Fjölmargir Íslendingar í basli með að losna við miðana sína á EM Kolbeinn Tumi Daðason skrifar 2. júní 2016 09:30 Stuðningsmenn karlalandsliðsins ætla að fjölmenna til Frakklands í júní. Vísir Þegar íslenska karlalandsliðið í knattspyrnu tryggði sér sæti í lokakeppni Evrópumótsins síðastliðið haust ákváðu margir um leið að þeir ætluðu ekki að missa af ferðalaginu til Frakklands. Evrópska knattspyrnusambandið (UEFA) bauð stuðningsmönnum þátttökuþjóðanna að sækja um miða á EM í lok árs og gat hver og einn sótt um að hámarki fjóra miða á hvern leik. Miðar á leiki Íslands í riðlakeppninni kostuðu allt að 20 þúsund krónur stykkið. Nokkrum mánuðum og vikum síðar hafa aðstæður fjölmargra breyst og þurfa að losna við miðana. Sumir keyptu einfaldlega of marga miða en aðrir eiga ekki lengur kost á því að komast til Frakklands. Þór Bæring Ólafsson hjá Gamanferðum.Mynd af vefsíðu Gamanferða Ljóst að Íslendingar sóttu um of marga miða „Fólk sótti um of marga miða. Það er alveg ljóst,“ segir Þór Bæring Ólafsson hjá Gamanferðum sem hefur mikla reynslu af ferðalögum utan á íþróttaviðburði. Margir hafi nýtt hámarkið, keypt fjóra miða en eigi nú í erfiðleikum með að koma þeim út eða fá endurgreidda. Allir miðar sem keyptir voru í gegnum fyrrnefnt ferli eru skráðir á kaupanda, hvort sem sá keypti einn miða eða fjóra. Í mótsreglum UEFA kemur skýrt fram að sá sem skráður er fyrir miðanum verði að vera með í för til að fá aðgang að leikvanginum. Þannig geti Jón Jónsson, sem á miða á leik á EM, ekki selt Sigurði Sigurðssyni miðann nema Jón, sem merktur er fyrir miðanum, sé með í för þegar Sigurður fer inn á leikvanginn. Strangar reglur UEFA má rekja til tveggja þátta. Annars vegar skýrrar stefnu er varða að koma í veg fyrir að þriðji aðili græði á endursölu miða, eins og er tilfellið á síðum á borð við Viago og þekkist stundum á Bland.is hér á landi en einnig á götunum í kringum leikvanginn nokkrum klukkustundum fyrir leik. Hins vegar eru Frakkar á nálum vegna hryðjuverkanna í París í nóvember síðastliðnum og gæta fyllsta öryggis í aðdraganda mótsins. Cristiano Ronaldo verður í eldlínunni gegn Íslendingum í St. Etienne 14. júní.vísir/getty Sömu reglum ekki verið framfylgt til þessa Þór segir reglurnar ekki nýjar af nálinni. Í stærstu deildum Evrópu, í Meistaradeildinni og öðrum stórmótum séu þessar reglur alltaf fyrir hendi. Þeim sé hins vegar ekki framfylgt enda væri það ómögulegt. „Líkurnar á því að þeir skoði alla miðana eru engar,“ segir Þór. Slíkt myndi skapa öngþveiti í mannhafinu sem reynir að komast inn á leikvanginn. Hins vegar hafi hann heyrt, þegar dregið var í riðla fyrir EM í desember, að gerðar yrðu stykkprufur. Þá voru hryðjuverkin í París nýafstaðinn og mikil áhersla á öryggismál, og er enn. „En ætli það verði tékkað á leikjum Íslands? Eða á leikjum hjá stóru þjóðunum?“ segir Þór og telur líklegra að hið síðarnefnda verði niðurstaðan. Ómögulegt sé að fullyrða um það. Hann var sjálfur á úrslitaleiknum í Evrópudeildinni á dögunum þar sem sömu reglur giltu varðandi það að kaupandi miða þyfti að vera á staðnum. Þegar til kastanna kom voru miðarnir ekkert skoðaðir. Birkir Bjarnason er hér búinn að fiska vítið á móti Hollandi, í fyrsta leik Íslands í undankeppninni.Vísir/Andri Marinó Margir sitja uppi með miða Í Facebook-hópnum Ferðagrúppa fyrir EM 2016 reyna fjölmargir á hverjum degi að selja miða og einnig eru einhverjir í leit að miðum. Vandamálið er hins vegar að oftar en ekki verður seljandi miðans ekki á svæðinu þegar leikurinn fer fram. Enginn vill kaupa miða vitandi að miðinn veitir ekki aðgang að leiknum. Þór segir að líkurnar á því að íslenskur stuðningsmaður á leið á landsleik Íslands á EM verði stöðvaður, miði hans skoðaður og honum meinaður aðgangur vegna fjarveru skráðs miðahafa séu litlar. Ef fólk mætir á völlinn bara pollrólegt, ekki ofurölvi eða með læti, séu líkurnar enn minni. Komi hins vegar eitthvað upp á meðan á leik stendur í kringum sæti viðkomandi gæti það breytt einhverju. Þá verði sömuleiðis að hafa í huga í ljós hryðjuverkanna í nóvember að Frakkar setja öryggi í fyrirrúm. Þeir muni hins vegar aldrei skoða alla miðana. „Ég prívat og persónulega myndi bara kaupa miða á vef UEFA,“ segir Þór og bendir á að þótt líkurnar séu afar litlar þá sé það varla áhættunnar virði fyrir ekki hærri upphæð. „Maður veit aldrei.“ Enn séu miðar til sölu á leikina gegn Ungverjalandi og Austurríki á vef UEFA. Um 600 manns eru á leið til Frakklands á vegum Gamanferða og svipaður fjöldi á vegum ferðaskrifstofunnar Vita. Íslendingar sóttu um í kringum 25 þúsund miða en KSÍ gerir ráð fyrir allt 15-20 þúsund Íslendingum í Frakklandi í tengslum við mótið. EM 2016 í Frakklandi Mest lesið Féll næstum því í Harvard vegna höfuðverkjanna Fótbolti Leikdagur í Munchen: Gummi Ben og Kjartan hita upp fyrir stærsta leik ársins Fótbolti Ólympíumeistarinn þarf að fara í kynjapróf til að fá að keppa Sport Dagur Dan kallaður inn í íslenska landsliðið Fótbolti Sjáðu frábæra afgreiðslu Sveindísar Jane Fótbolti Dagskráin: Úrslitaleikur Meistaradeildarinnar á kvöldið Sport „Þetta er alvöru pakki og alvöru djobb“ Körfubolti Mikil öryggisgæsla í París þótt að úrslitaleikurinn fari fram í München Fótbolti Fyrrum forseti Inter látinn og liðið mun leika með sorgarbönd Fótbolti Ancelotti: Brasilíska landsliðið mitt mun spila eins og Real Madrid Fótbolti Fleiri fréttir Mexíkó hyggst halda HM 2031 með Bandaríkjunum Fyrrum forseti Inter látinn og liðið mun leika með sorgarbönd Dagur Dan kallaður inn í íslenska landsliðið Leikdagur í Munchen: Gummi Ben og Kjartan hita upp fyrir stærsta leik ársins Féll næstum því í Harvard vegna höfuðverkjanna Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Tilkynnti að hún yrði mamma fyrir stórleikinn við Ísland í kvöld KR-ingar alveg týndir: „Bara eins og þegar ég er einn heima“ Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Palestína gæti komist á HM þrátt fyrir að vera ekki viðurkennt fullvalda ríki Sjá meira
Þegar íslenska karlalandsliðið í knattspyrnu tryggði sér sæti í lokakeppni Evrópumótsins síðastliðið haust ákváðu margir um leið að þeir ætluðu ekki að missa af ferðalaginu til Frakklands. Evrópska knattspyrnusambandið (UEFA) bauð stuðningsmönnum þátttökuþjóðanna að sækja um miða á EM í lok árs og gat hver og einn sótt um að hámarki fjóra miða á hvern leik. Miðar á leiki Íslands í riðlakeppninni kostuðu allt að 20 þúsund krónur stykkið. Nokkrum mánuðum og vikum síðar hafa aðstæður fjölmargra breyst og þurfa að losna við miðana. Sumir keyptu einfaldlega of marga miða en aðrir eiga ekki lengur kost á því að komast til Frakklands. Þór Bæring Ólafsson hjá Gamanferðum.Mynd af vefsíðu Gamanferða Ljóst að Íslendingar sóttu um of marga miða „Fólk sótti um of marga miða. Það er alveg ljóst,“ segir Þór Bæring Ólafsson hjá Gamanferðum sem hefur mikla reynslu af ferðalögum utan á íþróttaviðburði. Margir hafi nýtt hámarkið, keypt fjóra miða en eigi nú í erfiðleikum með að koma þeim út eða fá endurgreidda. Allir miðar sem keyptir voru í gegnum fyrrnefnt ferli eru skráðir á kaupanda, hvort sem sá keypti einn miða eða fjóra. Í mótsreglum UEFA kemur skýrt fram að sá sem skráður er fyrir miðanum verði að vera með í för til að fá aðgang að leikvanginum. Þannig geti Jón Jónsson, sem á miða á leik á EM, ekki selt Sigurði Sigurðssyni miðann nema Jón, sem merktur er fyrir miðanum, sé með í för þegar Sigurður fer inn á leikvanginn. Strangar reglur UEFA má rekja til tveggja þátta. Annars vegar skýrrar stefnu er varða að koma í veg fyrir að þriðji aðili græði á endursölu miða, eins og er tilfellið á síðum á borð við Viago og þekkist stundum á Bland.is hér á landi en einnig á götunum í kringum leikvanginn nokkrum klukkustundum fyrir leik. Hins vegar eru Frakkar á nálum vegna hryðjuverkanna í París í nóvember síðastliðnum og gæta fyllsta öryggis í aðdraganda mótsins. Cristiano Ronaldo verður í eldlínunni gegn Íslendingum í St. Etienne 14. júní.vísir/getty Sömu reglum ekki verið framfylgt til þessa Þór segir reglurnar ekki nýjar af nálinni. Í stærstu deildum Evrópu, í Meistaradeildinni og öðrum stórmótum séu þessar reglur alltaf fyrir hendi. Þeim sé hins vegar ekki framfylgt enda væri það ómögulegt. „Líkurnar á því að þeir skoði alla miðana eru engar,“ segir Þór. Slíkt myndi skapa öngþveiti í mannhafinu sem reynir að komast inn á leikvanginn. Hins vegar hafi hann heyrt, þegar dregið var í riðla fyrir EM í desember, að gerðar yrðu stykkprufur. Þá voru hryðjuverkin í París nýafstaðinn og mikil áhersla á öryggismál, og er enn. „En ætli það verði tékkað á leikjum Íslands? Eða á leikjum hjá stóru þjóðunum?“ segir Þór og telur líklegra að hið síðarnefnda verði niðurstaðan. Ómögulegt sé að fullyrða um það. Hann var sjálfur á úrslitaleiknum í Evrópudeildinni á dögunum þar sem sömu reglur giltu varðandi það að kaupandi miða þyfti að vera á staðnum. Þegar til kastanna kom voru miðarnir ekkert skoðaðir. Birkir Bjarnason er hér búinn að fiska vítið á móti Hollandi, í fyrsta leik Íslands í undankeppninni.Vísir/Andri Marinó Margir sitja uppi með miða Í Facebook-hópnum Ferðagrúppa fyrir EM 2016 reyna fjölmargir á hverjum degi að selja miða og einnig eru einhverjir í leit að miðum. Vandamálið er hins vegar að oftar en ekki verður seljandi miðans ekki á svæðinu þegar leikurinn fer fram. Enginn vill kaupa miða vitandi að miðinn veitir ekki aðgang að leiknum. Þór segir að líkurnar á því að íslenskur stuðningsmaður á leið á landsleik Íslands á EM verði stöðvaður, miði hans skoðaður og honum meinaður aðgangur vegna fjarveru skráðs miðahafa séu litlar. Ef fólk mætir á völlinn bara pollrólegt, ekki ofurölvi eða með læti, séu líkurnar enn minni. Komi hins vegar eitthvað upp á meðan á leik stendur í kringum sæti viðkomandi gæti það breytt einhverju. Þá verði sömuleiðis að hafa í huga í ljós hryðjuverkanna í nóvember að Frakkar setja öryggi í fyrirrúm. Þeir muni hins vegar aldrei skoða alla miðana. „Ég prívat og persónulega myndi bara kaupa miða á vef UEFA,“ segir Þór og bendir á að þótt líkurnar séu afar litlar þá sé það varla áhættunnar virði fyrir ekki hærri upphæð. „Maður veit aldrei.“ Enn séu miðar til sölu á leikina gegn Ungverjalandi og Austurríki á vef UEFA. Um 600 manns eru á leið til Frakklands á vegum Gamanferða og svipaður fjöldi á vegum ferðaskrifstofunnar Vita. Íslendingar sóttu um í kringum 25 þúsund miða en KSÍ gerir ráð fyrir allt 15-20 þúsund Íslendingum í Frakklandi í tengslum við mótið.
EM 2016 í Frakklandi Mest lesið Féll næstum því í Harvard vegna höfuðverkjanna Fótbolti Leikdagur í Munchen: Gummi Ben og Kjartan hita upp fyrir stærsta leik ársins Fótbolti Ólympíumeistarinn þarf að fara í kynjapróf til að fá að keppa Sport Dagur Dan kallaður inn í íslenska landsliðið Fótbolti Sjáðu frábæra afgreiðslu Sveindísar Jane Fótbolti Dagskráin: Úrslitaleikur Meistaradeildarinnar á kvöldið Sport „Þetta er alvöru pakki og alvöru djobb“ Körfubolti Mikil öryggisgæsla í París þótt að úrslitaleikurinn fari fram í München Fótbolti Fyrrum forseti Inter látinn og liðið mun leika með sorgarbönd Fótbolti Ancelotti: Brasilíska landsliðið mitt mun spila eins og Real Madrid Fótbolti Fleiri fréttir Mexíkó hyggst halda HM 2031 með Bandaríkjunum Fyrrum forseti Inter látinn og liðið mun leika með sorgarbönd Dagur Dan kallaður inn í íslenska landsliðið Leikdagur í Munchen: Gummi Ben og Kjartan hita upp fyrir stærsta leik ársins Féll næstum því í Harvard vegna höfuðverkjanna Mikil öryggisgæsla í París þótt að úrslitaleikurinn fari fram í München Ancelotti: Brasilíska landsliðið mitt mun spila eins og Real Madrid Njarðvík og ÍR upp í efstu sætin í Lengjudeildinni „Við í rauninni töpum tveimur stigum“ Beever-Jones með þrennu í fyrsta landsleiknum sínum á Wembley Stelpurnar hennar Betu réðu ekki við heimsmeistarana í lokin „Gengur kannski illa að vinna leiki en við vinnum bara réttu leikina“ Fyrrum aðstoðarmaður Klopp aðstoðar Guardiola á næsta tímabili Harder tryggði Dönum dýrmætan sigur Sjáðu frábæra afgreiðslu Sveindísar Jane Ungu strákarnir björguðu andliti Man United í Hong Kong Uppgjörið: Noregur - Ísland 1-1 | Dýrt sjálfsmark kostaði sigurinn „Auðveld ákvörðun“ þegar hann heyrði af áhuga Liverpool Fjórir miðverðir í íslensku vörninni á Lerkendal Bindur vonir við nýja manninn: „Ekki með svona leikmann í liðinu í dag“ Enn hærra metboð frá Liverpool Tilkynnti að hún yrði mamma fyrir stórleikinn við Ísland í kvöld KR-ingar alveg týndir: „Bara eins og þegar ég er einn heima“ Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Bjarki var næstum því farinn í Val áður en gullöld ÍA hófst Öll mörkin í Bestu: Stjarnan tætti KR í sig og ÍA valtaði yfir Blika Heimir uppskar hrossahlátur: „Sagði ekki farið til fjandans“ Palestína gæti komist á HM þrátt fyrir að vera ekki viðurkennt fullvalda ríki Sjá meira