„Þetta er erfitt. Við erum mjög svekktir með það hvernig við byrjuðum leikinn en ég held að Frakkarnir hafi verið of góðir fyrir okkur,“ segir Gylfi Þór Sigurðsson svekktur eftir tapið gegn Frakklandi í kvöld.
Hann var þá í viðtali við Pétur Marteinsson hjá sjónvarpi Símans.
„Taktískt voru þeir mjög skipulagðir. Þeir opnuðu völlinn og gerðu hann mjög stóran svo við þurftum að hlaupa mikið,“ segir Gylfi og bætti við að leikmenn hefðu verið þreyttir enda búið að vera mikið álag.
„Mér fannst vanta smá orku í leikmennina og mér leið í það minnsta þannig. Ég veit ekki hvernig strákunum leið en það tekur á að spila fjóra fimm leiki eins og við höfum verið að spila þá. Við höfum aldrei verið 2-0 eða 3-0 yfir og getað gert skiptingar og slakað aðeins á. Þetta var alltaf barátta fram á síðustu mínútu.
„Þetta var erfitt í dag. Frakkarnir eru komnir áfram og eiga það skilið. Við vorum langt frá okkar besta leik í fyrri hálfleik og gott lið eins og Frakkland refsar er það fær tækifæri. Í seinni hálfleik tókum við smá áhættu en í heildina getum við farið ánægðir frá Frakklandi.“
Miðjumaðurinn öflugi átti erfitt með að lýsa stuðningnum sem liðið fékk á EM.
„Þetta er ótrúlegt. Maður er eiginlega orðlaus yfir stemningunni og hvernig var tekið á móti okkur þó svo við höfum tapað 5-2. Þetta er búið að vera yndislegt og ég get ekki þakkað stuðningsfólkinu nógu mikið. Þetta eru nokkrar vikur sem við eigum aldrei eftir að gleyma. Það skiptir ekki máli hvaða velli við erum að spila á. Það er skemmtilegast að spila fyrir þessa áhorfendur. Þetta er ótrúlegt.“
Gylfi: Gleymum þessum vikum aldrei
Tengdar fréttir
Twitter-umræðan: "Þið hafið gefið keppninni svo mikið“
Fólkið á Twitter hrósaði íslenska landsliðinu í hástert þrátt fyrir 5-2 tap fyrir gestgjöfum Frakka í 8-liða úrslitum á EM í Frakklandi.
Giroud: Vil hrósa íslenska liðinu
Olivier Giroud segir að leikurinn í kvöld hafi líklega verið hans besti leikur fyrir franska landsliðið á stórmóti.
Einkunnir eftir tapið gegn Frökkum: Gylfi bestur
Ísland er úr leik á Evrópumótinu í Frakklandi eftir 5-2 tap gegn Frakklandi á Stade de France í kvöld.
Hannes: Okkur leið eins og við værum ósigrandi
"Ég held að allir geti borið höfuðið hátt eftir þessa keppni þó svo þessi leikur hafi tapast í kvöld,“ sagði ein af hetjum Íslands á EM, Hannes Þór Halldórsson.
Kolbeinn: Held að við höfum verið að spila við verðandi Evrópumeistara
Kolbeinn Sigþórsson skoraði fyrra mark Íslands gegn Frakklandi í kvöld.
Payet: Besti leikur okkar á EM
Dimitri Payet var magnaður í franska liðinu í kvöld og átti stóran þátt í sigri Frakklands á Íslandi.
Aron Einar: Takk Íslendingar fyrir ruglaðan stuðning
Aron Einar Gunnarsson, fyrirliði Íslands, var svekktur en stoltur í leikslok eftir 5-2 tap Íslands gegn Frökkum í 8-liða úrslitum á EM í Frakklandi.
Umfjöllun: Frakkland - Ísland 5-2 | Ævintýrinu lokið í Frakklandi
Ísland tapaði 5-2 fyrir Frakklandi og er úr leik á Evrópumótinu í fótbolta.
Pogba: Skorum ekki fimm í hverjum leik
Paul Pogba var ánægður með frammistöðuna sína í leiknum gegn Íslandi í kvöld.
