Bandaríkjamaðurinn Jimmy Walker er með forystu eftir fyrsta hringinn á PGA-meistaramótinu í golfi.
Walker lék hringinn á 65 höggum, eða fimm höggum undir pari.
Argentínumaðurinn Emiliano Grillo, Englendingurinn Ross Fisher og Þjóðverjinn Martin Kaymer eru jafnir í 2. sæti en þeir léku allir á fjórum höggum undir pari.
Ástralinn Jason Day, efsti maður heimslistans og sigurvegarinn á PGA-meistaramótinu í fyrra, er í 9. sæti á tveimur höggum undir pari.
Svíin Henrik Stenson, sem vann Opna breska meistaramótið á dögunum, er í 5. sæti á þremur höggum undir pari.
Jimmy Walker með forystu á PGA-meistaramótinu
Tengdar fréttir
Besti golfari heims lítill í sér fyrir titilvörnina á PGA-meistaramótinu
Síðasta risamót ársins í golfinu, PGA-meistaramótið, hefst í dag en að þessu sinni verður það haldið hjá Baltusrol-klúbbnum í Springfield í New Jersey fylki.
