalegt að fá krampa í bæði læri eftir sextíu mínútur“ Fótbolti „Þakklátur fyrir að konan sé tilbúin að leyfa mér að upplifa þetta“ Körfubolti Fyrrum Arsenal leikmaður í fjögurra ára fangelsi: „Þú hentir öllu frá þér“ Sport Clarke pirraður og stuttorður í viðtali eftir leik Fótbolti Sjáðu mörk íslenska liðsins á móti Skotum Fótbolti Raphinha valinn bestur en Lamine Yamal besti ungi Fótbolti Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu Fótbolti Sinner vann Djokovic og komst í úrslitaleikinn Sport „Við áttum þennan sigur klárlega skilið“ Fótbolti Robertson um Íslendinga: „Augljóslega ósáttir eins og við“ Fótbolti Fleiri fréttir Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð Sjá meira
Stjarnan jafnaði metin í einvíginu við Hauka í undanúrslitum Olís-deildar kvenna með öruggum 23-19 sigri í TM-höllinni í Garðabæ í dag. Haukar unnu fyrsta leikinn á föstudaginn örugglega, 26-18, en það var allt annað að sjá til Stjörnuliðsins í dag. Garðbæingar voru mun sterkari aðilinn í leiknum og gáfu strax tóninn með því að komast í 4-0. Haukar komust aldrei yfir í leiknum og aðeins einu sinni var staðan jöfn (4-4). Þremur mörkum munaði á liðunum í hálfleik, 12-9, en Stjarnan skoraði fyrstu þrjú mörkin í seinni hálfleik og náði sex marka forskoti sem Haukum tókst ekki að vinna upp. Varnarleikur Stjörnunnar var mjög öflugur og fyrir aftan vörnina var Florentina Stanciu vel með á nótunum. Landsliðsmarkvörðurinn átti ekki sinn besta leik á föstudaginn en Florentina var frábær í leiknum í dag og varði 21 skot, eða 53% þeirra skota sem hún fékk á sig. Sóknarleikur Hauka var einhæfur en til marks um það skoraði útilínan 15 af 19 mörkum liðsins í dag. Þá náði Elín Jóna Þorsteinsdóttir sér ekki nógu vel á strik í markinu. Stjörnukonur mættu ákveðnar til leiks og skoruðu fyrstu fjögur mörk leiksins. Tvö þeirra komu eftir hraðaupphlaup en alls skoruðu heimakonur fjögur hraðaupphlaupsmörk í fyrri hálfleik. Florentina byrjaði frábærlega í marki Stjörnunnar og það tók Hauka sex mínútur að finna leiðina framhjá henni. Eftir þessa kröftugu byrjun lentu Stjörnukonur í vandræðum í sókninni en liðið skoraði ekki í sex mínútur. Á meðan gerðu gestirnir fjögur mörk í röð og jöfnuðu metin, 4-4. Þá var Halldóri Harra Kristjánssyni, þjálfara Stjörnunnar, nóg boðið og tók leikhlé. Það bar árangur því Stjörnukonur skoruðu næstu fjögur mörk leiksins og komust aftur fjórum mörkum yfir, 8-4. Stjarnan leiddi með 2-4 mörkum það sem eftir lifði fyrri hálfleiks en vörn liðsins var mjög sterk og Florentina í góðum gír í markinu. Staðan í hálfleik var 12-9, Stjörnunni í vil og Garðbæingar byrjuðu seinni hálfleikinn af sama krafti og þann fyrri og skoruðu fyrstu þrjú mörkin. Og eftir níu mínútna leik í seinni hálfleik var staðan orðin 18-11 og útlitið gott fyrir Stjörnukonur. Haukar voru í stórkostlegum vandræðum í sókninni lengst af. Eins og áður sagði mæddi mikið á leikmönnunum fyrir utan, Ramune Pekarskyte, Mariu Ines De Silve Pereira og Karenu Helgu Díönudóttur. Boltinn gekk nánast aldrei út í hornin og línuspilið var fátæklegt. Maria og Karen gerðu sitt besta til að halda Haukum inni í leiknum í seinni hálfleik en alltaf þegar gestirnir virtust vera að nálgast heimakonur kom Florentina til bjargar. Haukar náðu aldrei að minnka muninn í meira en fjögur mörk í seinni hálfleik og Stjarnan sigldi sigrinum í örugga höfn. Lokatölur 23-19, Stjörnunni í vil. Þórhildur Gunnarsdóttir var markahæst í liði Stjörnunnar með sex mörk en Helena Rut Örvarsdóttir kom næst með fimm mörk. Hornamennirnir Hanna G. Stefánsdóttir og Arna Dýrfjörð stóðu einnig fyrir sínu og skiluðu samtals sjö mörkum. Maria skoraði sjö mörk fyrir Hauka en tapaði boltanum fulloft. Karen og Ramune komu næstar með fjögur mörk hvor.Halldór Harri: Lið með marga markaskorara er heilbrigt lið Halldór Harri Kristjánsson, þjálfari Stjörnunnar, var að vonum kátur eftir öruggan sigur hans stelpna á Haukum í dag. Stjarnan tapaði fyrsta leiknum illa en spilaði miklu betur í dag og vann öruggan sigur. „Það var kraftur í okkur í dag. Vörnin var góð og Flora sömuleiðis og við fengum sjálfstraust við það. Við fengum líka svolítið af einföldum mörkum og mér fannst bara allt annar bragur á leik okkar,“ sagði Harri eftir leik. Stjörnukonur byrjuðu báða hálfleikina af krafti; skoruðu fjögur fyrstu mörkin í fyrri hálfleik og fyrstu þrjú í þeim seinni. „Maður sá það í augunum á stelpunum að þær ætluðu að sýna sig í dag. Þær voru þreyttar á þessu tali um að við ættum ekki séns í Haukana og værum búnar að tapa stórt fyrir þeim hingað til í vetur,“ sagði Harri en hvað þurfa Stjörnukonur að gera til að ná að framkalla svona frammistöðu aftur í leik þrjú? „Stemmningin skapaði þetta svolítið í dag. Svo er auðvitað fullt sem við getum lagað. Mér fannst við t.d. ekki vera nógu ákveðnar í seinni bylgjunni í dag. „Mér finnst við eiga marga möguleika þar og við hefðum getað klárað þetta fyrr. Við klúðruðum líka full mikið af dauðafærum í þessum leik.“ Markaskorið dreifðist vel hjá Stjörnunni í dag og mun betur en hjá Haukum. Harri var skiljanlega sáttur með það. „Lið sem er með marga markaskorara er heilbrigt lið,“ sagði þjálfarinn að lokum.Óskar: Spiluðum mjög illa ígrundaðan sóknarleik Óskar Ármannsson, þjálfari Hauka, var ekki sáttur með sóknarleik Hafnfirðinga gegn Stjörnunni í dag. „Við spiluðum mjög illa ígrundaðan sóknarleik, tókum slæmar ákvarðanir og slæm skot. Það fylgir því þegar þú ert að skjóta of snemma og nærð ekki að spila sóknirnar nægjanlega vel út,“ sagði Óskar. Útilínan hjá Haukum skoraði 15 af 19 mörkum liðsins í dag en horna- og línuspilið var í lamasessi. „Þetta er eitthvað sem við þurfum að skoða betur því við þurfum að spila betur upp á hornin og annað. Það er rétt, þetta var full einhæft í dag,“ sagði Óskar. Hans stelpur byrjuðu báða hálfleikina illa og voru fyrir mikið alltaf í eltingarleik. „Við erum að spila slakan sóknarleik og fyrir vikið skorum við ekki nóg. Stjarnan setti eitt og eitt, 23 mörk er ekkert hátt skor en við erum bara með 19 þannig að tölurnar tala ljúga ekki,“ sagði Óskar en hvað breytingar þarf hann að gera fyrir þriðja leikinn? „Við þurfum að bæta varnarleikinn pínkulítið, mér fannst við eilítið of passívar á köflum, og svo þurfum við að spila sóknirnar betur og vanda skotin.“
Olís-deild kvenna Mest lesið „Vandræðalegt að fá krampa í bæði læri eftir sextíu mínútur“ Fótbolti „Þakklátur fyrir að konan sé tilbúin að leyfa mér að upplifa þetta“ Körfubolti Fyrrum Arsenal leikmaður í fjögurra ára fangelsi: „Þú hentir öllu frá þér“ Sport Clarke pirraður og stuttorður í viðtali eftir leik Fótbolti Sjáðu mörk íslenska liðsins á móti Skotum Fótbolti Raphinha valinn bestur en Lamine Yamal besti ungi Fótbolti Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu Fótbolti Sinner vann Djokovic og komst í úrslitaleikinn Sport „Við áttum þennan sigur klárlega skilið“ Fótbolti Robertson um Íslendinga: „Augljóslega ósáttir eins og við“ Fótbolti Fleiri fréttir Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð Sjá meira
Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu Fótbolti
Uppgjörið: Skotland - Ísland 1-3 | Fyrsti sigur Arnars Bergmanns við stjörnvölinn hjá íslenska liðinu Fótbolti